Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

به‌ره‌ی هاوپه‌یمان ده‌یه‌ویت له‌ یورۆ بکۆڵێته‌وه‌

بڵاو کرایه‌وه‌ torsdag 14 januari 2010 kl 16.04

سێی‌ چوار پارتییه‌ هاوپه‌یمانه‌ حوکمڕانه‌کانی سوێد، مۆدێراته‌کان و ناوین و مه‌سیحییه‌ دێمۆکراته‌کان، به‌ پێویستی ده‌زانن که‌ سوێد ـ له‌ چوار ساڵی داهاتووی حوکمڕانیدا ـ لێدوانیکی نوێی له‌مه‌ڕ به‌کارهێنانی دراوی یه‌کگرتووی ئه‌ورووپا ـ یۆرۆ ـ ساز بکات چون ئیتر کاتی ئه‌وه‌ی دێت له‌ هه‌لومه‌رجی به‌کارهێنانی یورۆ بکۆڵێته‌وه‌. له‌ وتارێکی ڕۆژنامه‌ی داگێنیس نیهێته‌ردا نوێنه‌رای هه‌رسی پارتییه‌که‌ ڕوونیان کردووه‌ته‌وه‌ که‌ به‌و نیازه‌ن له‌ ئه‌زموونی وڵاتانی تری یورۆ و هاوکاریی  نێوانیان بکۆڵنه‌وه‌ و جۆری مامه‌ڵه‌کردنی یه‌کیه‌تیی ئه‌ورووپا له‌گه‌ڵ ته‌نژه‌ دارییه‌که‌ شی بکه‌نه‌وه‌ و لایه‌نی باش و خراپی به‌کارهێنانی دراوه‌که‌ له‌ سوێد پێشبینی بکه‌ن. ئه‌وان ده‌ڵێن له‌ 2003 وه‌ که سوێد بڕیاری دا یورۆ له‌بریتی کرۆن به‌ کار نه‌هێنێ گه‌لێک شت پێش هاتوون‌. دیاره‌ پارتیی گه‌ل که‌ هاوپه‌یمانی ئه‌مانه‌ زووتر پێشنیازی کردووه‌ که‌ ساڵی 2011 ده‌نگدانێکی گشتی بۆ به‌کار‌هێنانی یورۆ له‌ سوێد ساز بکرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".