Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

حوکمی دادگا دژ به‌ تاوانی ڕووتبازی مناڵان ڕاگه‌یه‌نرا

بڵاو کرایه‌وه‌ tisdag 18 oktober 2011 kl 11.17

ساڵێک زیندانی بۆ پیاوه‌ چلوسێ ساڵانه‌که‌ و بیستوسێ ژنه‌که‌ش به‌ حوکمی مه‌رجدار (villkorligdom) و (böter) تاوانه‌ حوکم دران. ئه‌مه‌ حوکمی دادگای فالو بوو له‌سه‌ر یه‌کێک له‌ ناوازه‌ترین و سه‌رنجڕاکێشترین تاوانی ڕووتبازی منداڵان (Barnpornografi) له‌سه‌ر ئاستی سوید و جیهاندا. ئه‌م حوکمه‌ ئه‌مڕۆ سه‌عات یانزه ڕاگه‌یه‌نرا و لارش ئێریک بارگستریۆم سه‌رۆکی داداگای فالو ده‌ڵێت راسته‌ پیاوه‌که‌ تاوانباری یه‌که‌مه‌ به‌ڵام ژنه‌کانیش به‌رپرسێتی وه‌رگرتن و بڵاوکردنه‌وه‌ی وێنه‌ و فیلمه‌ ڕووتبازییه‌کانیان ده‌که‌وێته‌ ئه‌ستۆ.

 -  پیاوه‌که‌ وێنه‌ی ڕووتی له‌ ڕێی ئینته‌رنێته‌وه‌ بۆ بیستوسێ ژنه‌که‌ ناردووه‌ و ئه‌وانیش هه‌رکه‌سه‌ ئه‌و وێنانه‌ی لایه‌ که‌ بۆی نێردراوه‌، به‌ڵام جیاوازییه‌که‌ له‌نێوان ئه‌و دوو لایه‌نه‌ تاوانباره‌دا واته‌ پیاوه‌که‌ و ژنه‌کان له‌ ژماره‌ی وێنه‌ و بڵاوکردنه‌وه‌که‌دایه‌. سه‌ره‌ک دادگا لارش ئێریک باریستریۆم ده‌ڵێت ئاخر له‌م پێوه‌نده‌دا منداڵان نه‌ جارێک سوکایه‌تییان پێکراوه‌ به‌ڵکه‌ چه‌ند جارێک له‌ ڕێی بڵاوکردنه‌وه‌ی وێنه‌کانه‌وه‌ دووباره‌ بۆته‌وه‌.

 له‌ هه‌ڵسه‌نگاندنه‌کانی دادگادا هاتووه‌ که‌ هه‌رچه‌نده‌ ئه‌و ژنانه‌ به‌رپرسن له‌و کاره‌ی کردوویانه‌ به‌ڵام هیچ کامیان له‌ باری ده‌روونی ئاساییدا نه‌بوون و پیاوه‌که‌ بۆ ئه‌و کاره‌ ئیستغلالی کردوون. به‌ڵام به‌شداری بیستوسێ ژن له‌ تاوانێکی له‌و جۆره‌دا له‌ئاستی جیهاندا ناوازه‌یه‌ و ڕووداوه‌که‌ دادگا و په‌یوه‌نده‌ یاساییه‌کانیشی سه‌رسوڕماو کردووه‌. لێکۆڵه‌وه‌ر و شاره‌زای بواری تاوانی ڕووتبازی منداڵان  ماریا ئێنێمان له‌ زانکۆی یۆتۆبۆرییه‌وه‌ ده‌ڵێت تاوانی له‌م جۆره هه‌بووه‌ به‌ڵام هه‌رگیز به‌و ژماره‌ زۆره‌ ژن تێیدا به‌شدار نه‌بوون. ئه‌مه‌یه‌ که‌ ڕووداوه‌که‌ی له‌ئاستی جیهاندا وروژاندووه‌.

