Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سوێدییه‌کانی پاکستان گه‌ڕانه‌وه‌ و (سێپۆ) چاوی پێیان که‌وت

بڵاو کرایه‌وه‌ måndag 12 oktober 2009 kl 10.15

ئه‌و چوار سوێدییه‌ی له‌ پاکستان گیرابوون، ئێواره‌ی دره‌نگی شه‌ممه‌ی ڕابردوو ، دوای ئه‌وه‌ی هه‌مان ڕۆژ ئازاد کران، بۆ سوێد گه‌ڕانه‌وه‌. ئه‌مان که‌ پێنجی ئێواره‌ گه‌یشتنبوونه‌‌ کۆبنهاگنی دانیمارک بۆ ده‌ی شه‌و له‌ فڕۆکه‌خانه‌ی ئارلانده‌ نیشتنه‌وه‌ و، پۆلیسی ئاساییشی سوێد ـ سێپۆ ـ به‌ پێریانه‌وه‌ هاتن. ئه‌م‌ هه‌واڵه‌ که‌ سه‌ره‌تا ڕۆژنامه‌ی سڤێنسکه‌ داگبلادێت له‌ ماڵپه‌ڕی خۆی بڵاوی کرده‌وه، پێته‌ر ئالتین پشتڕاشتی کرده‌وه‌ که‌ پارێزه‌ری مه‌هدی غه‌زالییه‌ و،  که‌ دوێنێ یه‌کشه‌ممه‌ به‌ ته‌له‌فۆن قسه‌ی له‌گه‌ڵ کردووه‌.

له‌ 28 ئه‌گۆستیدا بوو که‌ ئه‌م چوار سوێدییه‌، دوو پیاو، ژنێک و منداڵێک، له‌ پاکستان گیران، که‌ به‌پێی ڕادیۆی هه‌واڵه‌کانی سوێد ـ ئێکۆت ـ ڤیسه‌ی ئه‌و وڵاته‌یان نه‌بوو. که‌ گیران پۆلیسی ئاساییشی پاکستان گومانی ئه‌وه‌ی لێیان هه‌بوو که‌ پێوه‌ندییان به‌ تونڕۆیه‌کانی وه‌زیرستانه‌وه‌ هه‌بێ؛ وه‌زیرستانیش ئه‌و هه‌رێمه‌ی پاکستانه‌ که‌ گه‌لێکی تێرۆرکارانی لێ نیشته‌جێن. دوێنێیش که‌ گه‌یشتنه‌وه‌ جێ، ڕادیۆی هه‌واڵه‌کان ڕایگه‌یاند که‌ سێپۆی سوێد به‌ ئۆتۆمبیلێکی نزیک له‌ فڕۆکه‌که‌ چاوه‌ڕێیان بووه‌‌ و کارمه‌ندانی چاویان به‌ هه‌رچواریان که‌وتووه‌. گوته‌بێژیی ڕۆژنامه‌وانی سێپۆ پاتریک پێته‌ر ئه‌م ڕاستییه‌ ده‌یسه‌لمێنێ و جه‌ختی ده‌کاته‌وه‌ که‌ هیچ به‌رلێکۆڵینه‌وه‌یه‌ک له‌م باره‌یه‌وه‌ ده‌ست پێ نه‌کراوه و ئه‌وانیش وه‌ک هه‌ر هاووڵاتییه‌کی تری سوێد چوونه‌ته‌وه‌ ماڵی خۆیان.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".