Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

یوهۆلت په‌یمانی خۆشگوزه‌رانی دا

بڵاو کرایه‌وه‌ måndag 2 maj 2011 kl 15.54

به‌ پێچه‌وانه‌ی سیاسه‌تی دژ به‌ په‌ڕاوێزی (utanföskap) که‌ به‌ره‌ی ڕاست په‌یڕه‌وه‌ی لێ ده‌که‌ن سیاسه‌تی (innanförskap) هێنانه‌ ناوه‌وه‌ یه‌کێک بوو له‌ په‌یامه‌ سه‌ره‌کییه‌کانی هۆکان یوهۆلتی سه‌رۆکی سۆسیالدیموکراته‌کان له‌ وتاری یه‌کی مایدا. یوهۆلت له‌ وتاره‌که‌یدا په‌یمانی سیاسه‌تێکی نوێی سۆسیالدیموکراتی دا که‌ سه‌رمایه‌گوزرای له‌سه‌ر سیستێمی خۆشگوزه‌رانی و گه‌شه‌پێدانی که‌رتی گشتی ده‌کات به‌تایبه‌ت بواری خزمه‌تگوزاری ته‌ندروستی له‌ ڕێی هاندانی لاوانه‌وه‌.

-         کێشه‌که‌ ئه‌وه‌یه‌ که‌ لاوان خوێندنی‌ تایبه‌ت به‌ ته‌ندروستی و په‌رستیاری داوا ناکه‌ن و له‌حاڵی حازردا ته‌نها 4500 لاو داوای ئه‌و پسپۆرییه‌یان کردووه‌. ئه‌مه‌ یه‌کێک بوو له‌و نموونانه‌ی که‌ یوهۆلت بۆ هاندانی لاوان بۆ کارکردن له‌ بواری خزمه‌تگوزاری ته‌ندروستیدا ئاماژه‌ی پێ دا.

گه‌شه‌پێدانی بواری ته‌ندروستی به‌ هێنانه‌ کایه‌ی کاری زیاتر و خوێندن هه‌روه‌ها ڕێخۆشکردن بۆ به‌رزکردنه‌وه‌ی پله‌وپایه‌ی کار له‌و بواره‌دا، ئه‌مه‌ یه‌کێک بوو له‌ ته‌وه‌ره‌ سه‌ره‌کییه‌کانی وتاره‌که‌ی دوێنێی یوهۆلت له‌ یه‌کی مایدا و هه‌روه‌ها خاڵێکی گرنگه‌ له‌ پێشنیازی دارایی سۆسیالدیموکراته‌کان که‌ ئه‌مڕۆ خستیانه‌ به‌رده‌م په‌رله‌مان که‌ بودجه‌ی تایبه‌ت به‌ سۆسیالدیموکراته‌کانه‌ وه‌ک ئه‌لته‌رناتیڤێک به‌رامبه‌ر به‌ بودجه‌ی حوکوومه‌ت.

 یوهۆلت له‌ وتاره‌که‌یدا وتی ئێمه‌ باڵ ده‌ده‌ین به‌ لاوان تا بتوانن بفڕن.

لاوان گرنگییه‌کی تایبه‌تیان پێ ده‌درێت بۆ نموونه‌ به‌ زیادکردنی بواری کاری هاوینه‌ بۆیان و هه‌روه‌ها خوێنی هاوینه‌ له‌ زانکۆکاندا. مناڵانیش گروپێکی تری کۆمه‌ڵگه‌ن که‌ یوهولت په‌یمانی گرنگی پێدانی ڕاگه‌یاند ئه‌ویش به‌ زیادکردنی سه‌رچاوه‌ی زیاتر بۆ بنکه‌کانی کاتی ئازاد ته‌رخان بکرێت و بوار بۆ هه‌موو مناڵێک به‌ یه‌کسانی بکرێته‌وه‌ تا له‌ فێرگه‌کانی فێربوونی مۆسیقادا به‌شدار بن.

فالون و بورلێنگێ بنکه‌ی وتاره‌کانی یه‌کی مای سۆسیادیموکراته‌کان یوهۆلت بوون که‌ له‌هه‌مانکاتدا هاوبیره‌کانی له‌ ستۆکهۆلم و شاره‌کانی تر په‌یامه‌کانی سۆسیالدیموکراتی نوێیان ده‌گه‌یاند. وته‌بێژی پرسی ئابووری تۆمی ڤایدیلیچ له‌ گۆڕه‌پانی (norra bantorget) له‌ ستۆکهۆلم وتاری خۆی پێشکه‌ش کرد.

-         ئه‌و سیاسه‌تی پێکه‌وه‌ گونجاندنه‌ی (matchning) که‌ له‌ بازاڕی کاردا په‌یڕه‌ویی لێ ده‌کرێت شکستی هێناوه‌ هۆکاره‌که‌شی ئه‌وه‌یه‌ که‌ جێگاکانی خوێندن له‌ فێرگاکانی تایبه‌ت به‌ گه‌وره‌ساڵان و خوێندنی پیشه‌یی  یه‌کجار که‌م کراوته‌وه‌.

