Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مێرمنداڵانی تاوانکار، له‌وانه‌یه‌ پابه‌ندیان بکرێته‌ پاوه‌

بڵاو کرایه‌وه‌ måndag 7 mars 2011 kl 12.56
wêne: Per Ydreskog/Scanpix

به‌شێکی به‌رچاوی ئه‌و سه‌د مێرمنداڵه‌ 15 تا 17 ساڵانه‌یه‌ی، هه‌موو ساڵێ له‌به‌ر تاوانکاریی گه‌وره‌ مه‌حکووم ده‌کرێن، به‌ره‌و تاوانکاری ده‌گه‌ڕێنه‌وه‌. حوکوومه‌ت ده‌یه‌وێ بۆ به‌رگرتن به‌مه،‌ پابه‌ندی ئه‌له‌کتروونیی زیندان بخاته‌ قاچی ئه‌و گه‌نجانه‌‌ی حوکمی چاوه‌دێرییان به‌سه‌ردا بڕاوه‌. وه‌زیری داد، خاتوو بیاتریس ئاسک ده‌ڵێ وا باشتره‌ مرۆڤ هه‌ست به‌ ئازادی و سه‌ربه‌خۆیی بکا و بڕیار بستێنێ به‌ڵام هاوکاتیش بزانێ که‌ سنووردار کراوه‌ و ناتوانێ و نابێ هه‌ر هه‌موو شتێک بکات. به‌و پانده‌وه‌، ئه‌م ئامانجه‌ پێک دێ!

که‌چێ به‌پێچه‌وانه‌وه‌ به‌رهه‌ڵستکاران و ده‌سته‌ی به‌ڕێوه‌به‌ریی کۆمه‌ڵگا ڕه‌خنه‌ له‌م پێشنیازه‌ ده‌گرن و ده‌ڵێن مه‌ترسیی ئه‌و پابه‌ندکردنه‌ ئه‌وه‌یه‌ که‌ هه‌ستی خۆگرێدانی گه‌نجان به‌ دنیای تاوانکارانه‌وه‌ زێده‌ ده‌بێ. ئاندێرش تێگنل له‌ Socialstyrelsen ده‌ڵێ به‌ هیچ جۆرێک نابێ ئه‌م کاره‌ بکرێ و پێوه‌ندیی تاکه‌که‌سی که‌ به‌شێكی گرنگی هێنانه‌وه‌ی گه‌نجانه‌ بۆ ناو جه‌رگه‌ی کۆمه‌ڵگا، نابێ جێی خۆی بداته‌ پابه‌ندی زیندان.‌

حوکوومه‌ت به‌ته‌مایه‌ ئه‌م پێشنیازه‌یاسایه‌ به‌مزوانه‌ پێشکه‌ش به‌ په‌رله‌مان بکات تا په‌سند بکرێ. بێت و په‌سندیش بکرێ ئه‌وا مێرمنداڵانی له‌ نێوان 15 و 17 ساڵدا که‌ تاوانکارییه‌کی جیدییان کردووه‌ وه‌ک قه‌تڵ و لێدان و دزی، ده‌بێ له‌ ساڵی داهاتووه‌ پابه‌ندی ئه‌له‌کترۆنیان بخرێته‌ پاوه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".