Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پۆلیسی ئاسایش ده‌یه‌وێ ده‌ستی به‌ زانیارییه‌کانی ده‌زگای هه‌واڵگریی ڕادیۆییشدا بگات

بڵاو کرایه‌وه‌ fredag 18 februari 2011 kl 13.07

پۆلیسی ئاسایشی سوید، سێپۆ، ده‌بێ ده‌ستی به‌و زانیارییانه‌ ڕابگا که‌ له‌لایه‌ن ده‌زگای هه‌واڵگریی ڕادیۆیی ـ  FRAـ کۆ کراونه‌ته‌وه‌ تا بتوانێ له‌ سه‌ر ئه‌گه‌ری هه‌ڕه‌شه‌ی تیرۆریستی له‌ سوید بکۆڵێته‌وه‌.

له‌وه‌ته‌ی یاسای هه‌واڵگریی ڕادیۆیی (FRA lagen) له‌ سوید که‌وتۆته بواری جێبه‌جێکردنه‌وه‌ و چاوه‌دێری به‌ سه‌ر سیگناله ڕادیۆییه‌‌‌کان، ته‌له‌فۆن، ئینترنێت و هاتوچۆی ناو ئه‌و کابلانه‌ی به‌ سویددا تێپه‌ڕ ده‌بن ده‌ستی پێکردووه‌، بوار نه‌دراوه‌ته‌ پۆلیسی سوید تا ده‌ستی به‌ زانیارییه‌کان‌ ڕابگات. ئه‌و داوایه‌شی له‌م ده‌زگایه‌ نه‌کردووه‌.

سه‌رۆکی سێپۆ ده‌ڵێ بێت و ئه‌م زانیارییانه‌مان پێ نه‌گا ئه‌وا بۆمان زه‌حمه‌ته‌ به‌ر به‌ ئه‌گه‌ری کرده‌ تیرۆریستییه‌کان بگرین.

ڕۆژنامه‌ی سڤێنسکا داگبلادێت له‌ ژماره‌ی ئه‌مڕۆی خۆیدا وێرای هێنانه‌گۆڕی ئه‌م باسه‌ نووسیویه‌تی که‌ سه‌رۆکی مه‌حکه‌مه‌ی هه‌واڵگریی بواری به‌رگریش، ئه‌م پێویستیه‌ی سێپۆ به‌ شتێکی ڕه‌وا ده‌زانێ.

جێی وه‌بیرهێنانه‌وه‌یه‌ که‌ له‌ مانگی جولای ساڵی 2009دا توێژینه‌وه‌یه‌ک له‌ سه‌ر نیازی ده‌ستپێڕاگه‌یشتنی پۆلیس به‌ زانیارییه‌کانی ده‌زگای هه‌واڵگریی رادیۆیی پێشکه‌ش کراوه‌ به‌ڵام هیشتا حوکوومه‌ت هیچ بڕیارێکی به‌ کرده‌وه‌ی له‌م باره‌وه‌ نه‌داوه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".