Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کێشمه‌کێشی 'کێ ده‌توانێت سوێد باشتر بەڕێوه‌ ببات'.

بڵاو کرایه‌وه‌ onsdag 20 januari 2010 kl 13.45

له‌ مشتومڕی ئه‌مڕۆی ڕابه‌رانی پارتییه‌ سوێدییه‌کانی په‌رله‌ماندا قسه‌ی ڕووبه‌ڕووی یه‌کتری سه‌رۆکوه‌زیرانی سوێد فرێدریک ڕاینفێلد و ڕابه‌ری سۆسیالدێمۆکراته‌کان مۆنا سالین ده‌رباره‌ی ئه‌وه‌ بوو که‌ کام به‌ره‌ی سیاسیی سوێد ده‌توانێت سوێد باشتر به‌ ڕێوه‌ ببات. ڕاینفێلد گوتی ئێمه‌ دیارمان خستووه، که‌ له‌ باری ئه‌وه‌دا‌ین خۆمان بۆ هه‌ڵبژاردن ئاماده‌ بکه‌ین، که‌ سوێد به‌ سه‌خته‌نگ و ته‌نگژه‌کاندا تێپه‌ڕێنین و به‌ ته‌ماشین‌ له‌ به‌ره‌به‌ری هه‌ڵبژاردنه‌کانی ئه‌م ساڵیشدا هه‌مان شت بکه‌ین

ڕاینفێلد باسی به‌ره‌نگارییه‌ گرینگه‌کانی به‌ره‌ی حوکمڕانی کرد که‌ به‌ به‌ دۆزینه‌وه‌ی کار و جۆری چاکتری خۆشگوزه‌رانی و  کاری دژ به‌ توندوتیژی و به‌نگه‌مه‌نی ناویانی برد و گوتی توندڕه‌وییه‌کی چه‌پ به‌ری به‌ره‌ی هاوپه‌یمانی فه‌رمانڕانی گرتووه‌.

ڕاینفێلدی پارتیی بۆرژووا، مۆدێراته‌کان، باسی ئه‌و ئاڵوگۆڕانه‌ی کرد که‌ حوکوومه‌تی سوێد له‌ بازاڕی کاردا نایانییه‌ته‌وه‌ و گوتی کارگه‌ر بنه‌مای خۆشگوزه‌رانییه‌که‌ی سوێده‌ و ده‌یه‌وێت له‌ ماوه‌ی ده‌سته‌ڵاتداریی داهاتوودا مافی کارگه‌ران له‌ بازاڕێ کاردا به‌هێزتر بکات. ڕاینفێلد له‌ درێژه‌ی قسه‌کانیدا ئاماژه‌ی به‌و مه‌ترسییانه‌ دا که‌ ئه‌و جۆره‌ تاوانکارییانه‌ ده‌ینێنه‌وه‌ که‌ به‌ به‌نگه‌مه‌نی مادده‌ هۆشبه‌ره‌کانه‌وه‌ گرێ دراوه‌ و به‌ڵێنی دا که‌ سستمی دادپه‌روه‌ری به‌و مه‌به‌سته‌وه‌ به‌هێزتر بکات توندوتیژی و تاوان له‌ سوێد که‌م بکاته‌وه‌. راینفێلد به‌ره‌ی به‌رهه‌ڵستکاری حوکوومه‌تی به‌وه‌ تاوانبار کرد که‌ ڕێککه‌وتنی فڕوفێڵی خستووه‌ته‌ ڕوو و نه‌یتوانیوه‌ بریتێکی به‌هێز و ڕاشکاوی حوکوومه‌ت وه‌ به‌ر ده‌گده‌رانه‌وه‌ بنێت و له‌ باره‌ی جیاوازیی نێوان هه‌ردوو به‌ره‌که‌وه‌ گوتی کار به‌رامبه‌ری کۆمه‌ک ده‌گرێت.‌

له‌ وه‌ڵامدانه‌وه‌یه‌کی ڕاینفێلدا مۆنا سالینی سۆسیالدێمۆکراته‌کان گوتی  ڕاینفێلد به‌رپرسیی کاریگه‌رییه‌کانی سیاسه‌تی به‌ره‌که‌ی به‌ ئه‌ستۆوه‌ نه‌گرتووه‌ و له‌م ساڵانه‌ی حوکمڕانییه‌که‌ی به‌ره‌ی بۆرژوودا سوێد کاری که‌متری بۆ دابین کراوه‌ و خه‌ڵکێکی زۆری که‌لا خراوه‌، که‌ پێچه‌وانه‌ی به‌ڵێنه‌کانیانه‌.  

سه‌رۆکی پارتیی چه‌پیش ـ لارش ئۆلی ـ  له‌ وه‌ڵامێکیدا گوتی به‌ هۆی سیاسه‌تی حوکوومه‌ته‌وه‌ 70 هه‌زار که‌س که‌وتوونه‌ته‌ ده‌ره‌وه‌ی کۆمه‌ڵگه‌وه‌.

راینفێلد له‌ وه‌ڵامدا گوتی له‌ سای گۆڕینی چه‌ند مه‌رجێکی سیستمی کۆمه‌ککردن که‌ حوکوومه‌ت ئه‌نجامیانی داوه‌، ژماره‌ی نه‌خۆشه ‌پشوودراوه‌کانی سوێد نیوه‌ کراوه‌ و که‌سانێکی زۆری له‌ باری کاراکردندا کاریان گیر هێنراوه‌.

سالین ڕایگه‌یاند که‌ ئه‌گه‌ر به‌ره‌ی سه‌وزوسووری به‌رهه‌ڵستکار حوکمی له‌مه‌ولای سوێدی بکه‌وێته‌ ده‌ست کار له‌ پێش هه‌موو پرسێکی تره‌وه‌ داده‌نێت و سوێد له‌ بێکارییه‌ گشتگیره‌که‌ ڕزگار ده‌کات و گوتی به‌ لای منه‌وه‌ قسه‌ هه‌ڵناگرێت که‌ حومووه‌ت ده‌بێت پشتی که‌سانی لاوازی کۆمه‌ڵگه‌ بگرێت به‌ڵام و له‌ هه‌مان کاتدا مایه‌ بۆ په‌یداکردنی کار له‌ داهاتوودا دابنێت

ـبه‌ لای راینفێلدیشه‌وه‌ به‌ره‌ی سه‌وزوسوور ده‌یه‌وێت باجی که‌سانی که‌مداهات زیاد بکات و کۆمه‌کی که‌سانی فره‌داهات زیاد بکات و به‌ ته‌وسه‌وه‌ له‌ سالینی پرسی تۆ بڵێی ئه‌مه‌ کاری لێ ده‌که‌وێته‌وه، کوا ئه‌و کارانه‌ی دایانده‌هێنن؟

دیاره‌ لێدوان و مشتومڕی ڕابه‌رانی پارتییه‌ سوێدیییه‌کانی په‌رله‌مان له‌وه‌ هێنده‌یه‌ زایتر درێژه‌ی کێشا و به‌گشتی کار و باج و بیمه‌ی کۆمه‌ڵایه‌تی به‌ لێدوانه‌کاندا زاڵ بوون و دیاره‌ هه‌ر ئه‌مانه‌یش پرسی هه‌ره‌گرنگی هه‌ڵبژاردنه‌کانی ئه‌مساڵ پێکه‌وه‌ ده‌نێن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".