Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بڵاووکردنه‌وه‌ی زانیاری له‌سه‌ر په‌روه‌نده‌ی په‌ناخوازان له‌ ئینتێرنێت

بڵاو کرایه‌وه‌ måndag 31 oktober 2011 kl 13.30
Foto:SR International

سه‌دان که‌سی په‌ناخواز که‌ سوێد مافی مانه‌وه‌ی پێداون، حوکمه‌کانیان له‌ سایتێکی دژه‌بیانیدا بڵاو کراونه‌ته‌وه‌. زانیارییه‌کان حه‌ساسن و هێشتا دیار نییه‌ که‌ ئایا ئه‌م سایته‌ له‌ یاسا لای داوه‌ یان نه‌. به‌ڵام عه‌لی که‌ خه‌ڵکی سۆمالیایه‌ ئیستا له‌ لایه‌ن هاووڵاتییه‌کی خۆیه‌وه‌ که‌ حوکمه‌که‌ی خوێندوه‌ته‌وه‌ هه‌ڕه‌شه‌ی لێ ده‌کرێت و ده‌ڵێت ده‌بێت عه‌لی بگه‌ڕیته‌وه‌ بۆ سۆمال ئه‌گینا ئه‌گه‌ر نه‌گه‌ڕێته‌وه‌ ئه‌یکوژێت.

سایتی میگیلیکس ئه‌و حوکمانه‌ی ده‌زگای کۆچ بڵاو ده‌کاته‌وه‌ که‌ تیایدا، مافی مانه‌وه‌یان به‌ په‌ناخوازن داوه‌. به‌رپرسی سایته‌که‌ هه‌نریک ئاگه‌رهه‌لی سویدیه‌ دیموکراته‌کانه‌، ئه‌و نایه‌وێت به‌ ته‌له‌فون له‌گه‌ڵمان بدوێت به‌ڵام بۆ رادیۆی نێونه‌ته‌وه‌یی سوید ده‌نوسێت، مه‌به‌ست له‌ بڵاو کردنه‌وه‌ی ئه‌م حوکمانه‌وه‌ تێگه‌یشتنی خه‌لکییه‌ به‌رامبه‌ر به‌ حوکمه‌کانی ده‌زگای کۆچ و هه‌ڵسه‌نگاندی به‌لگه‌کان.

ئه‌گرچی ئه‌م په‌روه‌ندانه‌ ئاشکران و هه‌موو که‌س مافی خوێندنه‌وه‌یانی هه‌یه‌، به‌ڵام پرسه‌که‌ لێره‌دا ئه‌وه‌یه‌ که‌ ئایا بڵاوکردنه‌وه‌ی په‌روه‌نده‌کان به‌ دژی یاسای پاراستنی زانیاریی که‌سییه‌‌ یان نا. داتا ئینسپه‌کخونه‌ن، ده‌زگای پشکێنه‌ری زانیاریی تۆمارکراو هێشتا هیچ هه‌ڵوێستێکی له‌م باره‌یه‌وه‌ نه‌گرتووه‌. یوناس ئانگڤال یاسازانی ئه‌م ده‌زگه‌یه‌ ده‌ڵێت ئه‌مه‌ دیارده‌یه‌کی نوێیه ‌و ده‌بێت بیر له‌ ڕێساکانی تایبه‌ت به‌ پاراستنی زانیاریی که‌سی بکه‌ین. ده‌بێت بزانین مه‌به‌ست له‌م بڵاوکردنه‌وه‌یه‌ چییه‌، ئایا ته‌نها سوکایه‌تی کردنه‌ یان ڕۆژنامه‌وانییه‌، به‌ پێی ئه‌وه‌ هه‌ڵوێستی خۆمان ده‌گرین.

ئه‌گه‌ر بێت و داتائینسپه‌کخونه‌ن،  ده‌زگای پشکێنه‌ری زانیاریی تۆمارکراو به‌وه‌ بگات که‌ مه‌به‌ست له‌م بڵاوکردنه‌وانه‌ ته‌نها کارێکی ڕۆژنامه‌وانی بووه‌ ئه‌وا ده‌کرێت زانیاری حه‌ساس که‌ سوکایه‌تیش ده‌کات بڵاو بکرێته‌وه‌. میگراخونسڤه‌رکه‌ت، ده‌زگای کۆچیش هیچێکی پێ ناکرێت چوونکه‌ ئه‌م په‌روه‌ندانه‌ ئاشکران و هه‌موو که‌س ده‌توانێت بیانخوێنێته‌وه‌. پێتێر ئێنانده‌ر سه‌رۆکدادوه‌ری ده‌زگای کۆچی ستۆکهۆڵمه‌ و ده‌ڵێت هیچ بۆچوونێکم له‌ سه‌ر ئه‌و حوکمانه‌ نییه‌ که‌ بڵاو کراونه‌ته‌وه‌ و که‌ چه‌نده کاریگه‌رن له‌ سه‌ر کاره‌کانی ڕۆژانه‌مان.

چه‌ند هه‌فته‌ له‌مه‌و پێش ئۆتۆمبێله‌که‌ی عه‌لی دیار نه‌ما، دوایا پیاوه‌که‌ ته‌له‌فونی کردوو و وتی ئه‌و بردویه‌تی. ئه‌و هه‌ڕه‌شه‌ی له‌ عه‌لی کرد و وتی بۆ به‌ ده‌زگای کۆچی سویدت وتووه‌ که‌ گروپی تیرۆریستی ئه‌ل شه‌باب هه‌ڕه‌شه‌یان لێ کردووی‌، دوایاش وتی گه‌ر سوید به‌ جێ نه‌هێڵیت ئه‌وه‌ی پێم خۆش بێت ئه‌یکه‌م، یانی ئه‌تکوژم. عه‌لی هه‌وروه‌ها په‌یوه‌ندی ته‌له‌فۆنی دیکه‌ی بۆ هاتووه‌. جارێک پیاوێکی سویدی ته‌له‌فۆنی بۆ کرد و پێی وت پێستڕه‌شی نه‌‌عله‌تی بگه‌ڕیوه‌ بۆ وڵاتی خۆت، لێره‌ چی ئه‌که‌یت.

 هه‌ر که‌سێک که‌ هه‌ڕه‌شه‌ی لێ بکرێت ده‌بێت شیکایه‌تی پۆلیس بکات، ئه‌گه‌رچی بێت و ده‌رکه‌وێت که‌ سایته‌که‌ یاساییه‌، ئه‌مه‌ بۆچوونی  یوناس ئانگڤاله‌ له‌ داتائینسپه‌کخونه‌ن.

به‌ڵام عه‌لی و هاوسه‌ره‌که‌ی که‌ دوو گیانه‌ زۆر ده‌ترسن، عه‌لی ده‌ڵێت ئه‌مه‌ کێشه‌مان زۆر بۆ ده‌نێته‌وه‌، ناتوانین لێره‌ بمێنینه‌وه‌، ده‌بێت بڕۆینه‌ وڵاتێکی دیکه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".