Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سه‌ره‌ڕای ڕه‌خنه‌ دایک و باوک قه‌ره‌بووی تاوانی منداڵه‌کانیان ده‌که‌نه‌وه‌

بڵاو کرایه‌وه‌ torsdag 11 februari 2010 kl 14.52

له‌ سه‌ره‌تای سێپته‌مبه‌ری داهاتووه‌وه‌ دایک و باوکان ناچار ده‌بن قه‌ره‌بووی ئه‌و زه‌ره‌ر و زیانه‌ بکه‌نه‌وه‌ که‌ منداڵه‌کانیان به‌ تاوان ده‌ینێنه‌وه‌. ئه‌مه‌ شتێکه‌ حوکمه‌ت ئه‌مڕۆ بڕیاری دا. دیاره‌ مه‌به‌ست له‌ هه‌رزه‌ی 15 تا هه‌ژده‌ ساڵانه‌ که‌ ئه‌گه‌ر تاوان ئه‌نجام بده‌ن دایک و باوکیان ناچار ده‌کرێن پاره‌ی ئه‌و هه‌موو زیانه‌ بده‌ن که‌ منداڵه‌کانیان دایاننێنه‌وه‌،

به‌ڵام گه‌لێک لایه‌نی په‌یوه‌ندیدار هه‌ن که‌ ڕه‌خنه‌یان له‌م بڕیاره‌ هه‌یه‌ و ده‌ڵێن دایک و باوکێک که‌ بۆ قه‌ره‌بووکردنه‌وه‌ی تاوانی منداڵانیان ئه‌وپه‌ڕه‌که‌ی 8 هه‌زار و 500 کرۆنیان ده‌که‌وێته‌ سه‌ر، گورز به‌ خێزانی وا ده‌گه‌یه‌نیت که‌ له‌ بارودۆخێکی ناهه‌مواردایه‌ و باری ئابوورییان خراپه‌ و ناکۆکیی له‌نێو ئه‌ندامانیدا که‌وتووه‌ته‌ و به‌مه‌ش ئه‌ندامانی خێزانه‌که‌ ناکۆکتر ده‌بن. ئه‌مان ده‌شڵێن که‌ ئه‌م پێشنیازه‌ هیچ لێکۆڵینه‌وه‌یه‌ک نییه‌ پشتی بگرێت و قه‌ره‌بووکردنه‌وه‌ی ئه‌م جۆره‌ کاره‌ نابه‌جێیانه‌ تاوانی منداڵان که‌م ناکاته‌وه‌. به‌ڵام سه‌ره‌ڕای ئه‌م ڕه‌خنانه‌ وه‌زیری داد ـ بیاتریس ئاسک به‌ باشی ده‌زانێت دایک و باوکانیش به‌شی خۆیان به‌رپرسێتیی کرده‌وه‌ی نابه‌جێی منداڵه‌کانیان به‌ خۆوه‌ بگرن و ئه‌گه‌ر وا نه‌که‌ین ـ ئاسک ده‌ڵێت ـ بارودۆخه‌که‌ ناهه‌موارتر ده‌بێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".