Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

فێرخوازانی ناوچه‌ چڕبیانییه‌کان ناگه‌نه‌ قۆناغی ئاماده‌یی

بڵاو کرایه‌وه‌ onsdag 19 oktober 2011 kl 10.58

ژماره‌ی ئه‌و لاوانه‌ی له‌ قۆناغی خوێندنی ناوه‌ندییه‌وه‌ واتا پۆلی نۆ واز له‌ خوێندن ده‌هێنن تا دێت زیاد ده‌کات. ئه‌م کێشه‌یه‌ له‌ ماوه‌ی ده‌ساڵی دواییدا به‌رفراوانتر بووه‌ و زیاتر له‌و ناوچانه‌دا به‌ربڵاوه‌ که‌ چڕبیانین. (hjulstaskolan) یه‌کێک له‌و فێرگایانه‌یه‌ که‌ ته‌نها چوار له‌ ده‌ی فێرخوازه‌کانی له‌ پۆلی نۆ ده‌رده‌چن و ده‌گه‌نه‌ قۆناغێ ئاماده‌یی.

-  ئه‌مه‌ یه‌کێک له‌ خراپترین فێرگاکان، ئێمه‌ لێره‌ هیچ فێرنابین، نه‌خێر هه‌موو ساڵێک مامۆستا ده‌گۆڕن، فێرخوازانیش خۆ له‌ خوێندن و ده‌وام ده‌دزنه‌وه‌.

ده‌نگی ناڕه‌زایی و بێزاریی فێرخوازانی پۆلی نۆ له‌ یولستاسکولان بوو، ئه‌و فێرگایه‌ ده‌ساڵ له‌مه‌وبه‌ر له‌سه‌دا 66 یان به‌ به‌ڵگه‌ی به‌رزه‌وه‌ ده‌چوونه‌ تاقیکردنه‌وه‌ گشتییه‌کانه‌وه‌، (nationella program) ئێتسا ته‌نها له‌سه‌دا چلوسێیان ده‌گه‌نه‌ ئه‌و ئاسته‌ و خۆیان نائومێدانه‌ له‌ داهاتوویان باس له‌ به‌ڵگه‌ نزمه‌کانیان ده‌که‌ن.

ئه‌مه‌ به‌ته‌نها حاڵی فێرخوازانی یولساتاسکولان نییه‌، هاوشێوه‌یان له‌ فێرگای روسه‌نگۆردسکولان له‌ شاری مالمێۆ و هاممارکولێسکولان له‌ شاری یۆتۆتبۆریش هه‌ن، ئه‌و ناوانه‌ یولستا، روسه‌نگۆرد، هاممارکوللێ، خۆیان هاوار ده‌که‌ن و بیری بێکاری، هه‌ژاری و چڕبیانێتیمان ده‌خه‌نه‌وه‌. هه‌مووشیان له‌ماوه‌ی ده‌ ساڵدا له‌سه‌دا 10 بۆ بیست ژماره‌ی فێرخوازانی ده‌رچوو بۆ قۆناغی ئاماده‌یی که‌م بۆته‌وه‌. ئه‌م ژماره‌ و ڕێژه‌ سه‌دییانه‌ تا ڕاده‌ییه‌ک چه‌واشه‌کارانه‌یه‌، ئاخر هه‌ولومه‌رجی خوێندن و فێرخوازان تێیدا به‌راورد به‌ فێرگاکانی تری سوید تایبه‌تمه‌ندی هه‌یه‌، ئه‌و تایبه‌تمه‌ندیانه‌ش ئوربان ئۆستریۆم یاریده‌ده‌ری به‌ڕێوه‌به‌ر له‌ یولستاسکۆلان ڕوونیان ده‌کاته‌وه‌.

-   ئێمه‌ ژماره‌یه‌کی زۆر له‌ په‌نابه‌رانی تازه‌هاتووه‌ سوید وه‌ر ده‌گرین، ساڵی پار نزیکه‌ی له‌سه‌دا سیوپێنجی فێرخوازانی پۆلی نۆمان له‌و تازه‌ هاتووانه‌ بوون که‌ که‌متر له‌ دووساڵ له‌ سویدا ژیاوون، هه‌ڵبه‌ته‌ ئه‌مه‌ش ئۆستریۆم ده‌لێت وا ده‌کات که‌ ناتوانن وه‌ک فێرخوازاێکی له‌دایکبووی سوید له‌ هه‌موو وانه‌کانا ده‌ربچن.

