Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کرستینا: نازانیت پیاوه‌ سویدییه‌کان حه‌زیان له‌ ژنه‌که‌یه‌ یان منداڵه‌که‌ی

بڵاو کرایه‌وه‌ torsdag 17 februari 2011 kl 14.26

به‌پێی ڕاپۆرتێکی نوێ که‌ ڕێکخراوی سه‌رانسه‌ریی شه‌وانه‌ڕۆژه‌کانی ژنان (Roks) دوێنێ ئاشکرای کردووه‌ ژماره‌یه‌کی زۆری ئه‌و ژنانه‌ی به‌ هاوسه‌رگیری دێنه‌ سوید توشی ئازاردان و هه‌ڵاواردن دێن و زۆرینه‌یان ژنه‌ تایلاندییه‌کانن. ئه‌و ژنانه‌ له‌ ڕاپۆرته‌که‌دا به‌ ژنانی هاورده‌ ناوده‌برێن (importfruar) که‌ زۆر جار پێش دوو ساڵ واتا پێش وه‌رگرتنی مۆڵه‌تی مانه‌وه‌ی هه‌تایی له‌ مێرده‌کانیان جیا ده‌بنه‌وه‌ و ده‌که‌ونه‌ به‌ر مه‌ترسی ناردنه‌وه‌.

- هیچ پاره‌ت پێ نییه‌ و که‌س ناناسیت، ئینجا ئه‌و ژنانه‌ زمان نازانن و نازانن ڕوو له‌کوێ بکه‌ن. ئا له‌وێوه‌یه‌ سه‌رچاوه‌ی ده‌سه‌ڵاتی پیاوه‌که‌ که‌ خۆی خاوه‌نی هه‌موو شتێکه‌، ماڵ، پاره‌ و زمان و هتد.

- به‌ڵام ئه‌گه‌ر ژنه‌که‌ توشی لێدان و باخه‌ڵیی زۆره‌ملێی بێت نازانێت ‌ڕوو له‌ کوێ بکات،

کرستینا له‌ شه‌وانه‌ڕۆژێکی ژنان له‌ نیشیۆپینگ کار ده‌کات، ئه‌و ناوه‌نده‌ زیاتر تایبه‌ته‌ به‌ ژنانی تایلاندی که‌ به‌ هاوسه‌رگیری هاتوونه‌ته‌‌ سوید ، به‌ڵام کرستینا له‌ ئه‌زموونه‌ تاڵه‌کانی خۆیه‌وه‌ زیاتر گرنگی‌ به‌و مناڵانه‌ ده‌دات که‌ له‌گه‌ڵ دایکه‌ تایلاندییه‌کنیان دێنه ‌سوید، کرستینا ده‌ڵێت ئاخر ئه‌و پیاوه‌ سپییه‌ که‌ هاته‌ تایلاند به‌ دیاری و پاره‌ و قسه‌ی خۆشه‌وه‌ وه‌ک‌ فریادڕه‌سێک وابوو، ئێمه‌ هه‌ژار و هه‌رگیز  بانیۆ و ته‌ختی خه‌وتنمان نه‌بینییبوو کاتێک له‌ هه‌شتاکان له‌گه‌ڵ دایکمان له‌ تایلانده‌وه‌ له‌گه‌ڵ پیاوه‌ سویدییه‌که‌ هاتینه‌ سوید.

کرستینا به‌رده‌وام ده‌بێت و باس له‌ کێشه‌یه‌کی ناخۆشتر ده‌کات، ئه‌و پیاوه‌ سویدییانه‌ی دێن ژنه‌ تایلاندی به‌ مناڵه‌کانیانه‌وه‌ بێنن نازانیت ئاخۆ حه‌زیان له‌ ژنه‌که‌یه‌ یان له‌ مناڵه‌که‌ی، ئاخر کرستینا ده‌ڵێت به‌داخه‌وه‌ پیاوانێکی زۆری سویدی له‌وانه‌ی دێنه‌ تایلاند بۆ کاری منداڵبازی دێن، پێدۆفیلی.

ئه‌و ناوه‌نده‌ شه‌وانه‌ ڕۆژه‌ی کرستینا له‌ نیشێۆپینگ کاری لێ ده‌کات یه‌کێکه‌ له‌و 73 ناوه‌نده‌ شه‌وانه‌ ڕۆژه‌ی که‌ ژنانی تایلاندی له‌ ده‌ست لێدان و سوکایه‌تی پێکردنی میرده سویدییه‌کانیان ڕووی تێ ده‌که‌ن، ئه‌مه‌ له‌ ڕاپۆرتێکی نوێی ڕێکخراوی سه‌رانسه‌ری شه‌وانه‌ڕۆژه‌کانی ژنان له‌ سویدا ناسراو به‌ رۆکس ده‌رکه‌وتووه‌ که‌ دوێنێ ئاشکرایان کرد. ڕاپۆرته‌که‌ تایبه‌ته‌ به‌ ژنانی هاورده‌ (importfrura) چه‌مکێک که‌ ‌ بۆ وه‌سفکردنی ئه‌و ژنانه به‌کاردێت که‌ له‌ڕێی هاوسه‌رگیرییه‌وه‌ دێنه‌ سوید و به‌هۆی نه‌بوونی ئیقامه‌وه‌ ده‌که‌ونه‌ ‌به‌رده‌م مه‌ترسی ناردنه‌وه‌دان گه‌ر مێرده‌کانیان لێیان بێتاقه‌ت ببن.

