Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

په‌ناخوازان ده‌بێت پێناسه‌ی باوه‌ڕپێکراویان هه‌بێت

بڵاو کرایه‌وه‌ fredag 12 mars 2010 kl 16.18

ئه‌و سۆمالیانه‌ی مۆڵه‌تی مانه‌وه‌یان وه‌رگرتووه‌ چیتر ناتوانن به‌ ئاسانی خێزان و که‌سوکار بهێننه‌ سوید، دوێنی ده‌ستگه‌ی کۆچ بڕیارێکیان دا که‌ به‌و پێیه‌ ئه‌و که‌سه‌ی له‌ سۆماله‌وه‌ و به‌هۆی پێکگه‌شتنه‌وه‌ی خێزان دێنه‌ سوید ده‌بێت پاسپۆرتی باوه‌ڕپێکراویان هه‌بێت. ئه‌م بڕیاره‌ی ده‌ستگه‌ی کۆچ له‌ کاتێکدایه‌ که‌ سۆمال یه‌کێکه‌ له‌و وڵاتانه‌ی دونیا که‌ به‌رفراوانترین شه‌ڕی ناوخۆی تێدا به‌رپایه‌ و‌ کاره‌ فه‌رمییه‌کان له‌وانه‌ش دابینکردنی پاسپۆرتی یاسایی و باوه‌ڕپێکراو کارێکی سه‌خته‌ به‌ڕای سه‌رۆکی به‌شی یاساییه‌کان له‌ ده‌ستگه‌ی کۆچ میکائیل ڕیبه‌نڤیک.

ئه‌م مه‌رجه‌ نوێیه‌ ده‌رئه‌نجامی دوو دادگای ڕێنوێنکاره‌ که‌ له‌ مانگی یانوه‌ری ئه‌مساڵدا دادگای ده‌ستگه‌ی کۆچ و به‌ریوه‌به‌رایه‌تی دادی ستۆکهۆلم بڕیاری له‌سه‌ر داون. به‌ڵام له‌گه‌ڵ توندکردنه‌وه‌ی مه‌رجه‌کانی تایبه‌ت به‌ پێناسه‌ مه‌ترسی ئه‌وه‌ هه‌یه‌ خێزانه‌کان لێک داببڕێن به‌ڕای میکائیل ڕیبه‌ن ڤیک.

 له‌هه‌مانکاتدا جه‌خت له‌وه‌ ده‌کاته‌وه‌ که‌ مه‌رجه نوێکان هه‌رچییه‌ک بن ده‌بێت کارئاسانی بۆ ئه‌و خێزانانه‌ بکرێت که‌ منداڵدارن،  بۆ ئه‌و مه‌به‌سته‌ش پشکنینی ناسراو به‌ ،دێ ئێن ئا ،هه‌یه‌ که‌ ڕاستی په‌یوه‌ندی نیوان منداڵ و خێزانه‌که‌ی دیاری ده‌کات به‌ڵام ،دێ ئێن ئا، نا توانێت پێناسه‌ی تاکه‌که‌ش دیاری بکات. 

جێی سه‌رنجه‌ که‌ ئه‌م بڕیاره‌ نوێیه‌ سه‌باره‌ت به‌ مه‌رجی هه‌بوونی پاسپۆرت و پێانسه‌ی باوه‌ڕپێکراو بۆ پێکهێنانه‌وه‌ی خێزان له‌ سوید په‌ناخوازه‌ عێراقی و ئه‌فغانییه‌کانیش ده‌گرێته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".