Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کۆمیته‌ی قه‌یرانی سۆسیالدیموکراته‌کان پێشنیازه‌کانیان ڕاگه‌یاند

بڵاو کرایه‌وه‌ tisdag 15 februari 2011 kl 13.14

سۆسیالدیموکراته‌کان کار ده‌که‌نه‌ دروشمی سه‌ره‌کی و ده‌گه‌ڕێنه‌وه‌ سه‌ر بنه‌ماکانی سۆسیالدیموکراتی کۆن ، له‌وێوه‌ سۆسیالدیموکراتێکی نوێ پێک ده‌هێنرێت. ئه‌مه‌ له‌ پێشنیازه‌کانی کۆمیته‌ی قه‌یرانی سۆسیالدیموکراته‌کانه‌ که‌ ئه‌مڕۆ ئاشکرایان کرد.

- من پێم وایه‌ ئه‌رده‌لان شه‌که‌رابی ده‌ڵێت‌ گرنگه‌ بچینه‌وه‌ سه‌ر په‌یامه‌ سه‌ره‌کییه‌که‌ی خۆمان که‌ له‌به‌رگرتنی کاره ئه‌ویش بۆ پێکهێنانی کۆمه‌ڵگه‌یه‌ک که‌ ئه‌وه‌ی توانای کاری هه‌بێت بواری بۆ بڕه‌خسێنرێت.

شه‌که‌رابی پێشتر سه‌رۆکی ڕێکخراوی سه‌رانسه‌ری لاوانی سۆسیالدیموکرات بوو، ئێستا یه‌کێکه‌ له‌ به‌ڕێوه‌به‌رانی کۆمیته‌ی قه‌یران که‌ له‌ دوای هه‌ڵبژاردنه‌کانی مانگی سێپته‌مبه‌ری ڕابوردووه‌وه‌ بۆ لێکۆڵینه‌وه‌ له‌ شکستی سۆسیالدیموکراته‌کان پێک هێنراوه‌. شه‌که‌رابی جه‌خت له‌وه‌ ده‌کاته‌وه‌ که‌ پارته‌که‌ی ده‌بێت سیاستی خۆی سه‌باره‌ت به‌ پرسی دابینکردنی کار توندتر و ڕوونتر بکاته‌وه‌ و به‌ بیرو پێشنیازی نوێیه‌وه‌ بێته‌ پێش.

هه‌ر له‌و ڕاپۆرته‌دا که‌ کۆمیته‌ی قه‌یرانی سۆسیالدیموکراته‌کان ئه‌مڕۆ ئاشکرایان کرد پێشنیازێکی تر کراوه‌ که‌ جه‌ختکردنه‌وه‌یه‌ له‌ به‌رزکردنه‌وه‌ی باج، ئه‌وه‌یش به‌و ئامانجه‌ی که‌ سه‌رمایه‌گوزاری له‌ که‌رتی گشتی و بۆ خزمه‌تی سیستێمی خۆشگوزه‌رانی په‌ره‌ پی بدرێت و کاسه‌ی ده‌وڵه‌ت بۆ ڕاگرتنی سیستێمی خانه‌نشینیش به‌هێزتر بکرێت. ئانا یوهانسۆن یه‌کێکه‌ له‌ به‌ڕێوه‌به‌رانی کۆمیته‌ی قه‌یران و باس له‌ گرنگی ئه‌م پرسه‌ ده‌کات.

- ئه‌گه‌ر ئامانجمان به‌رزکردنه‌وه‌ی ئاستی کوالیتی و چۆنیه‌تی بێت بۆ نموونه‌ له‌ بواری فێرگاکان، ڕێگاوبان و هێڵه‌ ئاسنینه‌کان، هه‌روه‌ها کوالیتی و ئاستی خزمه‌تگوزارییه‌کان له‌ بواری ته‌ندروستی و سه‌رپه‌رشتی به‌ساڵاچوواندا ناکرێت چاو بنوقێنین و وابزانین ئه‌م کارانه‌ به‌ خۆڕایی ده‌برێت به‌ ڕێوه‌. 

به‌ڵێ مۆناسالین سه‌رۆکی پێشووی سۆسیالدیموکراته‌کانیش هه‌ر وای وت، ده‌بێت له‌گه‌ڵ ده‌نگده‌رانماندا سیاسه‌تێکی ڕوونترمان هه‌بێت و سیاستی باج دابڕێژینه‌وه‌، سالین دوای هه‌ڵبژاردنه‌کان ڕاشکاوانه‌ ڕه‌خنه‌کانی سه‌باره‌ت به‌و سیاسه‌تی باجه‌ ده‌ربڕی که‌ دوو پارته‌که‌ی تری به‌ره‌که‌ی ژینگه‌ و چه‌پ جه‌ختیان لێ ده‌کرده‌وه‌ و بۆ نموونه‌ داوای باجی موڵکوماڵیان ده‌کرد. ژماره‌یه‌ک له‌ سه‌رانی سۆسیالدیموکراته‌کان هاوڕای سالین بوون و ڕه‌خنه‌یان له هاوپه‌یمانێتییه‌ سه‌وزوسوره‌که‌ و به‌رنامه‌ی هه‌ڵبژاردن گرت.

هه‌ڵبژاردنه‌که‌ی 2010 و شکسته‌که‌یان که‌ ئیتر لێکۆڵینه‌وه‌ لێی و گرنگی هێنانه‌کایه‌ی سیاستێکی نوێ بووه‌ ڕاستییه‌کی حاشا هه‌ڵنه‌گر. هه‌ر بۆیه‌ کۆمیته‌ی قه‌یران پێکهێنرا که‌ به‌ نیازه‌ سۆسیالدیموکراته‌کان له‌ سیاسه‌تی به‌رگرییه‌وه‌ به‌ره‌و باوه‌ڕبه‌خۆبوون به‌رێت. 

