Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کاندیدکردنی هۆکان یوهولت ڕه‌خنه‌ی ناوه‌ته‌وه‌

بڵاو کرایه‌وه‌ fredag 11 mars 2011 kl 16.50
Fotograf: FREDRIK SANDBERG / SCANPIX

سمێڵێک له‌بری چوار عه‌ینه‌ک، ئه‌مه‌ ته‌نها یه‌کێک له‌و سه‌ردێڕانه‌یه‌ که‌ دوو ڕۆژه‌ مێدیاکانی سویدی داگیر کردووه‌، به‌ڵێ هۆکان یوهولت له‌بری تۆماس ئیۆستروس و سێ عه‌ینه‌ک له‌چاوی تری سۆسیالدیموکرات که‌ چاوه‌ڕوان ده‌کرا بۆ سه‌رۆکایه‌تی پارته‌که‌ کاندید بکرێن. تا ئێواره‌ی چوارشه‌ممه‌ش که‌س باوه‌ڕی نه‌ده‌کرد هۆکان یوهۆلت بۆ ئه‌و پۆسته‌ کاندید بکرێت تا دوێنێ به‌ فه‌رمی لیژنه‌ی ئاماده‌کاری هه‌ڵبژاردن (valberedningen) کارین یامتین بۆ سکرتێری پارته‌که‌ و هۆکان یوهولتیش وه‌ک سه‌رۆک کاندید کرد. هه‌واڵێکی چاوه‌ڕوان نه‌کراو و یوهۆلتیش خۆی ده‌ڵێت ماوه‌ی یه‌ک شه‌وم هه‌بوو بیر بکه‌مه‌وه‌ و بڕیارم دا، ئه‌و شه‌وه‌ی بڕیاره‌که‌م دا شه‌وێکی زۆر خۆش بوو.

هۆکان یوهولت ئه‌ندامی په‌رله‌مان له‌ ساڵی 2004 ه‌ وه ‌و شاره‌زای پرسی هێزی به‌رگری ته‌مه‌نی 48 ساڵه‌ و له‌ ئۆسکارشامی هه‌رێمی سمۆلاند له‌ دایک بووه‌، پێشتر وه‌ک ڕۆژنامه‌وان و وێنه‌گر کاری کردووه‌، کاندید کردنی یوهولت بۆ پۆستی سه‌رۆکایه‌تی سۆسیالدیموکراته‌کان زۆری سه‌رسوڕما و کردوو (به‌ڵێ) که‌شی بۆ پۆستی سه‌رۆکایه‌تی چاوه‌ڕوان نه‌کراو بوو. ئاخر یوهولت نه‌ ئه‌زموونی وه‌زیری هه‌یه‌ و نه‌ له‌ سه‌رۆکایه‌تی ئه‌و پارته‌شدا پۆستی هه‌بووه‌، به‌ڵام یه‌کێک بوو له‌وانه‌ی له‌ دوای شکسته‌که‌ی هه‌ڵبژاردنه‌کانی ساڵی پاره‌وه‌ داوای ده‌ست له‌ کارکێشانه‌وه‌ی مۆنا سالین و داروده‌سته‌که‌ی کرد.  ئه‌مه‌ و لادانی له‌ ناوه‌ڕاسته‌وه‌ به‌لای خه‌تی چه‌پی نێو سۆسیالدیموکراته‌کاندا ئێسکی یوهولتی لای ڕاسته‌کانی نێو سوس گران کردووه‌ که‌ زۆریان کاندید کردنه‌که‌ی بۆ پۆستی سه‌رۆکایه‌تی به‌ کوده‌تای چه‌په‌کان وه‌سف ده‌که‌ن. ئاخر لقه‌کانی ستۆکهۆلم، کالمار و سکۆنێ و به‌شه‌کانی ڕۆژئاوای سوید که‌ چه‌پی ئه‌م پارته‌ نوێنه‌ریان تێیدا زۆره‌ ڕێیان له‌ کاندیده‌ چاوه‌ڕوانکراوه‌کانی وه‌ک توماس ئیۆستروس و میکایل دامبه‌رییان به‌سته‌وه‌.

