Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

یاسای ناودێر به‌ گرومنینگ، تا ئێستا ته‌نیا که‌سێکی مه‌حکووم کردووه‌

بڵاو کرایه‌وه‌ onsdag 9 mars 2011 kl 10.56
wêne: Henrik Montgomery/Scanpix

له‌وه‌ته‌ی نزیکه‌ی دوو ساڵ له‌وه‌ پێشه‌وه‌ که‌ یاسای ناودێر به‌ گرومنینگ ـ واتا سازدانی پێوه‌ندیی عاتیفی له‌گه‌ڵ منداڵ به‌ ئامانجی به‌کارهێنانی جینسی له‌ داهاتوودا ـ له‌ سوید جێبه‌جێ کراوه‌، ته‌نیا یه‌ک که‌س له‌م پێوه‌ندییه‌دا حوکم دراوه‌. ئه‌مه‌یان توێژینه‌وه‌یه‌ک که‌ به‌شی ناوه‌ندیی ده‌نگوباسی رادیۆ سوید، ئێکۆت، به‌ هاوکاریی ده‌زگای پارێزه‌ری گشتی (åklagarmyndigheten) ئه‌نجامی داوه‌ باسی لێوه‌ ده‌کات.

مه‌به‌ست له‌و یاسایه‌ ئه‌وه‌یه‌ که‌ به‌ر له‌ هه‌موو شت، به‌ر به‌ که‌سانی منداڵباز بگرێ تا نه‌توانن به‌ ڕێی ئینترنێته‌وه‌ پێوه‌ندی به‌ منداڵانه‌وه‌ بگرن. به‌ڵام بیاتریس ئاسک وه‌زیری داد نایه‌وێ له‌به‌ر هنکبوونی حوکمدراوان به‌ پێی ئه‌م یاسایه‌، له‌ نرخی خودی یاساکه‌ که‌م کاته‌وه‌. ئاسک ده‌ڵێ ئه‌وه‌ زۆر زوویه‌ که‌ ئه‌مڕۆ ئه‌نجام له‌و یاسایه‌ وه‌رگرین. من پێم وایه‌ هه‌ندێکی کات ده‌وێ به‌رله‌وه‌ی هه‌ڵسه‌نگاندنێک له‌سه‌ر کاریگه‌ریی ئه‌م یاسایه‌ بکه‌ین.

یه‌کێ له‌ هۆیه‌کانی که‌مبوونی حوکمی دراو به‌ پێی ئه‌م یاسایه‌ ده‌توانێ ئه‌مه‌ بێ که‌ به‌ناوکردنی تاوانی گرومنینگ نامێنێ ئه‌گه‌ر که‌سه‌که‌ له‌وه‌ش زۆرتر چووبێته‌ پێشێ و تاوانی گه‌وره‌تری دژی منداڵه‌که‌ ئه‌نجام دابێ. له‌لایه‌کی‌تره‌وه‌ زه‌حمه‌ته‌ که‌ بیسه‌لمێنێ نیه‌تی ئه‌و که‌سه‌ی پێوه‌ندی به‌ منداڵه‌وه‌ ده‌گرێ چییه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".