Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بیمه‌ی نه‌خۆشی مافی هه‌موو چینێکه‌

بڵاو کرایه‌وه‌ fredag 4 november 2011 kl 11.24

له‌ لێکۆڵینه‌وه‌یه‌کی به‌رفراواندا سه‌باره‌ت به‌ مافی بیمه‌ی نه‌خۆشی داوای گۆڕینی ئه‌و ڕێسایانه‌ کراوه‌ که‌ له‌ ساڵی 2008 دا هاتنه‌ کایه‌، به‌و پێیه‌ ئه‌و که‌سانه‌ی که‌ پیشتر کاریان نه‌کردووه‌ و نه‌خۆش ده‌که‌ون مافی بیمه‌ی بێکارییان نییه‌، له‌بری ئه‌وه‌ کۆمه‌کی کۆمه‌ڵایه‌تی (socialbidrag) وه‌رده‌گرن. ئه‌مه‌ زه‌ره‌ری له‌ چینه‌ لاوازه‌کانی کۆمه‌ڵگه‌ داوه‌ بۆیه‌ ده‌بێت بیمه‌ی نه‌خۆشی وه‌ک بیمه‌کانی تری  بێکاری و دایکوباوکایه‌تی هه‌موو که‌سێک بگرێته‌وه‌.

-  ‌ئه‌و که‌سانه هیچ بیمه‌یه‌ک نایانگرێته‌وه‌، ته‌نها ڕێگه‌یه‌ک که‌ بۆیان ماوه‌ته‌وه‌ کۆمه‌کی کۆمه‌ڵایه‌تییه‌ که‌ پێشتر پێی ده‌وترا سۆسیالبیدراگ، ئایرێنێ ڤێنێمۆ سکرتێری گشتی ئه‌و لێکۆڵینه‌وه‌یه‌یه‌ که‌ له‌سه‌ر ئه‌رکی حوکوومه‌ت به‌ڕێوه‌ ده‌چێت و  ئه‌ندامانی هه‌موو پارته‌کانی په‌رله‌مان تێدا به‌شدارن. ئامانج له‌م لێکۆڵینه‌وه‌یه‌ چاوپێداخشاندنه‌وه‌ی ئه‌و بڕیارو ڕێسایانه‌یه‌ که‌ تایبه‌تن به‌ مافی بیمه‌ی نه‌خۆشی (sjukförsäkring).

ئاخر له‌ ساڵی 2008 دا هه‌ندێک بڕیاری نوێ ده‌رچوون که‌ به‌و پێیه‌ ئه‌و که‌سانه‌ی که‌ پیشتر کاریان نه‌کردووه‌، یاخود به‌هۆکاری تر موچه‌یه‌کیان نه‌بووه‌ کاتێک نه‌خۆش ده‌که‌ون بۆیان نییه‌ بیمه‌ی نه‌خۆشی وه‌ربگرن، له‌بری ئه‌وه‌ کۆمه‌کی کۆمه‌ڵایه‌تی (socialbidrag) وه‌رده‌گرن. ئه‌مه‌ زه‌ره‌ری له‌ چینه‌ لاوازه‌کانی کۆمه‌ڵگه‌ داوه‌ بۆیه‌ ده‌بێت بیمه‌ی نه‌خۆشی وه‌ک بیمه‌کانی تری  بێکاری و دایکوباوکایه‌تی هه‌موو که‌سێک بگرێته‌وه‌.

 -  به‌ڵێ من پێموایه‌ که‌ ئه‌وه ‌هه‌نگاوێکی پێویسته‌ و ده‌بێت له‌ بواری بیمه‌ی نه‌خۆشیشدا ئه‌و مافه‌ بنه‌ڕه‌تییانه‌ دیاری بکرێن، ڤێنێمۆ ده‌ڵێت له‌سه‌ر ئه‌م خاڵه‌ هه‌موو پارته‌ سیاسییه‌کان ڕای خۆیان ده‌ربڕێوه‌، یاریده‌ده‌ری به‌ڕێوه‌به‌ر له‌ لیژنه‌ی بیمه‌ی کۆمه‌ڵایه‌تی سه‌ر به‌ په‌رله‌مان گوننار ئاکسێنی مۆدێرات ده‌ڵێت به‌ هیواین گۆڕانکاری له‌م بواره‌دا بکرێت.

 -   من باش له‌وه‌ تێده‌گه‌م که‌ ڕێساویاساکان لێکدانه‌وه‌یان ئاڵۆزه‌ بۆیه‌ به‌و هیوایه‌ین که‌ ئه‌م لێکۆڵینه‌وه‌یه‌ به‌ڕاستی بتوانێت بمانگه‌یه‌نێته‌ ده‌رئه‌نجامێکی باش به‌ شێوه‌یه‌ک که‌ ئیتر ڕێساکان وا دابڕێژرێن لێتێگه‌شتنیان ئاسان بێت و حساببۆکردنیشیان پێشبینی بۆ کراو بێت بۆ ئه‌و که‌سانه‌ی که‌ ڕێساکه‌ ده‌یانگرێته‌وه‌.

