Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

یاسای گروومینگ کاریگه‌ر نییه‌

بڵاو کرایه‌وه‌ onsdag 3 februari 2010 kl 16.07

یاسای گروومینگ که‌ پار داهێنرا کاریگه‌رییه‌کی وای نه‌بووه‌ و ئه‌و جۆره‌ تاوانه‌نه‌ش که‌ ئه‌م یاسایه‌یان له‌ دژدا داهێنرا هێشتا به‌رده‌وامن، بۆیه‌ ڕه‌خنه‌ی لێ گیراوه‌. ماتس ئاندێرشۆن ده‌ڵێت شتی وا ئه‌گه‌ر له‌نزیک جێیه‌کی دووسه‌د مه‌تر دوور له‌ نشینگه‌یه‌ک ڕووی بدایه‌ که‌ ‌منداڵ بۆ نموونه‌ خۆڵه‌په‌تانێی لێ ده‌که‌ن، که‌س ڕه‌وتاری که‌سێکی گه‌وره‌ساڵی وای په‌سه‌ند نه‌ده‌کرد.

ماتس ئاندێرشۆن که‌ کۆمپانیای نێتسکان به‌ ڕێوه‌ ده‌بات و 300 ماڵپه‌ڕه‌ی لاوانی له‌سه‌ر ئینته‌رنێت تێخوێنێته‌وه‌ و به‌ په‌یامنێری ڕادیۆی هه‌واڵه‌کانی سوێدی ڕوون ده‌کاته‌وه‌ که‌ چه‌ند ئاسانه‌ گه‌وره‌ساڵیک به‌ مه‌به‌ستی جووتبوون پێوه‌ندیی ئینته‌رنێتی به‌ منداڵه‌وه‌ بگرێت.  

ئه‌م یاسای به‌‌ گروومینگ ناو نراوه‌ و له‌ یه‌لی جوڵایی پاره‌وه‌ کاری پێ کراوه‌ له‌ که‌سی گه‌وره‌ساڵی قه‌ده‌خه‌ ده‌کات به‌ مه‌به‌ستی جووتبوون پێوه‌ندی به‌ منداڵه‌وه‌ بگرن، ئه‌و که‌سه‌ی پێ تاوانبار ده‌بێت که‌ پێوه‌ندییه‌که‌ ده‌گرێت و بۆ تاوانبارکردنی که‌سه‌ش پێی ناوێت قه‌ره‌ی منداڵ که‌وتبێت، به‌ڵام ده‌بێت بڕیاری له‌گه‌ڵ منداڵه‌که‌ دابێت که‌ له‌ شوێنێک بیبینێت و دوایی ئه‌وه‌نده‌ی کردبێت که‌ چاوپێکه‌وتنه‌که‌ سه‌ر بگرێت ـ به‌ نموونه‌ ـ که‌ بلیتی قه‌تاری کڕیبێت یان ژوورێکی هوتێلی گرتبێت. ماتس ئاندێرشۆنیش یه‌کێکی ئه‌وانه‌ بووه‌ که‌ هه‌ولی زۆری بۆ ئه‌وه‌ داوه‌ ئه‌م یاسا نوێیه‌ ـ یاسای گروومینگ ـ  دابهێنرێت، به‌ڵامیش ده‌زانێت که‌ دواییه‌که‌ی یاسایه‌کی لاوازی لێ ده‌رچووه‌ و ده‌ڵێت له‌ دنیای مندا ـ هه‌روه‌ک کار ده‌که‌م ـ به‌سه‌ گه‌وره‌ساڵێک سڵاو بۆ منداڵێک بنووسیت و شتێکی له‌باره‌ی جووتبوونه‌وه‌ی پێ بڵێت یان لێ بپرسێت، به‌ ده‌ستدرێژیکردن له‌ منداڵ دابنرێت.

