Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
کوردەکانی سوید

کۆنفرانسی ئاشتەوایی کوردەکانی ڕۆژهەڵات لە ستۆکهۆڵم

بڵاو کرایه‌وه‌ fredag 16 januari 2015 kl 15.31
کۆنفرانسی ئاشتەوایی کوردەکانی ڕۆژهەڵات
(11 min)
هێمن سەیدی لە وتووێژێکدا بۆ بەشی کوردیی ڕادیۆی سوید
هێمن سەیدی لە وتووێژێکدا بۆ بەشی کوردیی ڕادیۆی سوید

ڕۆژانی شەممە و یەکشەی ئەم هەفتەیە، واتا سبەینێ و دووسبەی کۆنفرانسی ئاشتی بۆ رۆژهه‌لاتی کوردستان له بینای ناوەندیی ئا.‌بێ.‌ئێفی شاری ستۆکهۆلم به‌رێوه ده‌چێ. 

ئەم کۆنفرانسە بە دەستپێشخەریی ڕۆژنامەوان و شرۆڤەکاری سیاسی هێمن سەیدی نیشتەجێی لەندەن پێکدێ کە تێیدا نزیکەی ٨٠ کەس لە نوێنەرانی ڕێکخراوە سیاسی، کۆمەڵایەتی و مەدەنییەکانی ڕۆژهەڵات، کەسایەتییە سیاسییە سەربەخۆکان، سیاسەتوانانی پێشوو، ڕۆژنامەوانان و چالاکانی بوارە جۆراوجۆرەکانی کۆمەڵایەتیی نیشتەجێی ئەورووپا و کوردستان گازی کراون تا لە پێناو ئاشتی، هاوکاری و قەبوولکردنی جیاوازییەکانی یەکتر، لە دەوری یەک کۆببنەوە و تاووتوێی کێشەکانی خۆیان بکەن.

ئەم کۆنفرانسە لەبەر کێشەی ئاسایش، تەنیا بۆ میوانە بانگهێشتنکراوەکانە و هاتنە ژوور بۆ هەموو کەس ڕێپێدراو نییە.

ئێوارەی ڕۆژی ڕابردوو لە ناوەندی باژاری چاوم بە هێمن سەیدی کەوت و بۆی باسکردم کە ئەم کۆنفرانسە هەوڵێکە بۆ لێکتێگەیشتن، ئاشتی و ئاسایی‌بوونەوەی پێوەندییەکانی خەڵک و لایەنە سیاسی و کۆمەڵایەتییەکانی کوردی ڕۆژهەڵات، لە کردەوەدا نەک بە قسە.

تاکە حیزبێک کە تا ڕۆژی ڕابردوو ڕاینەگەیاندبوو کە لەم کۆنفرانسە ئاشتەواییەدا بەشدار دەبێ، بە پێی زانیارییەک ـ کە لە دەرەوەی وتووێژەکە بە دەست بەشی کوردیی ڕادیۆی سوید گەیشتووە ـ کۆمەڵەی شۆڕشگێڕی زەحمەتکێشانی کوردستانی ئێرانە، بەڕێبەریی عەبدوڵلا موهتەدی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".