Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کار دژ به‌ هێزی کاری ڕه‌ش ئه‌نجام ده‌درێت

بڵاو کرایه‌وه‌ måndag 7 september 2009 kl 11.29

بیناسازان، سه‌ندیکاکانیان و ده‌ستگه‌ی باج، ئیتر به‌وه‌ گه‌یشتوون که‌ کاتی هاتووه‌ کارڕایی وا به‌رپا بکه‌ن، بواری ئه‌و که‌سانه‌ ببڕن که‌ کاری ڕه‌ش ده‌که‌ن. ئه‌م هاوکارییه‌ی لایه‌نه‌کانی بواری بیناسازی‌ هه‌لی ته‌واوی بۆ ئه‌و کارته‌ی که‌ به‌ ـ ئی دێ نۆل سێکس ـ  واته‌ که‌ به‌ ‌ناسنامه‌ی ژماره‌ سفر شه‌ش ناو نراوه‌، هه‌ڵخستتوه‌ که‌ بره‌و بستێنێت و له‌ هه‌موو کارگه‌رێک به‌ مه‌رج ده‌گیرێت، کاتی بۆ سه‌ر کار ده‌چێت و کاتێکیش له‌ کاری خۆی ده‌بێته‌وه‌، بیخاته‌ ڕوو، یان به‌ ئامێرێکیدا بهێنێت که‌ تۆماری ده‌کات کارگه‌ره‌که‌ که‌ی بۆ سه‌ر کار هاتووه‌ و که‌ی ده‌ستی له‌ کاری خۆی به‌رداوه‌.

ئه‌م نه‌ریته‌ که‌ هێشتا به‌ یاسا دانه‌نراوه‌ له‌ هه‌فته‌ سیاسییه‌که‌ی ساڵی 2005 ـی ئه‌لمێدالێندا درایه‌ به‌ر باسی گه‌رمه‌وه‌ و دوای ساڵێک 2006 ڕه‌چاو کرا، که‌ Björn Wellhagen ـی به‌رپرسی ئه‌و پرۆژه‌یه‌ی به‌ ناوی "گورزی دژ به‌ کاری ڕه‌ش" ـ ناسراوه‌، بۆ ڕادیۆی نێونه‌ته‌وه‌یی سوێدی ڕوونه‌وه‌ کردووه‌، که‌‌ گه‌لێک کارگه‌ی بیناساز په‌سه‌ندیان کردووه‌.

به‌م جۆره‌ لایه‌نه‌کانی بواری بیناسازیی پێشی هه‌موو لایه‌نێکی تر که‌وتوونه‌ و به‌مه‌یش هانی سیاسه‌تکارانیان داوه‌  ئه‌و ئاڵوگۆڕه‌ به‌رپا بکه‌ن‌، که‌ له‌ ڕێیانه‌وه‌ کارت و ناسنامه‌که‌‌ وه‌ک چه‌کێکی بڕنده‌ی دژ به‌ کاری ڕه‌ش به‌ کار ببه‌ن، که‌ لایه‌نه‌کانی ئه‌م بواره‌ پێویستیان ده‌بن.

ڤالگرێن ده‌ڵێت ئێمه‌ له‌م بواره‌دا به‌شێکی ڕێمان بڕێوه‌، چونکه‌ لێوه‌کۆڵینێک ده‌ست پێ کراوه‌، بۆ ئه‌وه‌ی ڕوون ببێته‌وه‌ چۆن کارتی چوونه‌ سه‌ر کار و به‌جێهێشتنی کار له‌ بواری بیناسازی و تاکسیڕانیندا به‌ مه‌رج بگیرێت. ئه‌م لێوه‌کۆڵینه‌یش له‌ کۆتایی ئه‌م مانگه‌دا ـ سێپته‌مبه‌ر ـ ئه‌نجام ده‌گرێت.  

جیا له‌م لێوه‌کۆڵینه‌وه‌یه‌‌ پارتییه‌کانی په‌رله‌مانی سوێدیش هه‌ن که‌ هه‌فته‌ی ڕابردوو ئه‌مه‌یان وه‌ک پێشنیاز خسته‌ ڕوو، پارتیی چه‌پ به‌راورد به‌ پارتییه‌کانی تری په‌رله‌مان لایه‌نگیری خۆی بۆ ئه‌م پرسه‌ به‌ شێوه‌یه‌کی توند دیار خست و  له‌ویوه‌ بوو که‌ چه‌ند پارتییه‌کی تر پشتیان ئه‌میان بۆ گرت‌.

به‌م پێشنیازه ‌که‌ له‌ قه‌ره‌ی کاره‌کانی وه‌زاره‌تی بازاڕی کار و داد و کاروباریی پیشه‌سازی و بازرگانی ده‌که‌وێت، ده‌بێت ده‌ست به‌ ده‌ست بگه‌ڕێت، تا ئه‌و ڕۆژه‌ی به‌ یاسا داده‌نرێت، ئه‌گه‌رچی مه‌به‌سته‌ سه‌ره‌کییه‌که‌ی به‌رگرتنی کاری ڕه‌شه و،‌ به‌ری ئه‌م کاره‌ به‌ری هه‌موو لایه‌کیان ده‌که‌وێت. ‌تاکوو ئێستا 116 هه‌زاری 300 هه‌زار کارگه‌ری بواری بیناسازی ناسنامه‌ی ژماره‌ سفر شه‌شیان بۆ دابین کراوه‌ و 46 هه‌زار کارگه‌ ئه‌م سیستمه‌یان په‌سه‌ند کردووه‌، ئه‌گه‌رچی بییۆرن ڤالهاگێن لای وایه‌ که‌ ده‌کرا خێراتر په‌ره‌ بستێنیت.