 ئا به‌م ده‌ستپێکه‌ پڕ له‌ کێشمه‌کێشمه‌وه‌ پێناچێت کاری یوهۆلت ئاسان بێت و پرسیار ئه‌وه‌یه‌ که‌ ئاخۆ کۆنگره‌ی داهاتووی سۆسیالدیموکراته‌کان که‌ که‌متر له‌ دووهه‌فته‌ی ماوه‌ چ ده‌سه‌ڵاتێک ده‌داته‌ یوهولت و ئه‌ی یوهولت ڕه‌وتی پارته‌که‌ به‌ره‌و کوێ ده‌بات.

 - من پێم وایه‌ که‌ یوهولت ده‌سه‌ڵات و پشتیوانییه‌کی باش له‌ کۆنگرده‌ا ده‌باته‌وه‌، ئایرینێ ڤێنێمو سه‌رۆکی پێشووی سه‌ندیکای سه‌راسه‌ری ئێل ئو، زۆر له‌وانه‌ی سه‌رده‌می مۆنا سالین ترسی ئه‌وه‌یان هه‌بوو سالین پارته‌که‌ به‌ره‌و ڕاست به‌رێت به‌ڵام هۆکان یوهولت له‌ ناوه‌ڕاستدایه‌ و زیاتر بنه‌ما و به‌ها بنه‌ڕه‌تییه‌کانی سۆسیالدیموکراتی ڕاسته‌قینه‌ به‌رز ده‌کاته‌وه‌. ئه‌م هه‌ڵسه‌نگاندنه‌ له‌ قسه‌کانی دوێنێ یوهولت خۆشیدا ده‌رده‌که‌وێت.

 -   خۆشحاڵین یوهولت ده‌ڵێت که‌ نوێنه‌رایه‌تی پارتێک بکه‌ین که‌ ئامانجی هێنانه‌ دی سۆسیالدیموکراتییه‌، باوه‌ڕی به‌رزیشمان به‌وه‌یه‌ که‌ یه‌کسانی بنه‌مای هێنانه‌ دی گه‌شه‌ی ئابووری و سیستێمی خۆشگوزه‌رانییه‌.

 ئه‌م قسانه‌ی یوهولت له‌لایه‌ن کارین یامتینی کاندید کراو بۆ سکرتێری پارته‌که‌ پشتگیری لی ده‌کرێت. یامتین ئه‌ندامی ئه‌نجومه‌نی شاره‌وانی ستۆکهۆلم و کۆنه‌ وه‌زیری کۆمه‌ک وه‌ک یوهولت پرسیار و مقۆمقۆی نه‌ناوه‌ته‌وه‌، یوهولت  قسه‌ خۆشه‌ و خۆشمه‌عشه‌ره‌ و ئامۆزاکه‌مانه‌ له‌ لادێوه‌، جه‌نگاوه‌رێکی ڕاسته‌قینه‌ی ئاشتی خواز که‌ به‌ ئاسانی ده‌چێته‌ دڵی خه‌ڵکییه‌وه‌ و پێ ده‌چیت ببێته‌ کێبه‌رکارێکی قورسی فرێدریک ڕه‌ینفێڵد، ئه‌مه‌ به‌شێکه‌ له‌و وه‌سف و تاریفانه‌ی سیاسه‌تمه‌داران له‌ دۆست و دوژمنانی بۆ یوهۆلتی ده‌که‌ن، به‌ڵام یوهولت داهێنراوێکی نه‌ ناسراو و چه‌پڕه‌وێکی به‌زۆر سه‌پێنراویشه‌ ئه‌مه‌یان ڕای نه‌یارانیه‌تی له‌ نێو سۆسیالدیموکراته‌کانه‌وه‌ که‌ ده‌ڵێن خافڵگیرانه‌ لیژنه‌ی ئاماده‌کاری هه‌ڵبژاردنه‌کان کردییه‌ کاندید بۆ پۆستی سه‌رۆکایه‌تی.

