Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ساب له‌ چاره‌سه‌رێک له‌گه‌ڵ ئانتۆنۆڤدا ده‌گه‌ڕێت

بڵاو کرایه‌وه‌ tisdag 26 april 2011 kl 14.34
Foto: Adam Ihse/Scanpix

ئه‌مڕۆ گه‌وره‌ بازرگانی ڕوسی ڤلادیمیر ئانتۆنۆڤ بۆ ڕێککه‌وتن له‌سه‌ر داهاتووی گه‌و‌ره‌ کۆمپانیای به‌رهه‌مهێنانی ئوتومبێلی ساب هاتۆته‌ ستۆکهۆلم. ‌ بڕیاره‌ له‌و سه‌ردانه‌یدا سه‌رۆکی به‌ڕێوه‌به‌رایه‌تی گشتی بازرگانی و قه‌رز (Riksgälden) بو لوندگرێن بینینی . ئه‌مه‌ له‌ کاتێکدایه‌ که‌ سێ هه‌فته‌یه کارگه‌کانی به‌رهه‌مهێنانی ئوتومبێلکی ساب له‌ ترۆلهێتتان له‌نه‌بوونی سه‌رمایدا وه‌ستاوه‌. تاکه‌ چاره‌سه‌رێک بۆ ئه‌و قه‌یرانه‌ی ساببی تێکه‌تووه‌ ئه‌وه‌یه‌ که‌ ئانتۆنۆڤی ڕوسی ببێته‌ شه‌ریکه‌ به‌ش له‌و کارگه‌یه‌دا و یه‌که‌م هه‌نگاوی ئه‌و خاوه‌ندارێتییه‌ش به‌ کڕینی بینای کارگه‌کانی ترۆلهێتان ده‌ست پێ بکات.

 ئانتۆنۆڤ ئاماده‌یی خۆی نیشاند داوه‌ به‌ڵام بانکی سه‌رمایه‌گوزاری ئه‌ورووپی ده‌ڵێن گه‌ر وا کرا ده‌بێت ساب له‌ماوه‌ی 90 ڕۆژدا دوو ملیارد کرۆن قه‌رز بداته‌وه‌. وته‌بێژی ئانتۆنۆڤ ده‌ڵێت به‌و باره‌ ئابوورییه‌ ناهه‌مواره‌ی سابی تێدایه‌ ئه‌م کاره‌ مه‌حاڵه‌. سڤێن ئۆکێ باریلیێ به‌ڕێوه‌به‌ری کارامه‌ییش له‌ ساب ده‌ڵێت گه‌ر بێت و زوبه‌زوویه‌ک بڕیار له‌سه‌ر چاره‌نوسی ساب نه‌درێت ئه‌وا ساب و فرۆشیاره‌ بچووکه‌کانی چیتر ناتوانن چاوه‌ڕێ بکه‌ن و ناچار ده‌بن بۆ ڕاگرتنی کارگه‌کانیان کارمه‌ندانیان که‌م بکه‌نه‌وه‌. 

مه‌رجێکی تری بانکی ئه‌ورووپی که‌ بۆته‌ ڕێگر له‌به‌رده‌م ڕێککه‌وتنه‌کانی سابب و گه‌وره‌بازرگان ئانتۆنۆڤ ئه‌وه‌یه‌ که‌ ده‌بێت شه‌ریکه‌ به‌شی ساب له‌‌ جێنرال موتورس ئه‌و ڕێککه‌وتنه‌ په‌سه‌ند بکات، که‌ تا ئێستا وه‌ڵامی ئه‌و داوایه‌یان نه‌داوه‌ته‌وه‌.

 هه‌رچی حوکوومه‌تی سویده‌ ئه‌و ڕێککه‌وتنه‌ بازرگانییه‌ی که‌ ئانتۆنۆڤی ڕووسی ده‌یه‌وێت له‌گه‌ڵ ساب ئه‌نجامی بدات واتا ببێته‌ شه‌ریکه‌ به‌شی ساب، په‌سه‌ند کردووه.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".