ڤالهاگێن لای وایه‌ که‌ ده‌بوو ئه‌م کاره‌ گورجتر ئه‌نجام بدرێت، چونکه بواری کاره‌که‌ وای ده‌وێت. به‌ دووریشی ناگرێت که‌ خێراییه‌که‌ی بۆ ئه‌وه‌ بێت، که‌ بیناساز مرۆی پشوونه‌ناسه‌ و که‌سی وا هه‌رکه‌ ده‌ست به‌ کار یان پرۆژه‌یه‌ک ده‌کات، ده‌یه‌وێت به‌ زووترین کات لێی ببێته‌وه‌.

لایه‌نه‌کانی بواری بیناسازی ڕه‌خنه‌یان له‌ ده‌سته‌ڵاتی سیاسییه‌، به‌ڵام نایانه‌وێت ئه‌م ڕه‌خنه‌یه‌ کار له‌ سیاسه‌تکاران بکات، نه‌وه‌ک حه‌زیان دامرکێت و سازش له‌سه‌ر هه‌نگاوی سێیه‌م نه‌که‌ن، که‌ ئێستا کاتی هاتووه‌ هه‌ڵبهێنرێت؛ واته‌ که‌ ده‌ستگه‌ی باج بۆ له‌مه‌ولا بێ ئه‌وه‌ی به‌ که‌سی ڕابگه‌یه‌نێت سه‌ردانی کارگه‌کان بکات و بارودۆخیان بپشکنێت و کارگه‌کانیش ڕاپۆرتی تایبه‌ت له‌سه‌ر ئه‌وه‌ بده‌ن که‌ ئاخۆ کارگه‌رانی، باج ده‌ده‌ن و ئه‌گه‌ر وایه‌ چه‌ندی ده‌ده‌ن.

بۆ ئه‌وه‌ی ده‌ستگه‌ی باج ئێستانه‌ بتوانێت کارگه‌یه‌ک بپشکنێت، ده‌بێت کارمه‌ندانی ده‌ستگه‌که‌ هه‌فته‌یه‌کی به‌ر له‌ پشکنێن ووسه‌ردانه‌که‌ کارگه‌که‌‌ ئاگادار بکه‌نه‌وه‌‌. هه‌رچێیه‌کیش پێوه‌ندیی به‌ ڕاگه‌یاندنی ئاستی باجه‌وه‌یه‌، کارگه‌ ناچار نییه‌ به‌پێی سیستمی ئێستا ڕاپۆرتی یه‌کبه‌یه‌کی کارگه‌رانی ئاماده‌ بکات، به‌ڵکه‌ ئه‌وه‌نده‌ی به‌سه‌ که‌ به‌سه‌ر یه‌که‌وه‌یان ئاشکرا بکات.

به‌ڵام سیستمی که‌سه‌کیی باج که‌ڵکی بۆ هه‌موو لایه‌ک ده‌بێت. بیۆرن ڤالهاگێن ده‌ڵێت.

به‌ لای ڤالهاگنه‌وه‌ ئه‌گه‌ر ئه‌م خواستانه‌ سه‌ر بگرن ئیتر لایه‌نی تر که‌ ده‌ستگه‌ی باجه،‌ بۆی دیار ده‌که‌وێت‌ ئه‌گه‌ر کارگه‌یه‌کی بۆ نموونه‌ دیاریکراو ئه‌و باج و مزانه‌ ده‌دات، که‌ له‌ داهاتوودا وه‌ک خانه‌نشینانه‌ بۆ کارگه‌ر خه‌رج ده‌کرێن و ئیتر کارگه‌یش ده‌ستکاریی ژماره‌ و ژمێرکارییه‌کانی ناکرێت و هیچ کارگه‌یه‌ک ناوێرێت بکه‌وێته‌وه‌ ئه‌م بازاڕه‌وه، ئه‌گه‌ر ئه‌م ئه‌رکانه‌ی خۆی بێکه‌موکووڕی ئه‌نجام نه‌دابێت‌. ئه‌مه‌ کاره‌کانی ده‌ستگه‌ی باجیش ئاسان ده‌کات و له‌وێوه‌ که‌ڵکێکی تری بۆ کارگه‌ ئه‌ندامه‌کانی ئه‌م سیستمه‌ ده‌بێت؛ که‌ له‌وه‌ولا لێیان به‌ پێویست ناگیرێت راپۆرتیی ساڵانه‌ی ئه‌و مز و باجه‌ ڕابگه‌یه‌نن که‌ به‌ ده‌ستگه‌ی باجی ده‌ده‌ن.     

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".