Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

فیدراسیۆنی خوێندکاران و ده‌رچووانی کوردی زانستگه‌کانی سوید پێکهات

بڵاو کرایه‌وه‌ måndag 14 september 2009 kl 15.52

ڕۆژی شه‌ممه‌ی ڕابردوو، کوردانی سوید، فیدراسیۆنێکی نوێیان پێکهێنا: فیدراسیۆنی خوێندکاران و ده‌رچووانی کوردی زانستگه‌کانی سوید (kurdiska student och akademikerförbundet).

له‌ که‌شێکی زۆر جیاواز له‌ کۆبوونه‌وه‌گه‌لی ئاسایی کورده‌کان، ده‌یان خوێندکاری کورد له‌ زانستگاکانی ستۆکهۆڵم، ئوپسالا، یوتێبۆری، ئۆرێبروو و لینشوێپینگ جڤینێکی مێژووییان له‌ ساڵۆنێکی زانستگای ستۆکهۆڵم پێکهێنا. جیاواز له‌ باری ڕێکوپێکی، دابه‌شکردنی بابه‌ته‌کان بۆ لێدوان، که‌شێکی دیمۆکرات بۆ ده‌ربڕین و تێڕامانگه‌لی جۆربه‌جۆر، پاراستنی چوارچێوه‌ی باس و شێوازی سه‌رده‌میانه‌ی ده‌ربڕین و گفتوگۆ.

دوور له‌ زه‌ین نییه‌ که‌ زمانی وه‌ها کۆڕێک له‌ ناو گه‌نجانی به‌ڕه‌گه‌ز کوردی نه‌ره‌ی نوێ، سویدی بێ، به‌ڵام پێداگریی له‌ سه‌ر ڕه‌گه‌زی نه‌ته‌وه‌یی چه‌ندین جار جه‌ختی لێکرایه‌وه‌.

به‌شی به‌رچاوی کاتی دیاریکراوی جڤینه‌که‌ بۆ گفتوگۆ له‌ سه‌ر پێشنیاره‌ ده‌ستووری فیدراسیۆن‌ و مه‌رجه‌کانی خۆپاڵاوتن بۆ ده‌سته‌ی به‌ڕێوه‌به‌رایه‌تی ته‌رخان درابوو. وه‌حید قادری له‌ به‌رپرسانی جڤینه‌که‌ باسی ئه‌وه‌ی کرد که‌ پێشنیاره‌ ده‌ستووری فیدراسیۆن پاش دانیشتنی به‌رپرسانی کۆمه‌ڵه‌کان و پێداچوونه‌وه‌ و گفتوگۆی گه‌رم و گوڕی به‌رده‌وام نووسراوه‌ته‌وه‌ به‌محاڵه‌وه‌ هه‌ندێ خاڵ نه‌بێ هه‌مووانی تر بۆ پێداچوونه‌وه‌ و گۆڕینیش ده‌بن.‌

ئاکامی چوار ساڵ چالاکیی کۆمه‌ڵه‌کانی خوێندکاران و ده‌رچوانی کوردی زانستگاکانی سوید، پاش په‌سندکرانی تێگڕا و یه‌کده‌نگی ئه‌ندامان، گه‌یشته‌ ئه‌نجام و به‌مجۆره‌ فیدراسیۆنی سه‌راسه‌ریی خوێندکارانی کورد له‌ سوید، هه‌بوونی خۆی ڕاگه‌یاند:

ئامانجی پێکهێنانی ئه‌م فیدراسیۆنه‌ چییه‌ و چ به‌رنامه‌یه‌ک له‌ داهاتووی نزیکدا چاوه‌ڕێی ئه‌م فیدراسیۆنه‌ ده‌کات: ئوشین به‌کرجی ئوغلۆ سه‌رۆکی دانیستنه‌که‌ ده‌ڵێ چالاکییه‌ ناوچه‌ییه‌کان ده‌درێنه‌ کۆمه‌ڵه‌کان خۆیان، بۆ نموونه‌ جێژنی نه‌ورۆز و یادمانی هه‌ڵه‌بجه‌ به‌ڵام فیدراسیۆنه‌که‌ کاری ڕاگه‌یه‌ندنی تێگڕای کۆمه‌ڵه‌کان ده‌کات.

به‌کرجی ئوغلو گوتی ئاواتمان ئه‌وه‌یه‌ له‌ ماوه‌ی سێ ساڵ دا ڕێژه‌ی ئه‌ندامانمان بگه‌یێنینه‌ هه‌زار که‌س و ئه‌مه‌ کارێکی زۆری ده‌وێ و زۆر ئاسان نییه‌. هه‌روه‌ه‌ها له‌ ئۆکتۆبری ساڵی داهاتۆوه‌، داوای یارمه‌تی له ده‌زگای حوکوومه‌تیی ‌به‌ڕێوه‌به‌رایه‌تیی لاوان (Ungdomsstyrelsen) ده‌کات بۆ به‌هێزکردنی باری دارایی کۆمه‌ڵه‌کان.

ڕێژه‌ی به‌شدارانی کچ له‌ هی کوڕان هه‌م له‌ ناو ئاماده‌بواندا که‌متر بوو، هه‌م له‌ ناو لیسته‌ی پێشنیارکراوی کومیته‌ی ئاماده‌کردنی هه‌ڵبژاردن‌ (valberedningskommite) بۆ ده‌سته‌ی به‌ڕێوه‌به‌رایه‌تی. ڕه‌نێو محه‌یدین ده‌ڵێ کچان که‌متر بوون به‌ڵام چاوه‌ڕوانی زیاتریان لێده‌کرێ:

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".