به‌ڵام لایه‌کی تری کێشه‌ی ده‌رنه‌چوونی فێرخوازانی پۆلی نۆ ده‌گه‌ڕێته‌وه‌ بۆ باوه‌ڕنه‌بوونی فێرخوازان به‌ هێز و تواناکانی خۆیان، به‌ڕای هه‌ندێک له‌و فێرخوازانه‌ی به‌ به‌ڵگه‌ی به‌رزه‌وه‌ له‌ یولستاسکولان ده‌خوێنن.

هاوڕای ئه‌م فێرخوازانه‌ یاریده‌ده‌ری به‌ڕێوه‌به‌ری یولستاسکولان ئوربان ئۆستریۆمه‌، ده‌ڵێت ئیتر یه‌کێک له‌ ئه‌رکه‌ گرنگه‌کانی ئێمه‌ ئه‌وه‌یه‌ که‌ باوه‌ڕبه‌خۆبوونی ئه‌م فێرخوازانه‌ به‌رزبکه‌ینه‌وه‌.

هاندانی باوه‌ڕبه‌خۆبوونی فێرخوازان تاکه‌ چاره‌سه‌رنییه‌ تا ژماره‌ی فێرخوازه‌ سه‌رکه‌وتووه‌کانی پۆلی نۆ له‌ ناوچه‌ په‌ڕاوێزه‌کانی وه‌ک یولستا، روسه‌نگۆرد و هاممارکوللێ چاره‌سه‌ر بکرێت، ده‌بێت بودجه‌ و دارایی باشتری  بۆ ته‌رخان بکرێت، به‌رای یان ڤالێسکوگی سۆسیالدیموکرات له‌ نوێنه‌رایه‌تی کاروباری فێرگاکانی ستۆکهۆلمه‌وه‌.

له‌ مۆدێراته‌کانه‌وه‌ یوهانا خیۆ هه‌ر له‌ نوێنه‌رایه‌تی کاروباری خوێندنه‌وه‌ ده‌ڵێت شاره‌وانی ستۆکهۆلم بڕیاری زیادکردنی بودجه‌ی ئه‌و ناوچانه‌ی داوه.

  ئه‌م په‌یمانه‌ی شاره‌وانی ستۆکهۆلم و مۆدێرات، یان ڤالیسکۆگی سۆسیالدیموکرات ڕازی ناکات و ده‌ڵێت زیادکردنی بودجه‌ به‌ له‌سه‌دا دوو هیچ له‌ حاڵی ئه‌و فێرگایانه‌‌ ناگۆڕێت ئه‌گه‌ر ئه‌وه‌ له‌به‌رچاو بگرین که‌ فێرگاکان ده‌بێت ئه‌و بودجه‌یه‌ بۆ نموونه‌ بۆ به‌رزکردنه‌وه‌ی کارامه‌یی مامۆستاکان و موچه‌کانیان به‌کاربهێنن.

کێشه‌که‌ هه‌ر له‌ بودجه‌ و بێباوه‌ڕی فێرخوازان خۆیانا نه‌وه‌ستاوه‌ ، تێکه‌ڵکردنی فێرخوازان له‌ یه‌ک پۆلا ، که‌سێک که‌ لێره‌ له‌دایک بووه‌، یه‌کێکی تر که‌ ماوه‌یه‌کی که‌مه‌ له‌ سوید ده‌ژی و سویدی ئاسته‌نگێکی گه‌وره‌ن له‌به‌رده‌م پرۆسه‌ی فێربووندا.

ده‌نگی فێرخوازانی پۆلی نۆ له‌ یولستاسکولان که‌ وه‌ک هاوشێوه‌کانیان له‌ ناوچه‌ په‌ڕاوێزه‌ چڕبیانییه‌کانی وه‌ک روسه‌نگۆردی مالمیۆ و  و هامارکولێ ی یۆتۆبۆری کێشه‌ی نزمی ئاستی به‌ڵگه‌یان هه‌یه‌ و ژماره‌یه‌کی زۆریان له‌ وانه‌ سه‌ره‌کییه‌کاندا ده‌رناچن و ناگه‌نه‌ ئاستی قۆناغی ئاماده‌یی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".