Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بانکی ئی ئای بی، مه‌رجی سه‌ختی بۆ قه‌رزه‌که‌ی ساب داناوه‌

بڵاو کرایه‌وه‌ torsdag 10 september 2009 kl 12.56

ئه‌گه‌ر بانکی ئه‌ورووپای مایه‌گوزاری قه‌رز به‌ کۆمپانیای ئۆتۆمبیلسازی ساب بدات، که‌ له‌ سێ میلیارد کرۆنی زیاتره‌، ده‌بێت ئه‌و مه‌رجه‌ سه‌ختانه‌ په‌سه‌ند بکات، که‌ ئه‌و به‌رهه‌م و په‌ره‌پێدانه‌ی به‌رهه‌م ده‌گرێته‌وه‌ که‌ نابێت له‌ ئه‌ورووپا بگوێزرێنه‌وه‌.

ساب به‌و نیازه‌یه‌ پاره‌ بۆ ئه‌وه‌ قه‌رز بکات ئۆتۆمبیلی تری ژینگه‌پارێز به‌رهه‌م بهێنیت و ئێستایش که‌ کۆمپانیایه‌کی ئۆتۆبیلسازی چینی به‌شێک پشتی لێ ده‌کڕێت، کێشه‌ی دێته‌ پێش تا ئه‌و ده‌مه‌ی یاسا و ڕێسای بانکی ئه‌ورووپیای مایه‌گوزاری ڕه‌چاو بکات. جێگری سه‌رۆکی گشتیی بانکه‌که‌ ئێڤا سترێیبه‌ر ده‌یڵێت

سترێیبه‌ر ڕایگه‌یاندووه‌ که‌ ده‌توانن پاره‌ بۆ پرۆژه‌ی وا به‌ قه‌رز بده‌ن، که‌ لێکۆڵینه‌وه‌ و په‌ره‌سه‌ندی به‌ مه‌به‌ست گرتووه‌ و له‌ یه‌کیه‌تیی ئه‌ورووپادا ئه‌نجام ده‌درێت و هه‌ر یه‌کیه‌تییه‌که‌ خاوه‌نی مافه‌ی ناماددییه‌کانییه‌تی، که‌ لێره‌دا مه‌به‌ست کۆمپانیای سابه‌. به‌ڵام که‌ لایه‌نێکی ده‌ره‌ی خاوه‌نی به‌شێکی بێت کێشه‌یه‌کی ئه‌وتۆ نانێته‌وه‌.

ئه‌گه‌ر داوای قرزکردنه‌که‌ی ساب قه‌بووڵ بکرێت، چاوه‌ڕێ ده‌کرێت هه‌موو پرۆسه‌که‌ له‌ ناوه‌ڕاستی مانگی داهاتوودا ته‌واو ببێت. بانکه‌ ئه‌ورووپاییه‌که‌یش له‌ حاڵی حازردا خه‌ریکی هه‌ڵسه‌نگاندنی ته‌واوی هه‌موو کۆمپانیای سابه‌ و وه‌ک ئێڤا سترێیبه‌ر ده‌ڵێت کونجی و که‌له‌به‌ری ساب ده‌پشکنن بۆ ئه‌وی  دڵنیابن که‌ ئاخۆ ساب ده‌توانێت قه‌رزه‌کان بداته‌وه‌. له‌ باری ئاساییدا قه‌رزێکی وا گه‌وره‌ پێنج تا ده‌ ساڵ ده‌کێشێت تا ده‌درێته‌وه‌، له‌و ماوه‌یه‌شدا نابێت هیچ کارێکی کۆمپانیاکه‌ که‌ به‌ لێکۆڵینه‌وه‌ و په‌ره‌پێدان له‌ بواری ژینگه‌وه‌ به‌سته‌، بۆ چێن یان بۆ هه‌ر وڵاتێکی تری ده‌ره‌وه‌ی یه‌کیه‌تیی ئه‌ورووپا بگوێزرێته‌وه.

ئێمه‌ به‌ وردی دوای ئه‌م بابه‌ته‌ که‌وتووین و دیاره‌ ئێمه‌ که‌ پاره‌ی بۆ لێکۆڵینه‌وه‌یه‌ک، په‌ره‌پیدانێک و داهێنان ته‌رخان ده‌که‌ین، وردی لێ ورد ده‌بینه‌وه‌ چونکه‌ ئه‌وه‌ی پاره‌که‌ی به‌ هۆیه‌وه‌ به‌ قه‌رز ده‌ده‌ین، به‌ ڕاستی ئه‌نجام ده‌درێت.

هاوبه‌شه‌که‌ی له‌مه‌ودوای ساب، واته‌ کۆمپانیا چینییه‌که، له‌مه‌وبه‌ر ڕایگه‌یاندبوو که‌ به‌ لایه‌وه‌ گرینگ نییه‌ کۆمپانیای بیانی بکرێت، ئه‌گه‌ر مافی داهێنان و لێکۆڵینه‌وه‌ی ئه‌و کۆمپانیایه‌ بۆ چین نه‌گوێزرێته‌وه‌. ‌

سه‌رۆکی ئه‌نجوومه‌نی کۆمپانیا چێنییه‌که‌ ـ به‌یسک ـ‌ له‌م باره‌یه‌وه‌ به‌ ده‌ستگه‌ی هه‌واڵه‌کانی ڕۆیته‌رزی گوتووه‌ که‌ کارگه‌ی ئۆتۆمبیلسازی چینی توانست یان که‌ره‌سته‌ی به‌رهه‌مهێنانی لێ که‌م نییه‌، سا بێ مافی داهێنان ئه‌م ڕێککه‌وتنه‌ هیچ که‌ڵکێکی نابێت

به‌ڵام کریستیان ڤۆن کوێنگسێگ که‌ سه‌رۆکی گشتیی کۆمپانیای کوێنگسێگ گروپه‌، ده‌ڵێت که‌ کارگه‌ چینییه‌که‌ له‌گه‌ڵ مه‌رجه‌کانی بانکه‌ ئه‌ورووپاییه‌که‌ی مایه‌گوزاری ڕا نییه‌ و ڕێساکانی گواستنه‌وه‌ی زانیارییه‌کان ڕێ له‌ ڕێککه‌وتنی نێوان هه‌ردوولا ناگرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".