Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

SD pêbawerîya bi dadgehên mihacirîyê re dişkîne

Hat weşandin måndag 24 november 2014 kl 14.40
TT
Agneta Ramberg û Patrik Jönsson(SD).Wêne: Jonas Ekströmmer/TT.

Piştî serkeftina di hilbijartinên dawî de hejmara endamên partîya rexnegirê penaberîyê Demokratên Swêdê (SD) yên di heyetên dadgehên mihacirîyê de dû-qat zêde bûye.

Ev jî pêbawerîya bi dadgehan re qels dike, bi ya Anne Ramberg ku seroka Cemîyeta parêzerên Swêdê ye. 

Dadgehên mihacirîyê girêdayî dadgehên îdarî ne û li bajarên Luleå, Stockholm, Göteborg û Malmö hene. Di heyeta van dadgehan de ji bilî hakim sê endamên din jî hene ku partîyên sîyasî li gorî temsîla xwe xuya dikin.

Piştî serkeftina mezin ya di hilbijartinê li herêma Skåneyê ji 312 endamên heyetên dadgehan 48 ji partîya Demokratên Swêdê ne.

Ji ber ku ev partî li dijî hatina penaberan ya ji bo Swêdê ye, metirsî heye ku dê fikrê wan ê sîyasî li ser biryarên wan yên hiqûqî bandorê bike.

Lê Patrik Jönsson, ku hem parlamenter e û hem jî li dadgeha mihacirîyê ya Malmöyê endamê heyeta mehkemê ye dibêje ew ne ji alîyê xwe ve  û ne jî ji alîyê yekê din ve alîgirîya sîyasî nabîne.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".