هه‌ر که‌ یاساکه‌ کاری پێ کرا، گه‌لێک لایه‌نی پێوه‌ندیداری ڕه‌خنه‌ی تیژی لێ گرت و ڕایانگه‌یاند که‌ ئاسان نییه‌ به‌ پێی ئه‌م یاسایه‌ مه‌به‌ستی که‌سی گه‌وره‌ساڵ له‌ پێوه‌ندیگرتن به‌ منداڵه‌وه‌ بسه‌لمێنرێت. که‌ یاساکه‌ش که‌وته‌ گه‌ڕ سزای تاوانی به‌ گروونینگ ناونراو ساڵێک یان هه‌ر تاوانه‌ بوو. یاسای وا به‌و جۆره‌ سازیانه‌وه‌، که‌ کار ده‌گاته‌ دادگه‌ و له‌ دواییدا تۆمه‌تبار که‌ تاوانه‌که‌ی ده‌سه‌لمێنرێت هه‌ر به‌ تاوانه‌ سزا ده‌درێت و له‌وه‌ولا نه‌ پۆلیس بۆی هه‌یه‌ له‌و خه‌تی ئینته‌رنێته‌ داوای زانیری بکات که‌ که‌سه‌که‌ به‌ کاری ده‌بات نه‌ پارێزگاری گشتی ده‌توانێت ئه‌و کاره‌ بکات بۆ ئه‌وه‌ی به‌ڵگه‌ دژی که‌سه‌ تۆمه‌تلێکراوه‌که‌ بخاته‌ ڕوو. ماتس مێلین ـ که‌ سه‌رۆکی ئه‌نجوومه‌نی دادخوازیی په‌رله‌مانه‌ ده‌ڵێت پێ ناچێت ئه‌م یاسایه‌ شتێکی وا بۆ پۆلیس و پارێزگاری گشتی هه‌موار بکات، بۆ ئه‌وه‌ی به‌ره‌نگاری تاوانی له‌م جۆره‌ ببنه‌وه‌. ‌

تاکوو ئێسته‌ش هیچ دادگاییکردنی تایبه‌ت به‌ تۆمه‌تباری وا تاوانێ پێ نه‌سه‌لماوه‌ و که‌سیشێ پی سزا نه‌دراوه‌. نزیکه‌ی نیوه‌ی ئه‌و 88 پرسه‌ی به‌پێی ئه‌م یاسایه‌ له‌ یه‌کی جوڵایی پاره‌وه‌ به‌ پۆلیس دراوه‌، له‌به‌ر ئه‌وه‌ی به‌ڵگه‌ به‌ ده‌ست نه‌هێراوه‌، پرسه‌که‌ داخراوه‌ و بۆیه‌ ماتس ئاندێرشۆن به‌ گرنگی ده‌زانیت که‌ حوکوومه‌ت ئه‌م یاسایه‌ به‌هێز بکات و هه‌ر ئه‌مه‌یش به‌ سه‌ره‌تای گۆڕانی یاساکه‌ ده‌زانیت.

سوفییای دوانزه‌ساڵانه‌ کچۆڵه‌یه‌کی دوانزه‌ساڵان و ساڵی پار گه‌وره‌ساڵێک له‌ڕێی ئینته‌رنێته‌وه‌ هه‌ولی داوه‌ بیبینێ و له‌وێوه‌ ده‌ستی بۆ به‌رێت. دایکی که‌ به‌مه‌ی زانیوه‌ که‌سه‌که‌ی به‌ پۆلیس داوه‌ و پرسه‌که‌یش به‌ دادگه‌ به‌ڵام تێس که‌ دایکی سوفییایه‌ وا هه‌ست ده‌کات که‌ ده‌ستگه‌ به‌رپرسه‌کان ئه‌و جۆره‌ تاوانه‌ به‌ خه‌ته‌ر ناگرن. تێس ده‌شڵێت پێ ده‌چێت پۆلیس نه‌زانیت چۆن ئه‌م یاسایه‌ ڕه‌چاو بکه‌ن،چۆن به‌ڵگه‌ به‌ ده‌ست بهێنن و چی له‌ به‌ڵگه‌ی وا بکه‌ن.

وه‌زیری داد بیاتریس ئاسک  ئه‌م جۆره‌ تاوانه‌ی به‌ لاوه‌ شتێکی زۆر بڵاوه‌ و زوو زوو پێش دێن و  ده‌ڵێت ئه‌م یاسایه‌ هه‌ر شه‌شمانگێکه‌ کاری پێ کراوه‌. یاسای وا کاتی ته‌واوی خۆی پێ ده‌وێت تا پۆلیس و ده‌ستگه‌ به‌رپرسه‌کان ته‌وای تێده‌گه‌ن و شێوازی ڕه‌چاوکردنی په‌یدا ده‌که‌ن. بیاتریس ئاسک به‌ڵێنی ئه‌وه‌یشی دا که‌ حوکوومه‌ت شێوێنی جۆری پێڕۆکردنی ئه‌م یاسا ده‌که‌وت و  له‌گه‌ڵ په‌رله‌مانیشدا ڕێک که‌وتووه‌ که‌ هه‌ڵیسه‌نگێنێ و تاقی بکاته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".