Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سوید بۆ به‌رگرتن له‌ په‌تای به‌راز، ئاماده‌یه‌

بڵاو کرایه‌وه‌ onsdag 2 september 2009 kl 16.13

توێژینه‌وه‌کان باسی ئه‌وه‌ ده‌که‌ن که‌ ئه‌و پیاوه‌ گه‌نجه‌ی ڕۆژی یه‌کشه‌ممه‌ی ڕابردوو به‌ ئه‌نفلۆنزای به‌راز، له‌ ئوپسالا مرد، ڕاسپێریی ته‌واو ڕاستی له‌ نه‌خۆشه‌وانان وه‌رگرتبوو به‌ڵام چه‌ند نه‌خۆشییه‌کی دیکه‌شی هه‌بوو که‌ وای لێکردبوو بکه‌وێته‌ ناو بازنه‌ی ئه‌و که‌سانه‌‌ی بۆ گرتنه‌وه‌ی په‌تا، مه‌ترسیییه‌کی زۆرتریان له‌ سه‌ره‌. توێژینه‌وه‌که‌ نیوه‌ڕۆی ئه‌مڕۆ له‌ لایه‌ن ده‌سته‌ی ڕاوێژکارانی بواری نه‌خۆشه‌وانیی سویده‌وه‌ پێشکه‌ش کرا. هاوکاتیش ڕاگه‌یه‌نرا که‌ سوید بۆ به‌رگرتن له‌ په‌تای به‌راز، ئاماده‌یه‌.

کاربه‌ده‌ستانی سوید به‌ ته‌واوی ئاماده‌ن به‌ری هه‌ر چه‌شنه‌ بڵاوبوونه‌وه‌ی په‌تای به‌راز له‌ وڵاتدا بگرن. هه‌رچه‌ند وه‌زیری ته‌ندروستی، ماریا لارشۆن، تێداچوونی چه‌ند که‌سی تریش له‌م ناوه‌دا به‌ دوور نازانن. ئاندێرش تێگنێل (Anders Tegnell) سه‌رۆکبه‌شی ئه‌نجومه‌نی به‌ڕێوه‌به‌ریی کاروباری کۆمه‌ڵایه‌تی (Socialstyrelsen) ده‌ڵێ ئه‌م کۆکوتانه‌ی خه‌لکی سوید له‌ به‌رامبه‌ر په‌تای به‌رازدا، شتێکی زۆر تاکانه‌یه‌.

با له‌ بیر نه‌که‌ین که له‌ ڕوانگه‌ی به‌رگری له‌ گیره‌وه‌یی نه‌خۆشیه‌وه‌ ئه‌م کۆکوتانه‌ فره‌ سه‌رنجڕاکێشه‌‌. ئێمه‌ ده‌توانین کارتێکه‌رییه‌کی زۆرمان هه‌بێت و زووتر له‌وه‌ی نه‌خۆشییه‌که‌ خۆ په‌خش بکاته‌وه‌، به‌ری بگرین و ئاڵوگۆڕێک له‌ چۆنه‌تیی شێوازه‌کانی پێشگیریدا پێکبێنین که‌ پێشتر نه‌مانتوانیوه‌.

هه‌موو هه‌فته‌یه‌ک له‌ سویددا باسی چه‌ند نمووونه‌یه‌کی نوێ له‌ تووشبوونی خه‌ڵک به‌ په‌تای به‌راز، به‌ر گوێمان ده‌که‌وێت. به‌ گوێره‌ی قسه‌کانی یان کارڵسون، به‌ڕێوه‌به‌ری گشتیی ئه‌نستیتووتی به‌رگری له‌ گیره‌وه‌یی (Smittskyddsinstitutet)، ئه‌م زێده‌بوونه‌ی نه‌خۆشییه‌که‌ به‌رفره‌تریش ده‌بێت. ئه‌و ده‌ڵێ ئێمه‌ زیده‌بوونێک ده‌بینین به‌ڵام جارێ زوویه‌ بێژین که‌ زێده‌بوونه‌ مه‌زنه‌که‌ ئه‌م هه‌فته‌یه‌ ده‌بێت یا خود هه‌فته‌یلی دادێ. 

بۆ که‌مکردنه‌وه‌ی ڕاده‌ی په‌خشبوونه‌وه‌ی نه‌خۆشییه‌که‌ ده‌بێ هه‌موو جه‌ماوه‌ری سوید، ڤاکسین بکرێت. ئه‌گه‌ر ئه‌و به‌رنامانه‌ی بۆ ئه‌م ئامانجه‌ له‌ بیر چاو گیراون ‌باش بچنه‌ پێش ئه‌وا له‌ هه‌فته‌ی یه‌که‌می مانگی ئۆکتۆبردا به‌شیك له‌ کارمه‌ندانی به‌شی نه‌خۆشه‌وانی (vårdpersonal) و ئه‌و گرووپانه‌ زیاتر له‌ بازنه‌ی مه‌ترسیدان (riskgrupper)، دژی په‌تاکه‌ ده‌کوترێن.

ئاندێرش تێگنێل (Anders Tegnell) سه‌رۆکبه‌شی ئه‌نجومه‌نی به‌ڕێوه‌به‌ریی کاروباری کۆمه‌ڵایه‌تی (Socialstyrelsen) ده‌ڵێ ئه‌و گرووپانه‌ی له‌ بازنه‌ی مه‌ترسیی گرتنه‌وه‌دان، نه‌خۆشانی دڵ و ده‌مار و ئه‌وانه‌ش که‌ ده‌ردیان کارییه‌، زووتر ده‌کوترێن. پاش ئه‌وه‌ی ئه‌و گرووپانه‌ی له‌ بازنه‌ی مه‌ترسیی گرتنه‌وه‌دان کوتران، هاووڵاتیانی دیکه‌ی سویدیش دژی نه‌خۆشییه‌که‌ ده‌کوترێن. چاوه‌ڕێی ئه‌مه‌ ده‌کرێت که‌ له‌ کۆتایی مانگی نۆڤه‌مبه‌ردا نیوه‌ی خه‌ڵکی سوید ڤاکسین کرابێن و ئه‌و کات ڕێژه‌ی تووشبوونی خه‌ڵکیش به‌ په‌تاکه‌ که‌م ده‌بێته‌وه‌. به‌ڵام وه‌ک په‌تایه‌کی به‌ربه‌تاک (pandemin) هه‌ر ده‌مێنێته‌وه‌.

ئاندێرش تێگنێل (Anders Tegnell) سه‌رۆکبه‌شی ئه‌نجومه‌نی به‌ڕێوه‌به‌ریی کاروباری کۆمه‌ڵایه‌تی (Socialstyrelsen) ده‌ڵێ ئه‌م ئه‌نفلۆنزایه‌ هاتووه‌ تا جێگیر بێت، ڕه‌نگه‌ له‌ سوید نا به‌ڵام له‌ جیهاندا به‌ گشتی. ئه‌ویش به‌ بێ گومان بۆ ده‌ ساڵان. له‌مناوه‌دا زۆر که‌سیش به‌ توندی ده‌یگرنه‌وه‌ به‌ڵام ئێمه‌ به‌و به‌رنامانه‌ی له‌ به‌رچاومان گرتووه‌، مه‌ترسیی نه‌خۆشکه‌وتنه‌که‌ له‌ سوید که‌م ده‌که‌ینه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".