Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هیۆکمارک به‌رگری له‌ ڕێککه‌وتنه‌ هه‌مه‌کییه‌که‌ی سوێد ده‌کات

بڵاو کرایه‌وه‌ onsdag 27 maj 2009 kl 15.56
گوننه‌ر هیۆگمارک

سه‌رلیستی ناوزه‌دکراوانی پارتیی بۆرژووا، مۆدێراته‌کان، بۆ په‌رله‌مانی ئه‌ورووپا، گوننار هیۆکمان Gunnar Hökmark  ڕێککه‌وتننامه‌ی هه‌مه‌کیی سوێد به‌ باش ده‌زانێت، که‌ له‌ نێوان کارگه‌ر و خاوه‌نکاردا مۆر ده‌کرێت و ده‌ڵێت له‌و ده‌مه‌وه‌ ئیستلاند و لێتلاند و لیتاون هاتنه‌ ڕیزی وڵاتانی یه‌کیه‌تییه‌که‌وه‌ ئاستی مووچه‌ له‌ سوێد زیادی کردووه‌.

گوننار هیۆکمارک ئه‌و ڕه‌خنه‌یه‌ به‌ زێده‌گۆیی ده‌زانێت که‌ ڕێکخراوی سه‌ندیکا سوێدییه‌کان به‌ هۆی حوکمی به‌ ناو لاڤاله‌وه‌ له‌ ڕێککه‌وتنه‌که‌ی گرتووه‌ که‌ دادگه‌ی یه‌کیه‌تیی ئه‌ورووپا داویه و. هیۆکمارک ده‌ڵێت ئه‌مه‌ی ئه‌و ڕێکخراوه‌ پڕوپاڵاوته‌ی ترسێکی زۆر‌ و،  به‌ هێندی ناگرێت.

حوکمه‌که‌ی دادگه‌ی یه‌کیه‌تیی ئه‌ورووپا ده‌ڵێت سه‌ندیکا سوێدییه‌کان ئێستا هه‌ر هێنده‌یان پێ ده‌کرێت که‌ هه‌ر مافی مووچه و پشووی ئاسایی به‌ کارگه‌ری وڵاتانی تر له‌ سوێد دابین بکرێت، به‌ڵام بۆ نموونه‌ بیمه‌ی وه‌کوو کارگه‌ری سویدییان بۆ ناڕه‌خسێنرێت. به‌ڵام هیۆکمارک ئه‌م هه‌ملومه‌رجه‌ به‌ ڕاست نازانێت و له‌مه‌ به‌ولاوه‌تر ده‌چێت، که‌ هاووڵاتییانی یه‌کیه‌تیی ئه‌ورووپا بۆیان بلوێت له‌ هه‌ر کام وڵاتێکیدا بێت چاره‌ی نه‌خۆشییان بکرێت.  

گوننار هیۆکمارک ده‌ڵێت ئه‌گه‌ر که‌سێک نه‌خۆش بکه‌وێت و چاره‌ی نه‌خۆشییه‌که‌ی هه‌بێت، هیچ هۆیه‌ک نابینم که‌ که‌سێکی تر ئه‌و مافه‌ له‌ نه‌خۆشه‌که‌ زه‌وت بکات، که‌ به‌ زووترین کات چاره‌سه‌ری به‌رده‌ستی بکرێت. هه‌موو نه‌شته‌رکارییه‌ک پاره‌ی تێده‌چیت، به‌ڵام ئه‌گه‌ر نه‌شته‌رگه‌رییه‌ک بۆ که‌سێک ده‌سته‌وجێ بکرێت، که‌متری تێناچێت ئه‌گه‌ر دره‌نگتر چاره‌ی که‌سه‌که‌ بکرێت.

جا که‌سێک له‌ وڵاتێکی تری یه‌کیه‌تیی ئه‌ورووپادا ئه‌گه‌ر چاره‌ی بکرێت، ئه‌و وڵاته‌ هه‌ر هێنده‌ی پێ ده‌وێت که‌ داوای خه‌رجیی چاره‌که‌ له‌ ده‌ستگه‌ی نه‌خۆشه‌وانیی سوێد بکات و ده‌یشڵێت چاره‌ی وا ئه‌گه‌ر له‌ سوێدیش بکرێت خۆ که‌متری تێناچێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".