Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

حوکوومه‌ت له‌ کاری شه‌ڕوانه‌ ئیسلامییه‌کان ده‌کۆڵیته‌وه‌

بڵاو کرایه‌وه‌ fredag 12 februari 2010 kl 16.50

پۆلیسی ئاسایشی سوید، سێپۆ، له‌ کارو چالاکی شه‌ڕوانه‌ ئیسلامییه‌کان ده‌کۆڵیته‌وه‌. ئه‌م ئه‌رکه‌ به‌ فه‌رمی و له‌لایه‌ن وه‌زیری هاوگونجی نیامکۆ سابونییه‌وه‌ له‌ مانگی یانوه‌ری ڕابوردوو‌دا و له‌کۆنفرانسی هاوڵاتی و پاراستن ئاشکرا بوو.

- ئه‌م پرسه‌ ده‌مێکه‌ بۆته‌ جێی گفتوگۆ و باس و له‌ ڕاپۆرتی ساڵانه‌ی‌  پۆلیسی ئاسایشه‌وه‌، سێپۆ،هه‌روه‌ها ئه‌و به‌دواداچوونه‌ی که‌ خوێندنگه‌ی باڵای هێزی پاراستن له‌ ڕوسه‌نگۆردی مالمیۆ ئه‌نجامیان دابوو ئاماژه‌ن به‌ پێویستی به‌دواداچوونی کاری   ڕێکخراوه‌ ڕادیکاڵه‌‌ ئیسلامییه‌کان له‌ سویددا، ئامانجیش نزیکبوونه‌وه‌یه‌ له‌ ڕاستییه‌کان و تا بزانین به‌ شێوه‌یه‌کی ڕاست و دروست له‌و باسه‌ بدوێن و له‌ چۆنییه‌تی به‌رگرتن له‌و هێزه‌ بکۆڵینه‌وه‌. 

ئه‌م قسانه‌ی وه‌زیری هاوگونجی ، نیامکۆ سابونی و بڕیاری حوکوومه‌ت بۆ به‌دواداچوونی کاری جه‌نگاوه‌ره‌ ئیسلامییه‌کانی سوید له‌ کاتێکدا دێت که‌ زانیارییه‌کان سه‌باره‌ت به‌و لاوانه‌ ئاشکرابوو که‌ له‌ سویده‌وه‌ ڕێک ده‌خرێن و ده‌چنه‌ ڕیزی شه‌ڕوانه‌‌ ئیسلامییه‌کان پاشان بۆ به‌شداری له‌ شه‌ڕدا ده‌نێردرێنه‌وه‌ بۆ نموونه‌ سۆماڵ.   

یه‌کێک له‌و ڕێکخراوانه‌ی ڕه‌خنه‌ له‌ یاساکانی دژ به‌ تیرۆر ده‌گرن و له‌وانه‌ بزووتنه‌وه‌ی چارتا 2008 ه‌، که‌ ده‌ڵێن‌ ئه‌م بڕیاره‌ی حوکوومه‌ت ده‌بێته‌ به‌هانه‌ی ده‌ستی ئه‌و که‌سانه‌ی که‌ ئامانجیان ئه‌وه‌یه‌ ئیسلام وه‌ک هه‌ڕه‌شه‌ چاو لێ بکرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".