Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Kirîna lênêrînek baștir pirsgirêkek exlaqî ye

Hat weşandin torsdag 29 januari 2015 kl 11.17
Wêne: Radyoya Swêdê
Wêne: Raina Medelius/Radyoya Swêdê

Pirsgirêkên mezin ên exlaqî tên pêș dema Meclîsên Wîlayetan destûr didin ku nexweș ji bo lênêrîn û tedawiyek baștir  di nav sîstema lênêrîna nexweșan a fermî bikire. Vê yekê Konseya Dermankirin û exlaqî ya Dewletî ya bi navê SMER îdîa dike.

Li gor serokê Konseyê Kjell Asplund eger mirov bihêle pere biryara tedawiyê bide metirsî heye ku bi demê re prensîba ku mafê hemû welatiyan a lênêrînek yeksan heye zerarê bibîne. Ew dibêje:

- Ferq di navbera bandora dermankirina berfireh dikare çawa be de heye. Bifikire ku ji mirov re ji bo baștir bihistinê cîhazek pêwiste, lê mirov wî cîhazê hinek lukstir û bi desaynê xweșiktir duxwaze, wê demê mirov dikare hinek alîkariya aborî bi xwe bide. Lê dema tê ser ferqên mezin ên qalîteya lênêrînê, em naxwazin ku ev yek were firotin û kirîn.

Konseya exlaqî ya dermankirinê dê pêșniyarên ji bo rênîșandanê ji bo hemû Wîlayetên Meclîsan bi rêya lîsteyek bi 8 xalên girîn ku divê li ber çav werin girtin biîne, ku ev yek bi awayekî jî bibe alîkar ku hemû wîlayet wek hev xizmetê ji bo nexwșan li her derê welêt bikin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".