Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سمیناری بزاڤی سه‌وزی ئێران له‌ ستۆکهۆڵم

بڵاو کرایه‌وه‌ måndag 7 september 2009 kl 14.14

ڕۆژانی هه‌ینی و شه‌ممه‌، ٤ و ٥ی سێپتامبر، هاوکات له‌گه‌ڵ جڤینی دوو ڕۆژه‌ی وه‌زیرانی ده‌ره‌وه‌ی یه‌کێتیی ئه‌رووپا به‌ سه‌رۆکایه‌تیی ده‌میی سوید له‌ ستۆکهۆڵم، ئێرانییه‌کانی ئه‌م شاره‌ش چه‌ند کۆبوونه‌وه‌ و وخۆپێشاندانی هاوکاتیان بۆ پشتیوانی له‌ خه‌ڵکی ئێران به‌ڕێوه‌ برد.‌ زایه‌ڵه‌ ڕۆژی هه‌ینی، له‌ سیمینارێکدا که‌ هه‌ر به‌م بۆنه‌وه‌ پێکهاتبوو ئاماده‌ بوو.

ناسری سینا

به‌یانیی ڕۆژی هه‌ینی ڕابردوو، سیمینارێک ده‌رباره‌ی ئێران، مافی مرۆڤ و ده‌وری یه‌کێتیی ئه‌ورووپا له‌ لایه‌ن فۆندی ئۆلۆف پالمێ و یه‌کێتیی لاوانی حیزبی سوسیال دیموکراتی سوید له‌ هۆڵی کۆبوونه‌وه‌ی بینای ئه‌م ڕێکخراوه‌یه‌ له‌ سڤیاڤێگن ساز کرا که‌ تێیدا چه‌ند چالاکی به‌ ده‌نگوناوی بزاڤی سه‌وزی ئێران احمد باطبی، مهرانگیز کار، محسن مخملباف و فاطمه‌ حقیقتجو تێیدا به‌شدار بوون و ده‌یان سویدی و ئێرانیش به‌تایبه‌ت میدیاکان، ئاماده‌ی ببوون. ئامانجی ئه‌م کۆبوونه‌وه‌یه‌ کارتێکه‌ری له‌ سه‌ر بڕیاری وه‌زیرانی ده‌ره‌وه‌ی وڵاتانی یه‌کێتیی ئه‌ورووپا بوو که‌ بۆ نموونه‌ به‌م ئامانجه‌ له‌ ستۆکهۆڵم کۆببوونه‌وه‌.

خاڵی هه‌ره‌ گرنگ ئه‌وه‌ بوو که‌ موحسینی مه‌خمه‌لباف قسه‌بێژی پێشووی میرحوسێنی مووسه‌وی ڕایگه‌یاند که‌ بزاڤی سه‌وز تا مانگێکی دیکه‌ ڕادیۆیه‌ک داده‌مه‌ززرێنێ تا کۆتایی به‌م بشێوییه‌ خه‌به‌رییه‌ بێنێ که‌ له‌ نه‌بوونی ده‌نگه‌وه‌ردا هاتۆته‌ پێشێ.

ڕادیۆکه‌ له‌ وڵاتێکی ئاسیاییه‌وه‌ به‌رنامه‌ بڵاو ده‌کاته‌وه‌ که‌ مه‌خمه‌لباف نه‌یه‌ویست بڵێ کوێیه‌، هه‌ر وه‌ها ئه‌وه‌ش که ئاخۆ ئابوورییه‌که‌ی له‌کوێوه‌ دابین ده‌کرێت، ئه‌وه‌ نه‌بێ که‌ خه‌ڵک ده‌بێ خۆیان یارمه‌تیی ماڵی کۆبکه‌نه‌وه‌.

