Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
کەشوهەوا

پێشبێنیی بەفربارینی زۆر لە باکووری سوید

بڵاو کرایه‌وه‌ tisdag 4 november 2014 kl 13.24
wêne: TT

دەزگای کەشناسیی سوید لە سەر کەشوهەوای پارێزگەکانی یەمیتلەند، ڤێسترنۆرلەند و لێوارەکانی دەریایی ڤێستربۆتتن، وریایی پلە دووی دەرکرد. 

ئەم دەزگایە پێشبێنیی ئەوە دەکا کە لەم ناوچانە پتر لە ٣٠ سانتیمەتر بەفر دەبارێ، بایەکی توند هەڵیدەکا و ئەمە گرفتی گەورەی هاتوچۆ بەتایبەت بۆ ئوتومبتیلەکان بەدیدێنێ.

دەزگای کەشناسیی سوید ئەم وریاییەی ڕۆژی رابردوو دەرکردبوو کە بە مانای مەترسییە بۆ هاووڵاتیان.


وریایی پلەی یەک: هەندێ مەترسی بۆ گشت خەڵک و هەندێ بشێوی لە ژێرخانە دامەزراوەکانی کۆمەڵگا
وریایی پلەی دوو: مەترسی زۆر بۆ گشت خەڵک، زیانی گەورە و بشێویی بەرچاو لە گەلێ لە ژێرخانە گرنگەکانی کۆمەڵگا. لەم جۆرە وریاییەدا داوا لە خەڵک دەکرێ کە لە ڕێی ئینترنێت، ڕادیۆ و تلەڤزیۆنەوە لە زانیارییە بەڕۆژکراوەکان ئاگادار بن.
وریایی پلەی سێ: مەترسی یەکجارزۆر بۆ گشت خەڵک، زیانی گەلێ گەورە و بشێویی گەلێ جیددی لە ژێرخانە گرنگەکانی کۆمەڵگا. لەم جۆرە وریاییەشدا داوا لە خەڵک دەکرێ کە لە ڕێی ئینترنێت، ڕادیۆ و تلەڤزیۆنەوە لە زانیارییە بەڕۆژکراوەکانی دەزگای کەشناسیی سوید ئاگادار بن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".