Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Swêdiyên li Kurdistanê girtî hatine berdan

Hat weşandin onsdag 18 november 2015 kl 14.44
Neyta wan çûna Rojava bû
(1:36 min)
Kurdiska YPG styrkor.
Yek ji wan kesên ku li başûrê Kurdistanê hatibû girtin Rahel Qadir e ku berya niha bi YPG re maye. Foto: Lefteris Pitarakis/TT

Sê hevwelatiyên Swêdê yên 25-35 salî ku li başûrê Kurdistanê hatibûne girtin duh serbest hatine berdan.

Gabriel Wernstedt ji Wezareta Derve ya Swêdê teyîd dike ku sê hevwelatiyên swêdî yên ku bi gotina wî ”li bakurê Îraqê” hatine girtin serbest hatine berdan.

Derbarê bê ev kes kî bû ne û çima hatine girtin de wezareta derve naxwaze tu agahiyan bide, lê li gor zanyariyên ku gihane me van her sê kesan xwestine ji başûr derbasî rojavayê Kurdistanê bibin, lê ji aliyê hêzên ewlekariyê yên başûrê Kurdistanê ve hatine girtin û ev nêzîkê mehekê bû ew di bin çavan de bûn.

Li gor zanyariyên gihane me mebesta van kesan alîkariya ji bo rojavayê Kurdistanê bûye û yek ji girtiyan di nav refên YPGê de li dijî Daişê şer kiriye.

Li ser pirsa me ya ji Wezareta Derve bê gelo ev kes ji aliyê Swêdê ve weke talûke têne dîtin yan na, Gabriel Wernstedt dibêje ew dimîne ser nirxandina polîs.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".