Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هێزه‌کانی سوێد لێیان ئاشکرا بووه‌ که‌ توندوتیژی زیادی کردووه‌

بڵاو کرایه‌وه‌ tisdag 21 juli 2009 kl 15.50

ڕاپۆرتێکی ئه‌م دواییه‌ دیاری خستووه‌ که‌ توندوتیژیی له‌ ئه‌فگانستان ته‌شه‌نه‌ی کردووه‌. ژماره‌ی هێرشه‌کانی ڕێکخراوی تالیبانی دژ به‌ ئامانجی سوپای ئه‌و وڵاته‌ له‌ ماوه‌ی دوو ساڵی ڕابردوودا دووهێنده‌ی جاران زیادی کردووه‌. به‌ڵام هێرشه‌کان خه‌ڵکی ئاساییش ده‌گرنه‌وه‌ و ڕاپۆرته‌که‌یش ئاشکرای کردووه‌ که‌‌ 1000 که‌سی سیڤیل له‌ شه‌ش مانگی ڕابردوودا گیانیان له‌ ده‌ست داوه‌.

ته‌نانه‌ت لایه‌نه‌کانی شه‌ڕه‌ به‌رده‌وامه‌که‌ی ئه‌فگانستانیش توندوتیژییه‌ سه‌رکردووه‌که‌یان به‌ تووشه‌وه‌ هاتووه‌، دوای ئه‌وه‌ی جه‌نگه‌که‌ی ئه‌وێ توندتر بووه‌. ئه‌و هێرشانه‌ی ‌کراونه‌ته‌‌ سه‌ر هێزه‌ سوێدییه‌کان تاکوو ئێستا ئه‌ونده‌ی ئه‌و هێرشانه‌ن که‌ ساڵی پار دووچاریان هاتوون. ئولۆف گرانانده‌ر ده‌ڵێت که‌ فه‌رمانی هێزه‌ سوێدییه‌کانی له‌ ئه‌فگانستان به‌ ده‌سته‌وه‌یه‌.

هێزه‌ سوێدییه‌کانی ئه‌فگانستان له‌ 400 که‌س پێک هاتوون‌، که‌ سێ ساڵه‌ به‌رپرسیی چوار هه‌رێمی باکووری وڵاته‌که‌یان پێ سپیردراوه‌ و، له‌ ده‌وروبه‌ری شاری مه‌زاری شه‌ریفدا دامه‌زراون‌. ئه‌گه‌رچی ئه‌و هه‌رێمانه‌ به‌راورد به‌ باشووری وڵاته‌که‌ هێمنترن، به‌ڵام له‌و هه‌ریمانه‌یشدا توندوتیژی زیادی کردووه‌. بێجگه‌ له‌ بۆمبارانکردنی ناوچه‌کان، شه‌ڕه‌ته‌قه‌ی به‌رده‌وامیشیان لێدا به‌رپا بووه‌ .

ئه‌و ئه‌رکه‌یش که‌ له‌مه‌وبه‌ر به‌ هێزه‌ سوێدییه‌کان سپێردرابوو، له‌وه‌نده‌ی تێنه‌ده‌په‌ڕاند که‌ پێوه‌ندیی به‌ خه‌ڵکه‌ ئاساییه‌که‌ی وڵاته‌که‌وه‌ بگرن و چاودێریی په‌ره‌سه‌ندنی ناوچه‌که‌ بکه‌ن، به‌ڵام له‌و ڕۆژه‌وه‌ پۆلیس و سوپای ئه‌فگانستان توانستی زۆرتریان په‌یدا کرد و په‌لاماریان بۆ یاخی و تاوانکارانی وڵاته‌که‌ برد، سه‌ربازه‌ سوێدییه‌کان پشتگیریی زیاتری سوپاکه‌یان پێ سپێردراوه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".