Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بارودۆخی لیبیا سوید و یه‌کیه‌تیی ئه‌ورووپای نیگه‌ران کردووه‌

بڵاو کرایه‌وه‌ måndag 21 februari 2011 kl 15.03
Fotograf: Emily Spartz

وه‌زاره‌تی ده‌ره‌وه‌ی سوید داوا له‌ هاوڵاتییانی ده‌کات که‌ گه‌شت بۆ لیبیا نه‌که‌ن، هه‌روه‌ها ڕێنمایی ئه‌و سودییانه‌شی له‌ لیبیان ده‌کرێت که‌ به‌ پێی توانا بگه‌رینه‌وه‌ سوید. بۆ ئه‌و مه‌به‌سته‌ کۆمپانیای ئێرێکسۆنی ته‌له‌فۆنی له‌ شاری ته‌رابلوسی پایته‌ختی لیبیاوه‌ سبه‌ینێ چه‌ند فڕۆکه‌یه‌ک دابین ده‌کات به‌ڵام خه‌رجی سه‌فه‌ره‌که‌ له‌سه‌ر موسافیره‌کان خۆیانه‌. ئه‌م هۆشدارییانه‌ی وه‌زاره‌تی ده‌روه‌ی سوید له‌ کاتێکدایه‌ که‌ ‌ خۆپیشاندانه‌کان گه‌شتوونه‌ته‌ ته‌رابلوس و شاری بنغازیش له‌ ژێر ده‌سه‌ڵآتی حوکوومت ده‌رچووه‌. قوربانییه‌کانی ئه‌و خۆپیشاندانانه‌ش به‌ سه‌ده‌ها که‌س مه‌زه‌نده‌ ده‌کرێت و وه‌زیری ده‌ره‌وه‌ی سوید کارل بیلدت نیگه‌رانی خۆی ده‌ر ده‌بڕیت.

- له‌ لیبیا مه‌ترسی و ئه‌گه‌ری داڕمان و تێکچوونێکی وا هه‌یه‌ که‌ ده‌رئه‌نجامی یه‌کجار به‌رفراوانی له‌سه‌ر زۆر ناوچه‌ی تر ده‌بێت ئه‌وه‌ش بێگومان زۆر لایه‌نی نیگه‌ران کردووه‌. که‌ به‌ڕای بیلدت یه‌کێک له‌و ده‌رئه‌نجامانه‌ شه‌پۆلی کۆچ ده‌بێت به‌ره‌و وڵاتی ئه‌ورووپا. کارل بیلدت ئه‌م لێدوانه‌ی له‌ برۆکسلی پایته‌ختی به‌لجیکاوه‌ پێشکه‌ش کرد که‌ له‌گه‌ڵ وه‌زیرانی ده‌ره‌وه‌ی تری وڵاتانی تری یه‌کیه‌تیی ئه‌ورووپادا به‌ مه‌به‌ستی گفتوگۆ له‌سه‌ر بارودۆخی باکوری ئه‌فه‌ریقا و گۆڕانکارییه‌کانی ئه‌م دواییه‌ی وڵاته‌ عه‌ره‌بییه‌کان کۆ ده‌بنه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".