Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پارتیی ژینگه‌ ڕه‌وتی ڕوو له‌ هه‌ڵبژاردنه‌کانی ده‌ست پێ کرد.

بڵاو کرایه‌وه‌ måndag 26 oktober 2009 kl 14.47

پارتیی ژینگه‌ ده‌بێت پارتییه‌کی نوێی کۆمپانیای بچووک بێت. ئه‌مه‌ یه‌ک له‌ دوو گوته‌بێژه‌که‌ی پارتیییه‌که‌ ـ مارییه‌ ڤێتته‌رستراند ـ له‌ کۆبوونه‌وه‌یه‌کدا جه‌ختی کرده‌وه‌ که‌ له‌ شاری‌ ئیۆرێبرو و له‌ کۆتایی هه‌فته‌ی ڕابردوودا گیرا و سیاسه‌تکاری سه‌د شاره‌وانی و ئه‌نجوومه‌نی پارێزگه‌ی‌ لێدا به‌شدار بوون.

پارتیی ژینگه‌ ساڵی داهاتوو مانیفێستی هه‌ڵبژاردن دیاری ده‌کات و ده‌سته‌ی به‌ڕێوه‌به‌ری پارتییکه‌ ده‌یه‌وێت وه‌ک پارتییه‌کی کۆمپانیای بچووک بکه‌ونه‌‌ ڕوو. پێشنیازیشیان کردووه‌ که‌ "ساڵێکی به‌ڵێنده‌رایه‌تی" بهێنرێته‌ ئاراوه‌، واته‌ ئه‌وانه‌ی که‌ ده‌یانه‌وێ کۆمپانیای تایبه‌ت به‌ خۆیان دابمه‌زرێنن بۆ ماوه‌ی ساڵێک له‌و کاره‌ پشوو بدرێن، که‌ ده‌یکه‌ن. پارتیی ژینگه‌ ده‌یه‌وێت 10% ـی مزی خاوه‌ن کۆمپانیای بچووک که‌م بکاته‌وه‌ و له‌و ڕێژه‌یه‌ زیاتریش له‌ مزی خاوه‌ن ئه‌و کۆمپانیا تاکه‌که‌سییانه‌ دابشكێنێت، که‌ ده‌یانه‌وێت که‌سێکی تریش له‌سه‌ر کاره‌که‌یان دابمه‌زرێنن. ئه‌مانه‌ به‌ لای گوته‌بێژه‌که‌ی تری پارتیی ژینگه پێته‌ر ئێریکسۆنه‌وه‌ گرینگیی خۆیان له‌م بارودۆخه‌ سسته‌ی بازاڕدا ده‌بێت کاتێک گه‌لێکی کۆمپانیاکان ـ به‌ قسه‌ی ئه‌و ـ که‌وتوونه‌ته‌ سه‌ر ئه‌ژنۆ و مه‌ترسیی ئه‌وه‌یان هاتووه‌ته‌ ڕێ دوایی به‌ کاره‌کانیان بهێنن.

ئه‌م پێشنیازانه‌ ده‌ میلیارد کرۆنی تێده‌چیت، که‌ خه‌رجه‌که‌ی له‌و مایه‌گوزارییانه‌ ده‌گیرێته‌وه‌ که‌ حوکوومه‌ت له‌ گه‌لێک بواردا ده‌یانکات و که‌ به‌ لای پێتر ئێریکسۆنی پارتیی ژینگه‌وه‌ کاریگرییه‌کی ئه‌وتۆیان نییه‌.

پارتیی ژینگه‌ له‌ حاڵی حازردا باوه‌ڕی ته‌واوی به‌ خۆی هه‌یه‌ و به‌پێی مارییه‌ ڤێتتێرستراند سێیه‌م پارتیی گه‌وره‌ی سوێدی لێ پێک هاتووه‌ و ده‌ڵێت ده‌بێت به‌و باوه‌ڕه‌وه‌، درێژه‌ به‌ ڕه‌وتی به‌ره‌وپێشی خۆمان بده‌ین که‌ ئێمه‌ گه‌وره‌ین و بێباکین.

ژینگه‌ ئامانجی ئه‌وه‌یه‌‌ که‌ له‌ هه‌ڵبژاردنی ساڵی داهاتووی ئه‌ندامانی په‌رله‌مانی سوێددا، دوو هێنده‌ی کۆی ئه‌و ده‌نگانه‌ به‌ ده‌ست بهێنێت، که‌ له‌ هه‌ڵبژاردنه‌کانی پێشوودا پێی درا؛ واته‌ له‌ سه‌دا ده‌ و نیوی ده‌نگه‌کان.

له‌ به‌هاری داهاتوویشدا پارتیی ژینگه‌ بودجه‌ی هاوبه‌ش له‌گه‌ڵ سۆسیالدێمۆکراته‌کان و پارتیی چه‌پدا ده‌خاته‌ ڕوو.  سیاسه‌تی کۆچ و پرسی ئه‌فگانستانیش دوو ئه‌و پرسانه‌ن که‌ گه‌لێکی ئه‌ندامانی پارتییه‌که‌ ده‌یانه‌وێت چاره‌یان بۆ بدۆزنه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".