Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

لەژێر ناوی داعشدا نامەی هەڕەشە بۆ هاوڵاتییان دەنێردرێت

بڵاو کرایه‌وه‌ måndag 14 december 2015 kl 16.07
"ئەگەر نەچیتە سەر دینی ئیسلام سەرت لەلاشە دەکرێتەوە"
(1:52 min)
وێنە لە فەیسبووکەوە وەرگیراوە.
وێنە لە فەیسبووکەوە وەرگیراوە.

لە گەڕەکی ماشتا لە باکووری شاری ستۆکهۆڵم رۆژی هەینی نامەی هەڕەشە ئامێز کە واژوو یان ئیمزایی ڕێکخراوی تیرۆریستی دەوڵەتی ئیسلامی بەداعش ناسراوی لەسەر بووە خراوەتە پۆستی ماڵانەوە.

 لەپاش بڵاوبوونەوەی ئەو نامانە چەندین سکاڵا لەلای پۆلیس تۆمارکراون و پۆلیس دەستی بەلێکۆڵینەوە کردووە. ئانا یێنبێری کارڵسۆن وتەبێژی شارەوانی سیگتووینایەو کارڵسۆن ئەو هەواڵە پشتڕاست دەکاتەوە دەڵێت.

 - ئێمە لەوە ئاگادارین کە چەند دانیشتوویەکی شارەوانییەکەمان ئەو نامە نەخوازراوانە خراوەتە پۆستەکانیانەوە، بەڵام بەتەواوی چەندە هاوڵاتی ئەو نامانەی پێگەشتووە ئاشکرا نییە.

 جێگەی باسە کە لەنامەکاندا نووسراوە ئەگەر نەچیتە سەر دینی ئیسلام ئەوا سەرت لەلاشە دەکرێتەوە.

 هاوکات پۆلیس لەبەر بەڕێوەچوونی لێکۆڵینەوەکان ئاماددە نییە هیچ زانیاریەک بدات کە چی لایەنێک یان کێ لەپشت بڵاوکردنەوەی ئەو نامانەن، بەڵام باسیان لەوە کردووە کە لێکۆڵینەوەکان بەرفراوانن و پۆلیسی ئاسایشی سوید لەو ڕووداوە ئاگادارکراوەتەوە.

هەروەها جەختیان لەوە کردۆتەوە کە لەکاتێکدا ناوەی ڕێکخراوی تیرۆریستی دەوڵەتی ئیسلامی بەداعش ناسراوی هێنراوە ئەوە ناگەیەنێت کە ئەوانی لەپشت ئەو کارەو بن.

شارەانییەکەش داوا لەهاڵاتیانی دانیشتووی شارەوانییەکە دەکات ئەگەر ئەو نامانە خراوەتە پۆستەکانیانەوە سکاڵا لەلای پۆلیس تۆمار بکەن. هەر هەمان شارەوانی هەستاوە بەئاگادارکردنەی قوتابیانی شارەوانییەکە بۆ ئەوەی زانیاریان لەسەر ئەم کار هەبێت و ئەگەر نامەی هاوشێوەیان بەرچاوکەوت ئەوا بەزووی پۆلیسی لێ ئاگادار بکەنەوە.

 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".