- زیاد له‌ پێویست سیاسه‌تی به‌رگریمان په‌یڕه‌و کرد، ئاننا یوهانسۆن به‌ ڕێوه‌به‌ری گرووپی قه‌یران ده‌ڵێت له‌ بنه‌ما و بیروباوه‌ڕی پارته‌که‌ دوورکه‌وتووینه‌ته‌وه‌ و باوه‌ڕێکی ئه‌وتۆشمان به‌خۆمان نه‌بوو. ئه‌م سیاسه‌ته‌ ده‌بێت بگۆڕێت و له‌گه‌ڵ ڕه‌وت و ڕۆحی سه‌رده‌مدا بگونجێنرێت، به‌ کوردییه‌که‌ی سۆسیالدیموکراتی پیر بووه‌ و نوێ بوونه‌ و ڕۆحێکی لاوی گه‌ره‌که‌. سالین گوێی له‌م ده‌نگه‌ لاوانه‌ گرت و پۆستی سه‌رۆکایه‌تی پاش ناڕه‌زاییه‌کان جێهێشت، ئاخر له‌ ماوه‌ی سه‌دساڵی مێژووی ئه‌و پارته‌دا شکستی وای وه‌ک هه‌ڵبژاردنه‌کانی 2010 ی به‌ خۆوه‌ نه‌بینیبوو.

ئه‌م سستییه‌ چیتر قوبوڵ نییه‌ به‌ڵام سۆسیالدیموکراتێکی نوێی پێویسته‌ که بۆ نموونه‌ جگه‌ له‌ پێداچوونه‌وه‌ی سیاسه‌تی باج که‌ کۆمیته‌ی قه‌یران پێشنیازیان کردووه‌ له‌گه‌ڵ به‌ره‌ی ڕاستتدا هاوکاری بکرێت، پێشنیازێکی تریان کردووه‌ که‌ ده‌بێت له‌ پرسی قازانجی که‌رتی تایبه‌تیش بکۆڵرێته‌وه‌ بۆ نموونه‌ له‌ بواری فێرگاکاندا ته‌نها پرسی چۆنییه‌تی مه‌رج نه‌بێت به‌ڵکه‌ سنورێکیش بۆ ئاستی قازانجی داراییشیان دیاری  بکرێت. 

- ئاننا یوهانسۆن ده‌ڵێت نابێت ڕێ بدرێت کارگه‌ و کۆمپانیاکان خۆ له‌ باج بدزنه‌وه‌ و قازانجه‌کانیان بنێرنه‌ وڵاتانی تر به‌و شێوه‌یه‌ له‌ سیستێمی باجی سویدی خۆ بدزنه‌وه‌.

 به‌ڵێ با گرنگی به‌ که‌رتی خزمه‌تگوزاری بدرێت و بوار بۆ سه‌رمایه‌گوزاری کارگه‌ بچوک و مامناوه‌نده‌کان بکرێته‌وه‌ هه‌روه‌ها پرسی بیمه‌ی بێکاری ئاکاسا باشتر بکرێت به‌ڵام، ئه‌مه‌ مانای نزیکبوونه‌وه‌ نییه‌ له‌ سیاسه‌تی به‌ره‌ی ڕاست، نه‌ خێر به‌ پێچه‌وانه‌وه‌.

- به‌ پێچه‌وانه‌وه‌ ئێمه‌ ده‌بێت بگه‌ڕێنینه‌وه‌ سه‌ر بنه‌ماکانی سۆسیالدیموکراتی کۆن، که‌ ئه‌ویش به‌ڕای ئه‌رده‌لان شه‌که‌رابی گرنگیدانه‌ به‌ پرسی کار و به‌رگرتن له‌ بێکاری هه‌روه‌ها نه‌هێشتنی ناعه‌داله‌تی چینایه‌تییه‌.

ئه‌مانه‌ هه‌ندێک بوون له‌و پێشنیازانه‌ی کۆمیته‌ی قه‌یرانی سۆسیالدیموکراته‌کان ئه‌مڕۆ ئاشکرایان کردووه‌. جێی وه‌بیر هێنانه‌وه‌یه‌ که‌ ئه‌رکی کۆمیته‌ی قه‌یران لێکۆڵینه‌وه‌یه‌ له‌ سیاسه‌تی پارته‌که‌، لێکۆڵینه‌وه‌ له‌ ده‌رئه‌نجامه‌کانی هه‌ڵبژاردن، لێکۆڵینه‌وه‌ له‌ هه‌یکه‌لی رێکخراوه‌یی پارته‌که‌ و تێڕوانینی سیاسه‌تی جیهان و گفتگۆ نانه‌وه‌.

کۆمیته‌که‌ له‌ چوار گرووپ پێک هاتووه‌ و دوا ڕاپۆرتی ئه‌م کۆمیته‌یه‌ ده‌بێته‌ بنه‌مای داڕشتنی سیاسته‌ی داهاتووی سۆسیالدیموکراته‌کان که‌ له‌ کۆنگره‌ی ئاوارته‌ی ئه‌و پارته‌دا و له‌ مانگی مارسی داهاتودا گفتوگۆی له‌سه‌ر ده‌کرێت. هه‌ر له‌و کۆنگره‌یه‌دایه‌ سه‌رۆکێکی نوێ له‌ بری مۆنا سالین دیاری ده‌کرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".