ڕه‌خنه‌که‌ی ڤایدێلێج ئاڕاسته‌ی سیاسه‌تی بازاڕی کاری حوکوومه‌ته‌ که‌ به‌و پێیه‌ که‌سی گونجاو له‌ شوێنی کاری گونجاودا دابنرێت و که‌ به‌ڕای ڤایدێلیچ سه‌رکه‌وتوو نه‌بووه‌. پرسێکی تر که‌ ڤایدێلیچ له‌ وتاره‌که‌یدا تیشکی خسته‌ سه‌ر پرسی باج بوو که‌ ئیتر باج له‌وه‌ زیاتر که‌م ناکرێته‌وه‌ و گرنگییه‌کی تایبه‌تیش به‌ پرسی ژێرخانی ده‌وڵه‌ت و گه‌شه‌پێدانی بۆ نموونه‌ هێڵه‌کانی هاتووچۆی ژێرزه‌مین (tunnelbana) له‌ ستۆکهۆلم و هێڵه‌ ئاسنینه‌کانی ده‌ره‌وه‌ی شار و لادێکان.

ڤایدێلیچ هاوڕای هۆکان یوهۆلدت پرسی لاوانی بێکاری به‌هه‌ند گرت و ته‌رخانکردنی خوێندن به‌ تایبه‌ت ئاسانکاری بۆ مافی خوێندنی هاوینه‌ له‌ زانکۆکاندا و په‌یمانی 30 هه‌زار جێگای خوێندی هاوینه‌ و کاری هاوینه‌ی ڕاگه‌یاند.

-         ئه‌م کاره‌ چه‌ند سه‌د ملیۆنه‌ کرۆنێکی ده‌وێت به‌ڵام له‌ جێی خۆیدایه‌ و له‌ داهاتوودا خێر ده‌داته‌وه‌. سه‌رمایه‌گوزاری له‌سه‌ر خوێندنی لاوان به‌ڕای ڤایدێلیچ رێی هاتنه‌ بازاڕی کاریان خۆشتر ده‌کات.

دیسانه‌وه‌ بۆ بڵندگۆکه‌ی هۆکان یوهۆلتی سه‌رۆکی سۆسیالدیموکراته‌کان که‌ جگه‌ له‌ پرسی لاوان په‌یمانی یه‌کسانی و عه‌داله‌تی له‌ بواری بیمه‌ی نه‌خۆشی وبێکاریدا ڕاگه‌یاند و به‌ره‌وڕووبونه‌وه‌ و به‌رگرتن له‌ هه‌ژاری مناڵان واته‌ ئه‌و مناڵانه‌ی که‌ له‌ خێزانی که‌م ده‌رامه‌تدا په‌روه‌رده‌ ده‌بن خاڵێکی تری گرنگی وتاره‌که‌ی یوهولت بوو. که‌ به‌ڕای هه‌ندێک له‌ شاره‌زایانی سیاسی ئه‌م وتاره‌ی یوهولت په‌یامێکی نوێ و ڕوونی زیاتر له‌وه‌ تێدا نه‌بوو که‌ له‌ وتاره‌که‌ی کاتی هه‌ڵبژاردنیدا له‌ کۆنگره‌ی پارته‌که‌یدا ڕایگه‌یاند که‌ سه‌رمایه‌گوزاریی له‌سه‌ر بواری که‌رتی گشتی.

هه‌ر له‌ ڕیوڕه‌سمی یادکردنه‌وه‌ی ڕۆژی کرێکاراندا یه‌کی مای که‌ یه‌که‌م وتاری هۆکان یوهۆلدت بوو له‌م یاده‌دا پارتی چه‌پیش وه‌ک باو وتاری خۆیان پێشکه‌ کرد، لارش ئۆلی سه‌رۆکی پارتی چه‌پ له‌ وتاره‌که‌یدا له‌ شاری یۆتۆبۆری یه‌کێک له‌و خاڵانه‌ی که‌ جه‌ختی لێ کرده‌وه‌ نه‌هێشتنی قۆناغی سێیه‌م (fas 3) یه‌ له‌ سیاسه‌تی گه‌ره‌نتی کارو گه‌شه‌پێدان (jobb och utvecklingsgaranti)  بۆ بێکاران که‌ سۆسیالدیموکراته‌کانیش جه‌ختیان لێ کردۆته‌وه‌. ئۆلی وتی ده‌بێت بوار کار بۆ ئه‌وه‌ که‌سانه‌ له‌ فاس ترێدان بکرێته‌وه‌ به‌ تایبه‌ت له‌ کۆمۆن و پارێزگا و ڕێکخراوه‌ سه‌ربه‌خۆکاندا به‌ڵام به‌مه‌رجی دووساڵ به‌رده‌وامی و به‌ په‌یڕه‌وی کردنی مه‌رجه‌کانی په‌یماننامه‌ی هاوبه‌شی تایبه‌ت به‌ دامه‌زراندن. (kollektivuavtal).

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".