پیاوه‌ چلوسێ ساڵانه‌که‌ خه‌ڵکی بورلێنگێیه‌ و نزیکه‌ی هه‌زار وێنه‌ و چل فیلمی ڕووتبازی منداڵان له‌ کۆمپیوته‌ره‌که‌یدا دۆزراوه‌ته‌وه‌.ژنه‌کانیش له‌چه‌ندین شوێنی جیاوازی سوید ده‌ژین و خۆیان خاوه‌ن منداڵان و به‌ته‌مه‌نترینیان 70 ساڵ و به‌پێی دادگا ئه‌و پیاوه‌‌ له‌ ڕێی ئینته‌رنێته‌وه‌ په‌یوه‌نده‌ی له‌گه‌ڵ بیستوژنه‌که‌دا گرتووه‌ که‌ هه‌ر له‌و ڕێیه‌وه‌ ده‌رباره‌ی ده‌ستدرێژی جنسی و سێکسی توندوتیژ چاتیان کردووه‌. ئه‌وکاته‌شی که‌ ژنه‌کان حه‌ز و ڕه‌زامه‌ندییان نیشانداوه‌ ئینجا که‌وتوونه‌ته‌ گۆڕینه‌وه‌ و بڵاوکردنه‌وه‌ی وێنه‌ی ڕووتبازی منداڵان.

 له‌ ڕێسای تایبه‌ت به‌و تاوانه‌ سه‌دوپانزه‌ له‌و وێنانه ‌و سی وحه‌وت له‌ فیلمه‌کان ده‌چنه‌ خانه‌ی‌ کاری بێویژدانانه‌وه‌. هه‌رچه‌نده‌ ژنه‌کان سه‌ره‌تا نکوڵییان له‌ به‌شدارییان له‌و تاوانه‌ ده‌کرد به‌ڵام بێهووده‌ ئاخر ئێمه‌ هه‌موو گفتوگۆ ، چاته‌ ئینته‌رنێتییه‌کان که‌ له‌نێوان پیاوه‌که‌ و ئه‌واندا ئه‌نجامدراوه‌ له‌به‌رده‌ستدایه‌ که‌واته‌ ژنه‌کان بواری بواری نکوڵیکردنیان بۆ نه‌مایه‌وه‌  نیکلاس ئێلتێنیوس له‌ دادگاوه‌ ده‌ڵێت.

به‌پێی  پۆلیسی ئینته‌رپۆل ته‌نها یه‌ک له‌سه‌دی ئه‌و که‌سانه‌ی که‌ له‌ تاوانی ڕووتبازی منداڵانه‌وه‌ گلاون له‌ ژنان هه‌ربۆیه‌ ئه‌م دادگاییه‌ی ئه‌مڕۆ ناوه‌زه‌یه‌ و له‌ ئاستی نێونه‌ته‌وه‌ییدا گرنگی پێدرا. به‌گشتیش ژنان له‌ کاتی ئه‌نجامدانی تاوانا حوکمی سوکتر ده‌درێن به‌ڵام له‌م حاڵه‌ته‌دا که‌ بیستوسێ ژن که‌ خۆشیان خاوه‌ن منداڵان به‌شدار بوون به‌ڕای نیکلاس ئێلتێنیوس نه‌ک هه‌ر ڕووداوێکی بێ وێنه‌یه‌ به‌ڵکه‌ وێنه‌ی ژنان و توانای تاوانکاریشیان له‌ به‌رچاومان ده‌گۆرێت.  

جێی باسه‌ ئه‌وه‌ی که‌ ئه‌مه‌ کاری به‌رده‌وامی ئه‌و پیاوه‌ چلوسێ ساڵانه‌یه‌ بووه‌ له‌ماوه‌ی شه‌ش بۆ حه‌وت ساڵدا و ئه‌و وێنه‌و فیلمانه‌ش که‌ ده‌ستیان به‌سه‌راگیراوه‌ و ده‌چنه‌ خانه‌ی بێویژدانی و توندوتیژییه‌وه تاوانه‌که‌ش له‌لایه‌ن دادوه‌ری گشتییه‌وه‌ به‌ تاوانی گه‌وره‌ حسابی بۆ کراوه‌. ئه‌مه‌ش له‌ یاسادا مانای ئه‌وه‌یه‌ که‌ سزاکه‌ی له‌ نێوان شه‌ش مانگ بۆ شه‌ش ساڵ زیندانییه‌‌. به‌ڵام حوکمی ئه‌مڕۆ به‌ ساڵێک زیندانی بۆ پیاوه‌که‌ و بۆ بیستوسێ ژنه‌که‌ش داوای حوکمی مه‌رجدار (villkorligdom) و تاوانه‌ (böter) کۆتایی هات.

به‌بیردێنمه‌وه‌ که‌ له‌ کۆتایی مانگی مای ئه‌مساڵدابوو که‌ بڕیاری داداگایی کردنی تاوانباران  ده‌رچوو به‌دواداچوونه‌کانی دادگاش تا حوکمی ئه‌مڕۆ له‌ 12 مانگی ڕابوردووه‌وه‌ ده‌ستی پێکردووه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".