Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

یاسا و ڕێساکانی سندووقی بیمە ئاسان دەکرێنەوە

بڵاو کرایه‌وه‌ torsdag 12 april 2012 kl 10.10
وێنە: تاهیر یۆسف / ڕادیۆی سوید

لەمەودوا لەو دایکوباوکانەی بۆنموونە دەیانەوێ پارەی یارمەتیی دایکوباوکێتی بۆ چاوەدێری لە منداڵی نەخۆشیان وەربگرن ئاسانتر دەبێتەوە. ئەمە تەنیا یەکێ لەم سی پێشنیازانەیە کە ئەم بەیانییە سندووقی بیمەی وڵات بۆ ئاسانکردنەوەی یاسا و ڕێساکانی بۆ داواکاریی یارمەتی و قەرەبوو، پێشکەشی کرد.

لەو پێشنیازانەی کراون یەکیان ئەوەیە کە ئیدی پێویست ناکا هەر لە ڕۆژی یەکەمی نەخۆشیی منداڵەوە بە سندووقی بیمە ڕابگەیەنرێ کە منداڵ نەخۆشە، ئەمەیان هەم بۆ قەرەبووی معاشی دایکوباوکە لەبەر لەماڵەوە مانەوە و چاوەدێری لە منداڵ (föräldrapenning)، هەمیش بۆ ئاگاداری لە منداڵ لەکاتی نەخۆشبوونیدا (Vab).

دایکوباوکان هەروەها پێویست ناکا بەڵگەنامەی نەخۆشبوونی منداڵەکەیان لە پێشفێرگە بنێرنە سندووقی بیمە، لە جیاتی کۆنترۆڵی کاربەدەستانی بیمە لەم بارەوە زیاتر دەبێت. هەروەها وەرگرتنی یارمەتییانەی خانوو (Bostadsbidrag) و ڕەوتی خۆبەنەخۆشنووسینیش ئاسانتر دەبێتەوە.

ئەم پێشنیازانەی سندووقی بیمە، گشت لەسەر داخوازی حوکوومەت ئامادە کراون. هەروەها ڕای گشتیی خەڵک و بۆچوونی مشتەرییەکانیش لەبەرچاو گیراون تا هەندێ لە یاساو ڕیساکاندا ئاسانکاری پێکبێت. ئێستا ئیدی ئەوە حوکوومەتە کە دەبێ بڕیار لەسەر پێشنیازەکانی سندووقی بیمە بدات تا بکەونە بواری جێبەجێکردنەوە.

شیاوی وەبیر هێنانەوەیە کە سندووقی بیمە، دەزگایەکی دەوڵەتییە و ئەرکە سەرەکییەکەی جێبەجێکردنی کاروباری بیمەی کۆمەڵایەتییە و نزیکەی پەنجا بواری خزمەتگوزاری دەگرێتە خۆی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".