Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Hejmara penaberên zarok gelekî kêm bûye

Hat weşandin torsdag 14 januari 2016 kl 12.29
Vêga rojê bi zarê zarokeke penaber tê.
(1:53 min)
Pira Öresundsbronê ya di navbera Danîmarka û Swêdê de ku penaber xwe ser re digihandine Swêdê. Wêne: Johan Nilsson / TT.
Pira Öresundsbronê ya di navbera Danîmarka û Swêdê de ku penaber xwe ser re digihandine Swêdê. Wêne: Johan Nilsson / TT.

Vê payîzê rojê nêzîkî 300 zarokên penaber ên bitenê dihatine Malmöyê. Lê vêga rojê bi zorê zarokek tê. Kesî bawer nedikir ku hejmara penaberên zarok ên bitenê dê bi awayekî wiha kêm bibûya.

Meha 11an a buhurî li stargehên cuda yên trasît ên li Malmöyê 2 200 zarokên penaber ên bitenê hebûn, îro ev hejmar 200 e.

Bajarê Malmöyê gelek stargehên nû vekirine û zêdeyî 1 800 personelê demkî girtine da ku li van stargehan kar bikin. Wan bawer nedikir ku hejmara zarokên penaber ku têne Malmöyê dê wiha bi awayekî ecêb kêm bibûya.

Annelie Larsson li Malmöyê rêvebera îdarî ya çavkaniyên civakî ye. Ew dibêje Daîreya Koçê salê çar caran texmînan diweşîne û texmîna herî dawîn jî nîşan dide ku gelek zarok ê werin, lê di eslê xwe de ev ne wisa ye.

Ji 4ê vê mehê û pê de hikûmetê ji bo kesên ku ji Danîmarkayê têne Swêdê dest bi kontrola nasnameyan kir. Armanca hikûmetê bi vê kêmkirina penaberên ku têne Swêdê ye.

Daîreya Koçê diyar dike ku ew nizanin ka kontrola nasnameyan tesîreke çawa li kêmbûna hejmara zarokên penaber ên bitenê ku têne Swêdê kiriye. Lê Annelie Larsson bawer dike ku kontrola nasnameyan bi hewaya cemidî ya zivistanê re kiriye ku hejmara zarokên penaber ku xwe digihînine Swêdê kêm bûye.

Annelie Larsson dibêje hem li Swêdê hem jî li Danîmarkayê nasname û pasaport têne kontrol kirin û ev tesîrê li hejmarê dike.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".