Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i Skogsbo och räddningsledaren uppmanar alla som befinner sig i området att gå inomhus och stänga dörrar, fönster och ventilation. För mer information lyssna på Sveriges Radio P4 Dalarna.
(Publicerat idag kl 17.31)

پۆلیس: هه‌ڕه‌شه‌ی تیرۆریستی له‌سه‌ر یۆتۆبۆری نه‌ماوه‌

بڵاو کرایه‌وه‌ måndag 1 november 2010 kl 09.36
wêne: Scenpix

ئه‌و دوو که‌سه‌ی ڕۆژی شه‌ممه‌ به‌گومانی پلاندنان بۆ کاری تیرۆریستی له‌ ناوه‌ندی شاری یۆتۆبۆری ده‌ستگیر کرابوون دوێنێ ئێواره‌ ئازاد کران، پۆلیسی ئاسایشی سوید سێپۆ که‌ ئیتر له‌ بری پۆلیسی یۆتۆبۆری له‌م پرسه‌ ده‌کۆڵنه‌وه‌ ده‌ڵێن به‌ پێی لێکۆلێنه‌وه‌کان به‌ڵگه‌ی ته‌واومان به‌ده‌سته‌وه‌ نییه‌ بۆ زیندانیکردنی گومانلێکراوه‌کان به‌ڵام گومان له‌سه‌ر ئه‌و دوو که‌سه‌ و لێکۆڵینه‌وه‌کان له‌گه‌ڵیاندا به‌رده‌وام ده‌بێت.

شاری یۆتۆبۆری له‌ ماوه‌ی دوو ڕۆژی ڕابوردوودا له‌ حاڵه‌تی هۆشداریی و مه‌ترسییه‌کی بێ وێنه‌دا له‌ ڕوودانی کاری تیرۆریستیدا ده‌ژیان. ئه‌مه‌ دوای ئه‌وه‌ی که‌ پۆلیسی ئه‌و شاره‌ و پۆلیسی ئاسایشی سێپۆ ڕایانگه‌یاند که‌ پلانی ئه‌نجامدانی ته‌قینه‌وه‌ و کاری تیرۆریستی له‌ ناوه‌ڕاستی شاره‌که‌دا هه‌یه‌. به‌م شێوه‌یه‌ خه‌ڵکی له‌ ماڵه‌وه‌ و پۆلیسیش له‌ ئاماده‌باشیدا شه‌قامه‌کانیان گرتبوو، به‌ڵام ئه‌مڕۆ پۆلیس نه‌مانی مه‌ترسی ته‌قینه‌وه‌یان ڕاگه‌یاند و بارودۆخی شار ئاسایی بۆته‌وه‌، ژماره‌ی پۆلیسی شه‌قامه‌کانی شاریش که‌م ده‌کرێته‌وه‌.  

جێی باسه‌ که‌ ئه‌م ڕووداوه‌ی شاری یۆتۆبۆری بۆته‌ جێی ڕه‌خنه‌ و گفتوگۆ و پرسیاری ئه‌وه‌ی ناوه‌ته‌وه‌ که‌ ئاخۆ بنه‌مای ڕاست و دروست هه‌بوون بۆ ئه‌م کارڕاییانه‌ یاخود پۆلیس زیاده‌ڕۆییان له‌ هه‌ڵسه‌نگاندنه‌کانیاندا کردووه‌، به‌تایبه‌ت که‌ پۆلیس له‌ناکاو چونه‌ته‌ ماڵی یه‌کێک له‌ گومانلێکراوه‌کان و له‌به‌رچاو ژن و منداڵه‌کانیدا  په‌لاماریان داوه‌ ده‌ستگیریان کردووه‌. پۆلیس پرسیاری بیروباوه‌ڕی ئایینی و سیاسیان له‌و پیاوه‌ و گومانلێکراوه‌که‌ی تر که‌ خزمێتی کردووه‌. 

-         ماوه‌ی بیست ساڵه‌ بیست ساڵه‌ له‌ سویدا ده‌ژین و ئێمه‌ که‌سی خاوه‌ن ماڵ و منداڵ و بڕوانامه‌ی به‌رزین و تا ئێستا هیچ لا ڕێیه‌کمان نه‌کردووه‌، یه‌کێک له‌ گومانلێکراوه‌کان ده‌ڵێت ئێستاش تێ ناگه‌م بۆ واکراو چی ڕوویداوه‌.  

پۆلیسی یۆتۆبۆریش ده‌ڵێن ڕاگه‌یاندنی هه‌ڕه‌شه‌ی کاری تیرۆریستی و لێکۆڵینه‌وه‌کان له‌سه‌ر بنه‌مای ئه‌و هه‌ڵسه‌نگاندنانه‌ ‌ بوون که‌ پۆلیس به‌ هاوکاری پۆلیسی ئاسایش سێپۆ بڕیاری له‌سه‌ر دا. له‌هه‌مان کاتدا پۆلیس ئاماده‌ نین زانیاری زیاتر له‌سه‌ر ئه‌م بڕیاره‌یان و کاره‌کانی داهاتوویان له‌سه‌ر ئه‌م پرسه‌ ڕابگه‌یه‌نن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".