Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

کۆمۆنەکان مەجبووردەکرێن منداڵی پەناخوازی بەتەنیاهاتوو وەربگرن

بڵاو کرایه‌وه‌ torsdag 6 november 2014 kl 10.40
wêne: Drago Prvulovic och Fredrik Sandberg

لەوانەیە ساڵی داهاتوو نزیکەی ٨٠٠٠ منداڵی پەناخوازی بەتەنیاهاتوو لە سوید داوای پەنابەری بکەن. ئەمەیان بە گوێرەی ئەو بەراوردکارییە نوێیەی دەزگای کۆچی سوید کردوویەتی. وێدەچێ زوربەی ئەو منداڵانەش لە وڵاتانی ئێریتێریا، سووریا، سومالیا و ئەفغانستانەوە بێن.

ڕێژەی ئەم منداڵانە تەنیا لە ماوەی ساڵێکدا دووهێندە بوون: لە ٣٨٠٠ کەسەوە بوونەتە ٧٣٠٠ کەس. لێکدانەوەکان دەڵێن ساڵی داهاتوو دیسانیش هەروا زێدەتر دەبن. واتا لە هەر دە پەناخواز، یەکیان منداڵی بەتەنیاهاتوو دەبێ.

میکاییل ڕیببن‌ڤیک سەرۆکی بەرزی دەزگای کۆچ دەڵێ هۆی ئەم زێدەبوونە، تێکچوونی باری ئاسایشی وڵاتانی جیهانە:
ـ "هەتا ئەم ناکۆکیانەی وڵاتان زیاتر بن، ئەوا ئۆگری بۆ دابینکردنی ژیانێکی باش و ئاسوودە بۆ منداڵانیش زیاتر دەبێ. بۆیەش خەڵک مندالەکانیان بە هیوای ژیانێکی باشتر دەنێرنە سوید و وڵاتانی دیکەی ئەورووپا.

لەم ناوەدا بۆ دەزگای کۆچ زەحمەتە کە کۆمۆنی دڵخواز بۆ وەرگرتنی ئەم منداڵە پەناخوازانە بدۆزێتەوە کە بەبێ دایکوباوکیان دێنە سوید بۆیەش لە دەستپێکی ساڵی تازەوە هەموو کۆمۆنەکان مەجبوور دەکا کە ئەم پەناخوازانە وەربگرن.

تا ئێستا دەزگای کۆچ زیاتر لە هەزار منداڵی بەتەنیاهاتووی پەناخوازی بەبێ دڵخوازی کۆمۆنەکان، لە چەند کۆمۆندا نیشتەجێ کردووە.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".