Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مشتومڕی به‌ر له‌ هه‌ڵبژاردنی سه‌رۆکبه‌ره‌کان

بڵاو کرایه‌وه‌ torsdag 28 januari 2010 kl 14.34

ڕووبه‌ڕووبوونه‌وه‌ی دوێنێی سه‌رۆکی پارتییه‌کان، که‌ له‌نێوان فرێدریک راینفێلدی سه‌رۆکوه‌زیران و سه‌رۆکی به‌ره‌ی به‌رهه‌ڵستکاری حوکمه‌ت مۆنا سالین و له‌ ڕادیۆی پێ ئێتدا به‌ ڕێوه‌ چوو،‌ سه‌رتای قسه‌کانیان وه‌ڵامی ئه‌وه‌ بوو که‌ ئاخۆ چۆن له‌ داهاتوو ده‌ڕوانن ئه‌گه‌ر به‌ره‌ی نه‌یاریان به‌ برنده‌ی هه‌ڵبژاردنه‌که‌ ده‌رچێ و حوکمی چوارساڵی له‌وه‌ولای سویدی به‌ ده‌سته‌وه‌ بێت. له‌ وه‌ڵامدا سالین گوتی به‌ردوامبوونی حوکمێکی وه‌ک ئه‌م چوارساڵه‌، به‌ لامه‌وه‌ سیاسه‌تێکی یه‌کجار بێدادانه‌ی بۆرژووازییه‌. ڕاینفێلد به‌ڵام له‌ ڕووی داهاتوویه‌کی وادا گوتی دوور نییه‌ کارێکی که‌م له‌ ئارادا بمێنێ و ڕێبازێکی کۆمه‌ککاری ڕه‌چاو بکرێ. ناشیشارمه‌وه‌ که‌ زۆرێکی له‌ باره‌وه‌ نازانین، ئه‌گه‌رچی پێشتر گوتوومه‌ ئه‌م به‌ره‌ی سه‌وزوسووره‌ ڕوویان له‌ ڕێککه‌وتنێکی ساخته‌کارانه‌ ناوه‌.

مشومڕ و ڕووبه‌ڕووبوونه‌وه‌ 45 خوله‌کییه‌که‌ی دوێنێی نێوان ڕابه‌رانی هه‌ردوو بریته‌ حوکمڕانییه‌که‌ی سوێد که‌ له‌ هه‌ڵبژردنه‌کانی پاییزی ئه‌م ساڵدا به‌ره‌نگاری یه‌ک ده‌بنه‌وه زێده‌تر ده‌رباره‌ی شییان و ‌لێوه‌شاوه‌یی حوکوومه‌ت بوو. جا که‌ تا دوێنی ـ و که‌ زۆرێکی کێشا ـ تا یه‌کلا بووه‌وه‌ کارگه‌ی سپایکه‌ری ئۆتۆمبیلسازی هۆڵه‌ندی، بۆ له‌مه‌ولا خاوه‌نی کارگه‌ی سابی ئۆتۆمبیلساز ده‌بێت، سالین ڕه‌خنه‌ی خۆی له‌ حوکمه‌ت دا. سالین گوتی ئه‌م هه‌واڵه‌ که‌ دیاره‌ هه‌ردووکمانی دڵخۆش کردووه‌، هیوادارم ئاسووده‌یی بۆ ترۆلهێتتان بنێته‌وه‌. ڕاسته‌ که‌ ئێمه‌ به‌ ته‌نگژه‌یه‌کی داراییدا تێپه‌ڕ بووین، به‌ڵام نه‌ده‌بوو سیاسه‌تێکی وای پیشه‌سازیمان هه‌بووایه‌، که‌ شیاوی ناوه‌که‌ی خۆی بێت. مۆنا سالین به‌ تانجه‌وه‌ له‌ ڕاینفێلدی پرسی.

من باوه‌ڕم به‌ کۆمه‌ککردنی پیشه‌سازی نییه‌ ـ ڕاینفێلد ده‌ڵێت ـ  مۆنا سالین ده‌یه‌وێ ئه‌مه‌ بڵێ به‌ڵام وشه‌ی تری لێ به‌ کار ده‌هێنێ. به‌ڵام ئێمه‌ ڕوومان له‌ دامه‌زراندنی خه‌ڵک ناوه‌ و توانستی داڕشتنه‌وه‌ی کۆمه‌ڵگه‌مان به‌ ئامانج گرتووه‌. مۆنا سالین و فرێدریک ڕاینفێلد قسه‌ی خۆیان ده‌رباره‌ی ئه‌و پێشنیازه‌ش کرد، که‌‌ فه‌رانسه‌ بۆ قه‌ده‌خه‌کردنی ڕووپۆش خستوویه‌ته‌ ڕوو.

راینفێلد وتی نابێ ئه‌و هاوار و هیوایه‌ خه‌فه‌ بکه‌ین که‌ ده‌رباره‌ی ئه‌وه‌ن ژنێکی زۆرتر بۆ نموونه‌ ڕووبه‌ند بپۆشن. ئێمه‌ ئه‌مه‌مان له‌ سوید ناوێ، من له‌مه‌م به‌بێده‌نگی پێ په‌سه‌ند ناکرێ.

به‌ڵام به‌م قسانه‌یه‌وه‌ دیار بوو که‌ ڕاینفێلد خۆ له‌و پێشنیازه‌ی فه‌ڕانسه‌ دوور ناگرێت، ئه‌گه‌رچی گوتی من به‌م قسانه‌م ده‌ڵێم کوێی دڵم پڕه‌ و سوێدم چۆن ده‌وێ پێش بکه‌وێ، به‌ڵام پێویستم نییه‌ له‌ کۆتایی هه‌ر قسه‌یه‌کمدا بڵێم ئه‌وم له‌ یاسا چۆن ده‌وێ به‌رچاو بکه‌وێ.

به‌ڵام مۆنا سالین لای وایه‌ ئازادیی ئایینی ده‌بێ هه‌م مانای ماف ڕه‌چاوکردنی ئایین و مافی پشگتوێخستنیشی بگه‌یه‌نێت. به‌مه‌یش ده‌ڵێم که‌ من له‌پێناو مافی ژنان بۆ فڕیدانی ڕووبه‌ند بێدابڕان تێده‌کۆشم، به‌ڵام هه‌روه‌ها مافی ئه‌و کچ و ژنانه‌یش ده‌پارێزم که‌ ده‌یانه‌وێت له‌چک له‌سه‌ر بکه‌ن.    

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".