Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سوێدییه‌کانی قڕقیزستان ئاواره‌ بوونه‌

بڵاو کرایه‌وه‌ måndag 14 juni 2010 kl 12.04

له‌ میانی دووسێ ڕۆژی شه‌ڕی ناوخۆیی و هێرشی خوێناویدا، که‌ شاری ئوسی و جه‌لالئاوای قڕقیزستانیان گرته‌وه‌، نزیکه‌ی سه‌د که‌س کوژران و زیاد له‌ هه‌زار که‌س بریندار بوون و ده‌یان هه‌زاری خه‌ڵکه‌ ئۆزبه‌کییه‌که‌ی ئه‌و وڵاته‌ له‌و توندوتیژییه‌ هه‌ڵاتوون، به‌ڵام نه‌ک هه‌ر ئه‌مان به‌ڵکه‌ سوێدییه‌کانی ئوێیش. هیوگۆ کارلسۆن که‌ نیشته‌جێی شاری ئوسییه‌ و له‌ ڕێکخراوی ئاساییش و هاوکاری ئه‌ورووپی کار ده‌کات که‌ بنکه‌یه‌کی له‌و شاره‌ هه‌یه‌، دوێنێ خۆی و هاوکاره‌ نێوده‌وله‌تییه‌کانی ناچار بوون هه‌ڵبێن. ئه‌و که‌ ڕووداوه‌کانی به‌لاوه‌ زۆر ترسناکن، لای وایه‌ ده‌سته‌ و گرۆی جیاواز له‌ پشت ئه‌م شه‌ڕ و هه‌ڵمه‌تانه‌وه‌ن و به‌ ناکۆکییه‌کی داده‌نێت له‌نێو نه‌ژادی جیادا که‌وتبیته‌وه‌، خه‌ڵکی تریشی پێوه‌ گلابێت.

ئاندێرش هێدفۆرشی ڕۆژنامه‌نووس که‌ چه‌ند مانگێک‌ له‌ قڕقیزستان کاری کردووه‌، کورتێکه‌ بۆ سوێد گه‌ڕاوه‌ته‌وه‌، ئاماژه‌ به‌و ئاڵوگۆڕانه‌ ده‌دات که‌ به‌سه‌ر ئه‌و ئومێده‌ی خه‌ڵکه‌که‌ هاتووه‌، که‌ به‌و حوکمه‌ته‌ی هه‌بووه‌ که‌ دوای ئه‌وه‌ی سه‌رۆکی وڵاته‌که‌ ـ باکیێڤ ـ له‌ ده‌سته‌ڵات خرا، له‌ سه‌ره‌تای ئاپریلی ئه‌مساڵدا حوکمی وڵاتی به‌ ده‌سته‌وه‌ گرت.

هێدفۆرشی ڕۆژنامه‌نووس له‌و باوه‌ڕه‌دایه‌ که‌ ڕووداوه‌ خوێناوییه‌کانی ئه‌م دواییه‌ برینێکی قووڵ له‌ قڕقیزستان و ناوچه‌که‌دا ده‌نێته‌وه‌ که‌ بۆ ساڵانیکی زۆر خۆش نابێته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".