- رۆکس ئاماری سه‌با‌ره‌ت به‌ ژنانی هاورده‌ و ئه‌و وڵاتانه‌ی لێوه‌ی هاتوون له‌ بنکه‌کانی ژنان کۆ کردۆته‌وه‌، له‌ ماوه‌ی 2008-2009 ده‌رکه‌وتووه‌ که‌ زیاتر ژنانی تایلاندی له‌ماوه‌ی ئه‌و دووساڵه‌دا په‌یوه‌ندییان به‌و بنکانه‌وه‌ کردووه‌. 

ئێڤا ڤێلین ئاماده‌که‌ری ڕاپۆرته‌که‌ ده‌ڵێت له سه‌رجه‌م‌ 78 شه‌وانه‌ ڕۆژی ژنان 73 له‌ وه‌ڵامی ڕاپرسییه‌کدا ده‌ڵێن له‌ ساڵی 2009 دا که‌ 550 ژنی تایلاندی په‌یوه‌ندییان به‌ڕێکخراوی بنکانه‌ی ژنانه‌وه‌ بۆ داوای یارمه‌تی کردووه‌، به‌پێی ڤێلین  ژنانی تایلاندی زۆرینه‌ن ئه‌مه‌ له‌ڕوانگه‌ی ئاماری سه‌رجه‌می بنکه‌کان و زه‌ینه‌ب کاڤاک له‌ ڕێکخراوی تێرافێمه‌وه‌ و له‌ ئه‌زموونی ماوه‌ی کارکردنی وه‌ک پسپۆری بواری کێشه‌ کۆمه‌ڵایه‌تییه‌کان ده‌لێت ژماره‌یه‌کی زۆر له‌و ژنانه‌ی به‌ هاوسه‌رگیری هاتوون و توشی لێدان دێن و ده‌که‌ونه‌ به‌ر مه‌ترسی مانه‌وه‌ ژنانی کوردن.

زه‌ینه‌ب کاڤاک له‌ ڕێکخراوی تێرافێمه‌وه‌ باسی له‌ ئه‌زموونی ئه‌و ژنانه‌ کرد که‌ له‌ ڕاپۆرته‌که‌ی رۆکسدا به‌ ژنانی هاورده‌ ناو ده‌برێن، کێشه‌ی ئه‌و ژنانه‌ له‌وێوه‌ ده‌ست پێ ده‌کات که‌ فریا ناکه‌ون پیاوه‌کانیان به‌ باشی بناسن پێش ئه‌وه‌ی هاوسه‌رگیرییان له‌گه‌ڵ ببه‌ستن، به‌ڵێ له‌ ئامارێکی تری ڕۆکس که‌ له‌ زانیارییه‌کانی ده‌ستگه‌ی کۆچه‌وه‌ وه‌رگیراوه‌ ده‌رکه‌وتووه‌ که‌ زۆربه‌ی ئه‌و ژنانه‌ بۆ ماوه‌یه‌کی کورت و زۆربه‌یان له‌ ڕێی ئینته‌رنێته‌وه‌ پیاوه‌کانیان ناسیوه‌. ئه‌زموونی تاڵی ئه‌و ژنانه‌ که‌ زۆرینه‌یان تایلاندین پرێم چای وه‌رگێڕی تایلاندیش ده‌ی ناسێته‌وه‌. 

- پریمچای ده‌ڵێت یه‌کێک له‌و ژنانه‌ دووگیان بوو کاتێک له‌گه‌ڵی چووم بۆ نه‌خۆشخانه‌ و کراسه‌که‌یان هه‌ڵدایه‌وه‌ هه‌موو گیانی شوێنی لێدان و شین و مۆر بوبۆوه‌.

ئینجا پریمچای ژنێکی تری تایلاندی بۆی گێڕاوه‌ته‌  که‌ ته‌نها له‌به‌ر ئه‌وه‌ی له‌ سه‌ردانێکی ئیکیادا شوێنی چوونه‌ ژووره‌وه‌که‌ی نه‌زانیوه‌ و شوێنی ڕاگرتنی ماشێنه‌کانی نه‌دۆزیوه‌ته‌وه‌ مێرده‌که‌ی له‌ ماڵه‌وه‌ شه‌ڕی له‌گه‌ڵ کردووه‌ و لێی داوه‌.

ئه‌زموونی ژنه‌ تایلاندییه‌کان هه‌روه‌ک ده‌سته‌خوشکه‌ کورده‌کانیان تاڵه‌ هه‌رچه‌نده‌ جیاوزی له‌ پاشخان و کێشه‌کانیاندا هه‌یه‌، به‌ڵام ئه‌مه‌ش مانای ئه‌وه‌ نییه‌ که‌ هه‌موو هاوسه‌رگیرییه‌کی له‌و جۆره‌ به‌و شێوه‌یه‌ کۆتایی بێت به‌ڵکه‌، ژنه‌ تایلاندی واش هه‌ن که‌ به‌خته‌وه‌رانه‌ له‌گه‌ڵ مێرده‌ سویدییه‌کانیاندا به‌ده‌م چێرۆکی خۆشه‌ویستیانه‌وه‌ ده‌قریوێنه‌وه‌ و سوپاسی ئه‌و ڕێکه‌وته‌ ده‌که‌ن که‌ پێکی ناساندوون یوان و نیانچان نموونه‌یه‌کن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".