ئه‌و ڕێسا ئاڵۆزانه‌یه‌ که‌ واده‌کات خه‌ڵکانێکی زۆر له‌ مافی بیمه‌ی نه‌خۆشی بێبه‌ش ده‌بن. (nollklassad) به‌ سویدی واتا هیچ مافێکی بیمه‌ی نه‌خۆشیان بۆ نییه‌. یه‌ک له‌و که‌سانه‌ لینێیه‌ هاکڤیسته‌ له‌ شاری یۆتۆبۆرییه‌وه‌، کاتێک هاکڤیست به‌هۆی کاره‌که‌یه‌وه‌ له‌ کۆمپانیایه‌کی گواستنه‌وه‌ شانه‌کانی توشی ئازار دێن  کاره‌که‌ی له‌ده‌ست ده‌دات، هاکڤیست له‌بری وه‌رگرتنی بیمه‌ی نه‌خۆشی حه‌واڵه‌ی کاردۆزگه‌ (Arbetsförmedlingen) کراوه‌ و کۆمه‌کی کۆمه‌ڵایه‌تی وه‌رده‌گرێت  تا ئیستا ئه‌و تێ ناگات بۆ له‌کاتێکدا ئه‌و به‌دوای کاردا ناگه‌ڕێت به‌ڵکه‌ به‌هۆی کاره‌که‌یه‌وه‌ نه‌خۆش که‌وتووه‌.

-  من بیستوهه‌شت ساڵم و ماوه‌یه‌کی زۆره‌ نه‌خۆشنوسکراوم، له‌ مانگی ئاگوستی ساڵی پاره‌وه‌ مافی بیمه‌ی نه‌خۆشیم نه‌ماوه‌.

ئه‌مه‌ بارودۆخێکی ناپه‌سه‌نده‌ و نابێت به‌و شێوه‌یه‌ به‌رده‌وام بێت، به‌ڕای گیونڤور ئێریکسۆن له‌ پارتی ژینگه‌وه‌ که‌ ئه‌ویش یه‌کێکه‌ له‌ ئه‌ندامانی لێکۆڵینه‌وه‌که‌.

 -  ئه‌م سیستێمه‌ نابه‌جێیه‌، ئێریکسۆنی ژینگه‌ ده‌ڵێت ئه‌م سیستێمی بیمه‌ی نه‌خۆشییه‌ی که‌ ئێستا هه‌مانه‌ خه‌ڵکی په‌ڕاوێز ده‌خات و گه‌ربێت و هه‌ڵه‌یه‌کی بچووک ڕوو بدات یان به‌سه‌رتا تێپه‌ڕێت ئه‌وا هه‌موو مافی بیمه‌ی نه‌خۆشییه‌کی لێ ده‌سه‌نرێته‌وه‌.  ئه‌م جۆره‌ سیستیێمه‌ له‌ سویدێکا که‌ به‌ وڵاتی خۆشگوزه‌رانی ناسراوه‌ نرخی هاووڵاتی که‌م ده‌کاته‌وه‌ و هه‌موو مافێکی بیمه‌یان لێ ده‌سێنێته‌وه‌.

گونڤور ئێریکسۆنی ژینگه‌ و پارته‌که‌ی هه‌روه‌ها پێشنیازی ئه‌وه‌یان کردووه که‌ بیمه‌ی نه‌خۆشی و بیمه‌ی بێکاری بدرێن له‌یه‌ک که‌ ئیتر وا ده‌کات هیچ که‌س  له‌نێوان ئه‌و دوو سیستێمه‌ جیاوازه‌دا مافی نه‌خورێت. ‌به‌پێی ئه‌و پێشنیازه‌ سه‌ره‌تاییانه‌شی که‌ تائێستا کراون . ئاستێکی بنه‌ڕه‌تیی بیمه‌ی نه‌خۆشی دیاری کراوه‌ که وه‌ک بیمه‌ی بێکارییه‌ واتا 229 کرۆن بۆ هه‌ر ڕۆژێک.

 هه‌موو ئه‌ندامانی لێکۆڵینه‌وه‌که ‌ له‌سه‌ر ئه‌وه‌ کۆکن که‌ ده‌بێت گۆڕانکاری له‌ ڕێساکانی بیمه‌ی نه‌خۆشییا بکرێت تا هه‌موو هاوڵاتییه‌ک بێ جیاوازی بگرێته‌وه‌ به‌ڵام تا ئێستا دیار نییه‌ که‌ دوا بڕیار له‌سه‌ر ئه‌و گۆڕانکارییانه‌ که‌ی ده‌درێت. له‌ مانگی مای 2013 دا ئه‌مه‌ پێشنیازی مۆدێرات گیونار ئاکسێنه‌، نه‌خێر باشتر وایه‌ له‌ کاتی دیاریکردنی وه‌رزی بودجه‌ی داهاتوودا بڕیاره‌که‌ بخرێته‌ کار به‌ ڕای گیونڤور ئێریکسۆنی ژینگه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".