Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ڕه‌خنه‌ له‌ ناوه‌ندگه‌لی چاوه‌دێری له‌ ژنان و کچانی ئازاردراو

بڵاو کرایه‌وه‌ torsdag 27 augusti 2009 kl 15.05
سه‌یران دوران

بۆ جاری دووم له ماوەی ساڵێکدا کومیته‌ی کاروباری کۆمه‌ڵایه‌تیی یۆنشوێپینگ، له‌ به‌ر چۆنه‌تیی ڕه‌فتار له‌گه‌ڵ کێشه‌ی کچانی گه‌نجی ئازاردراو به‌ توندی ڕه‌خنه‌ی له‌ لایه‌ن ده‌سته‌ی به‌ڕێوه‌به‌رایه‌تیی پارێزگاوه‌ ڕه‌خنه‌ی لێگیراوه‌‌‌. ئه‌مجاره‌یان ره‌خنه‌که‌ له‌ سه‌ر ئه‌وه‌یه‌ که‌ چلۆن کچێکی پانزده‌ ساڵه‌ به‌ر له‌‌ مه‌حکه‌مه‌‌کرانی ئه‌و پیاوه‌ 42 ساڵه‌یه‌ی چه‌ندین جار، ده‌سدرێژیی کردبوویه‌ خۆی کوشت.

ئه‌و کچه‌ که‌ له‌ شوێنیکی تایبه‌تی چاوه‌دێری سه‌ر به ‌شاره‌وانی ناودێر به‌ (kommunalt behandlingshem) ڕاده‌گیرا ئه‌م پشتیوانییه‌ کۆمه‌ڵایه‌تییه‌ی مافی خۆی بوو نه‌یدرایێ. دسته‌ی به‌ڕێوه‌به‌رایه‌تیی پارێزگا هه‌روه‌ها ڕه‌خنه‌ی له‌وه‌یه‌ که‌ بۆچی ئه‌م کچه‌ له‌و ماڵه‌دا ڕاده‌گیرا له‌ حاڵێکدا که‌ ئه‌و یارمه‌تییه‌ی پێویستی بوو، پێینه‌درا.

ئێستاش کۆمۆنی یۆنشوێپینگ ددان به‌و داده‌نێ که‌ هه‌ڵه‌ کراوه‌. بوو ساموێلسۆن سه‌رۆکی به‌شی سه‌رپه‌رستیی تاکه‌که‌سان و بنه‌ماڵه‌کان له‌ یۆنشوێپینگ:

بوو ساموێلسۆن ده‌ڵێ: "له‌‌و بۆچوونانه‌ی‌ بڕیاریان ده‌رباره‌ی ئه‌م کچه‌ له‌ سه‌ر گیراوه‌، هه‌ڵه‌ی زۆر زه‌ق کراوه‌. پێم وا نییه‌ ئێمه‌ هه‌رگیز له‌و ئاسته‌دا هه‌ڵه‌ی وا بکه‌ینه‌وه‌."

ده‌سته‌ی به‌ڕێوه‌به‌رایه‌تیی پارێزگا داوای له‌ کۆمۆنی یۆنشوێپینگ کردووه‌ که‌ تا سه‌ره‌تای مانگی نۆڤه‌مبه‌ره‌وه‌ وه‌ڵام‌ بده‌نه‌وه‌ که‌ بۆ ئه‌وه‌ی ئه‌م ڕووداوه‌ جارێکی دی نه‌قه‌ومێته‌وه‌‌ ده‌یانه‌وێ چ بکه‌ن؟

بوو ساموێلسۆن، سه‌رۆکی به‌شی سه‌رپه‌رستیی تاکه‌که‌سان و بنه‌ماڵه‌کان له‌ یۆنشوێپینگ ده‌ڵێ ئه‌مه‌ش به‌و مانایه‌یه‌ که‌ ئێمه‌ خۆ سازده‌ده‌ینه‌وه‌ و ڕێکخستنێک بۆ بردنه‌ سه‌ری ئاستی تێگه‌یشتن، زانیاری و ڕوانگه‌ی کارمه‌ندان له‌ سه‌ر ئه‌م جۆره‌ کێشانه‌ ئاماده‌ ده‌که‌ین تا  ڕووداوی له‌م چه‌شنه‌ دووپات نه‌بێته‌وه‌.

بوو ساموێلسۆن، سه‌رۆکی به‌شی سه‌رپه‌رستیی تاکه‌که‌سان و بنه‌ماڵه‌کان له‌ یۆنشوێپینگ له‌ وتووێژ له‌گه‌ڵ به‌شی ناوه‌ندیی ده‌نگوباسی ڕادیۆ سوید، ئێکۆت.

جێی باسه‌ که‌ ساڵێک له‌وه‌ پێشیش ده‌سته‌ی به‌ڕیوه‌به‌رایه‌تیی پارێزگا ڕه‌خنه‌یه‌کی وه‌های له‌ کومیته‌ی کاروباری کۆمه‌ڵایه‌تیی یۆنشوێپینگ گرتبوو، ئه‌ویش سه‌باره‌ت به‌ چۆنه‌تیی ڕه‌فتار له‌ گه‌ڵ کچۆڵه‌یه‌کی دی که‌ ڕێک له‌ هه‌مان ناوه‌ند ڕاده‌گیرا.

سه‌یران دوران سه‌رۆکی یه‌کێتیی ژنانی کوردستان له‌ سوید، یه‌کێ له‌و که‌سانه‌یه‌ که‌ ڕوانگه‌یه‌کی جیاوازی له‌ سه‌ر چالاکیی ناوه‌ندگه‌لی سه‌ر به‌ ‌شاره‌وانی ناودێر به‌ (kommunalt behandlingshem) هه‌یه‌.

پاشخانی ده‌نگوباسه‌که‌:

پاش کوژرانی ئه‌م کچه‌، پارێزه‌ری گشتی، په‌روه‌نده‌ی مه‌حکه‌مه‌کردنی ئه‌و پیاوه‌ 42 ساڵه‌ی چه‌ند جارێک ده‌سدرێژیی جینسیی کردبوویێ، داخست. چون بێجگه‌ له‌ گێڕانه‌وه‌ی ئه‌م کچه‌ی تازه‌ نه‌مابوو، هیچ به‌ڵگه‌یه‌کی دی له‌ گۆڕێدا نه‌بوو. به‌ڵام ڕێک دوای ئه‌وه‌ و ڕه‌خنه‌یه‌کی زۆر که‌ ئاراسته‌یان کرا، پارێزه‌ری گشتی خۆی داوای پێداچوونه‌وه‌ به‌ بڕیاره‌که‌ی خۆیدا کرد. مه‌حکه‌مه‌ بڕیاری دا که‌ پیاوه‌که‌ بۆ نموونه‌ له‌ به‌ر چه‌ند جار ده‌سدرێژیی جینسی بۆ سه‌ر ئه‌م کچۆڵه‌یه،‌ هاوڕێیه‌کی ئه‌م کچه‌ و تاوانی نارکۆتیک سێ ساڵ بخرێته‌ زیندانه‌وه‌. به‌ڵام به‌ شوێن پێداچوونه‌وه‌ی دادگای یوێتا، سزاکه‌ بۆ ساڵێک و چوار مانگ، سووک کرایه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".