Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

یه‌که‌مین کۆمه‌ڵه‌ کورته‌چیرۆکی کوردی، به‌ سویدی چاپ کرا

بڵاو کرایه‌وه‌ fredag 4 mars 2011 kl 13.34
کورته‌چیرۆکی کوردی به‌ سویدی
(7:48 min)

ئێواره‌ی ڕۆژی ڕابردوو، به‌ به‌شداری ژمارێک له‌ ئه‌هلی قه‌ڵه‌می کورد و سویدی، ڕێوڕه‌سمێکی خنجیلانه‌ بۆ ڕوونواندن له‌ یه‌که‌مین کۆمه‌ڵه‌ چیرۆکی کوردی به‌ زمانی سویدی، له‌ شوێنی کتێبخانه‌ی سوێدربووکهاندل له‌ ستۆکهۆڵم پێک هات. ئه‌م کتێبه‌ که‌ ناوی (fåglarna återvänder till bergen)ی لێنراوه‌ و له‌ چیرۆکێکی مسته‌فا ساڵح که‌ریم به‌ ناوی "باڵنده‌کان ده‌گه‌ڕێنه‌وه‌ بۆ کوێستان" وه‌رگیراوه‌، هه‌ڵبژارده‌یه‌که‌ له‌ 32 کورته‌چیرۆکی پێشتر وه‌رگێڕدراوی نووسه‌رانی کۆن و هاوچه‌رخی هه‌رچوار پارچه‌ی کوردستان بۆ سه‌ر زمانی سویدی، که‌ به‌ هیممه‌تی فه‌رهاد شاکه‌لی نووسه‌ر، شاعیر و مامۆستای زمانی کوردی له‌ زانکۆی ئوپسالا له‌ توێی کتێبێک 364 لاپه‌ڕه‌ییدا گرده‌وه‌کۆ کراوه‌ و له‌ لایه‌ن وه‌شانخانه‌ی ترانان له‌ ستۆکهۆڵم بڵاو بۆته‌وه‌.

وێنه‌: سه‌ر به‌رگی کتێبه‌که‌.

ئه‌و نووسه‌رانه‌ی له‌ کتێبه‌که‌دا ناسێنراون و کورته‌چیرۆکێکیان لێ چاپکراوه‌ بریتین له‌: ئه‌حمه‌د محه‌مه‌د ئیسماعیل، قه‌دریجان، ره‌ئوف بێگه‌رد، شێرزاد حه‌سه‌ن، حه‌سه‌ن قزڵجی، حوسێن عارف، تاهیر ساڵح سه‌عید، مسته‌فا ساڵح که‌ریم، ئیبراهیم ئه‌حمه‌د، ئه‌حلام مه‌نسوور، حه‌سه‌نێ مه‌تێ، شێرزاد حه‌سه‌ن، حه‌مه‌که‌ریم عارف، له‌تیف حامید، محه‌مه‌د مه‌ولوود (مه‌م)، سه‌عیدێ ئیبۆ، محه‌مه‌د فه‌ریق حه‌سه‌ن، هێرۆ گۆران، فرات جه‌وه‌ری، مارف خه‌زنه‌دار، کاروان کاکه‌سوور، عه‌تا محه‌مه‌د و فه‌رهاد شاکه‌لی. 

فه‌رهاد شاکه‌لی له‌ گفتوگۆیه‌کی کورتدا له‌گه‌ڵ میوانانی ئه‌م کۆڕه‌، له‌سه‌ر پێناسه‌ی زیاتری کتێبه‌که‌ و کورته‌چیرۆکی کوردی به‌ گشتی،‌ باسی ئه‌وه‌ی کرد که‌ به‌ لای ئه‌وه‌وه‌ گرنگ ئه‌وه‌یه‌ چیرۆکنووس به‌رهه‌مێکی به‌پیزی ئافراندبێ که‌ بۆ پێشکه‌شکردن به‌ نه‌ته‌وه‌کانی تر بشێ بۆیه‌ش له‌هه‌ڵبژاردنی چیرۆکه‌کاندا بۆ وه‌رگێڕان ته‌نیا بیری له‌ باشبوونی به‌رهه‌مه‌که‌ کردۆته‌وه‌ نه‌ک ئه‌وه‌ی کێ نووسییه‌تی؟ یا خود ئه‌وه‌ی ژن بووه‌ یا پیاو. 

فه‌رهاد شاکه‌لی ده‌ڵێ ئاماده‌کردنی ئه‌و کتێبه‌، له‌ ماوه‌ی هه‌ژده‌ ساڵاندا سه‌ری گرتووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".