ڕوانگه‌کان له سه‌ر جۆری ئه‌و یارمه‌تییه‌ی دنیا و به‌تایبه‌ت یه‌کێتیی ئه‌ورووپا ده‌توانێ پێشکه‌ش به‌ خه‌ڵکی ئێران و بزاڤی ناودێر به‌ سه‌وززی بکات، زۆر لێکنه‌ده‌چوو. فاتیمه‌ی حه‌قیقه‌تجوو نوێنه‌ری پێشووی په‌رله‌مان و قسه‌بێژی مه‌هدی که‌رووبی پاڵێوراوی سه‌رۆککۆماری، خوازیاری ئه‌وه‌ بوو که‌ یه‌کێتیی ئه‌ورووپا گه‌مارۆی توند و کورتماوه‌ بخاته‌ سه‌ر ئێران. ئه‌م گه‌مارۆیه‌ ده‌توانێ ڕژێم به‌ چۆک دابێنێ.

موحسینی مه‌خمه‌لباف زۆرتر له‌وه‌ چوه‌ پێشێ و ته‌نانه‌ت گوتی ئه‌مه‌ راستییه‌ که‌ ئێران خه‌ریکه‌ بۆمبی ئه‌تۆم ساز ده‌کا، به‌ڵام خه‌ریکه‌ دنیا فریو ده‌دا و کات بۆ جێبه‌جێکردنی ده‌کڕێ. ده‌با ئه‌گه‌ر به‌رنامه‌یه‌ک بۆ هێرشی سوپایی بۆ سه‌ر ئێران هه‌یه‌، زووتر بیکرێ و هێنده‌ی یه‌ک و دوو لێنه‌که‌ن.

مێهرئه‌نگیزی کار، پارێزه‌ری نیشته‌جێی ئه‌مریکا گوتی ئه‌وه‌ یه‌کێتیی ئه‌ورووپا بوو که‌ یارمه‌تیی ئێمه‌ی له‌ ئێران دا که‌ باسی مافی مرۆڤ و پێویستبوونی ئاڵوگۆڕی به‌رفره‌وان له‌ یاسای وڵاتدا بێنینه‌ گۆڕێ، ده‌وڵه‌تیش له‌م بواره‌دا هه‌ندێ پاشه‌کشه‌ی کرد.

به‌ڵام هاوکات گله‌یشی له‌ یه‌کێتیی ئه‌ورووپا کرد که‌ ماوه‌یه‌که‌ کێشه‌ی چه‌کی ئه‌تۆمی ئێرانی زۆر گه‌وره‌ کردۆته‌وه‌ و باسی له‌به‌رچاوگرتنی مافی مرۆڤی له‌ سیاسه‌تی ده‌ره‌وه‌ی خۆی به‌ ته‌واوی وه‌لاناوه‌.

هه‌ر ئه‌م بۆچوونه‌ش له‌ لایه‌ن ئه‌حمه‌دی باتیبی ڕۆژنامه‌وان، چالاکی مافی مرۆڤ نیشته‌جێی ئه‌مریکا و زیندانیی سیاسیی پێشوو دووپات کرایه‌وه‌: ئێمه‌ی ئێرانی ده‌بێ هه‌وڵ بده‌ین هانی ئه‌و ده‌وڵاتانه‌ی ئێمه‌ له‌وێ ده‌ژین بده‌ین که‌ گرنگیی سه‌ره‌کی به‌ مافی مرۆڤ بده‌ن و هه‌وڵی جیدیی بۆ بده‌ن.

موحسینی مه‌خمه‌لباف گوتی هه‌موو ئێرانییه‌کان ده‌بێ بۆیان هه‌بێ به‌ ئاڵای تایبه‌تی ڕێکخراوکه‌یا‌نه‌وه‌ له‌ خۆپێشاندان دژی کۆماری ئیسلامی به‌شدار بن، ته‌نیا ئه‌وه‌یان له‌ ‌به‌رچاو بێ دیمۆکرات بن و یه‌کتر حه‌زف نه‌که‌ن و به‌ گه‌وره‌نیشاندانی ئاڵاکه‌یان، لایه‌نگر له‌ یه‌کتر نه‌دزن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".