 به‌ڵـام چه‌پڕه‌وێتی یوهولت مه‌رج نییه‌ پارته‌که‌ش به‌ره‌وه‌ ئه‌و ڕه‌وته‌ به‌رێت به‌ڕای پرۆفێسۆری بواری سیاسه‌ت له‌ زانکۆی یۆتۆبۆرییه‌وه‌ میکایل یلیام.

-  گه‌ر سۆسیالدیموکراته‌کان بیانه‌وێت هه‌ڵبژاردنه‌کانی داهاتوو ببه‌نه‌وه‌ ئه‌رکێکی گرانه‌ گه‌ر نیازیانبێت پارته‌که‌ به‌ره‌وه‌ چه‌پ ببه‌ن له‌وه‌ گرانتریش ئه‌وه‌یه‌ ده‌نگده‌رانیش به‌ره‌و چه‌پ ببه‌ن. زۆر ئاسانه‌ بۆ کاندیدێکی سۆسیالدیموکراته‌ که‌ به‌ره‌و ڕاست و ناوه‌ڕست بڕوات بۆ ئاشتکردنه‌وه‌ی تۆراوانیان که‌ چونه‌ته‌ به‌ره‌ی ڕاستی بۆرژوا، هه‌ربۆیه‌ من پێم وانییه‌ پرۆفێسۆر یلیام ده‌ڵێت که‌ یوهولت خۆی له‌قه‌ره‌ی چه‌پ کردنه‌وه‌ی پارته‌که‌ بدات.

 هۆکان یوهۆلتی ناسراو به‌ ناوه‌ڕاستگری چه‌پڕه‌و سه‌رۆکی لیژنه‌ی پرسی هێزی به‌رگرییه‌ له‌ په‌رله‌مان و زۆربه‌ی ژیانی سیاسی له‌و پرسه‌دا به‌سه‌ر بردووه‌ هه‌ر بۆیه‌ بۆ ئه‌وه‌ی یوهولت بتوانێت جه‌نگی بردنه‌وه‌ له‌ گه‌ڵ فرێدریک ره‌ینفێلدی سه‌ره‌ک وه‌زیرانی مۆدێرات بکات ده‌بێت له‌ زۆر پرسی وورتردا خۆ پێ بگه‌یه‌نێت و به‌خێرایی، به‌ڕای ئایرینێ ڤێنێمو سۆسیالدیموکراتزان و سه‌رۆکی پێشووی (LO).

وا دیاره‌ وه‌ک ڤێنێمو و شاره‌زایانی تری بواری سیاست ده‌ڵێن هۆکان یوهۆلتی کاندید کراو بۆ پۆستی سه‌رۆکایه‌تی سۆسیالدیموکراته‌کان ئه‌رکێکی قورسی له‌به‌رده‌مایه‌ ئه‌مه‌ ئه‌گه‌ر له‌ کۆنگره‌ی داهاتوودا بڕیاری ته‌واوی له‌سه‌ر بدرێت، جگه‌ له‌ کۆکردنه‌وه‌ی ده‌نگی شار و لادێ، باڵه‌کانی چه‌پ و ڕاستی نێو پارته‌که‌ جه‌نگێکی قورسی یوهولت بردنه‌وه‌ی هه‌ڵبژاردنه‌کانی داهاتووی ساڵی 2014 ه‌یه‌ له‌ ڕه‌ینفێلد و داروده‌سته‌ی حوکوومه‌تی ڕاست که‌ یوهولت دڵنیایه‌ له‌ بردنه‌وه‌ی‌ و زۆر کوردانه‌ش‌ بڕیاری داوه‌ گه‌ر به‌ قسه‌ی وتارنوسێکی ڕۆژنامه‌‌ی (Dagens Nyheter) ئه‌مڕۆ بێت به‌ڵێ بڕیاری داوه‌ له‌گه‌ڵ بردنه‌وه‌ی هه‌ڵبژاردنا جووته‌ سمێله‌که‌شی بتاشێ!

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".