Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئەگەری دادگایی کردنی گومنالێکراوێک بە تاوانی تیرۆریستی هەیە

بڵاو کرایه‌وه‌ torsdag 7 april 2016 kl 15.21
گومانلێکراو بەنیاز بووە لە سوید خۆی بتەقێنێتەوە
(1:14 min)
Foto: TT
Foto: TT

کوڕێکی 20 ساڵانە کە دانیشتووی ستۆکهۆلمە بە گومانی ئامادەکاریی بۆ کاری تیرۆریستی ئەگەری دادگاییکردنی هەیە. 

دادوەری گشتی ئێڤاماری هێگڤیک لە یەکەی گشتیی تایبەت بە دۆسییەی ئاسایش دەڵێت ئەو لاو کەرەستەی دروستکردنی بۆمبی خۆکوژی پەیدا کردووە، بەڵام کەرەستەی تەواوەتی دەست نەکەوتووە، پێدەچیت ئەو لاوە خۆی بۆ تەقینەوەیە لە سوید ئامادە کردبێت بەڕای دادوەری گشتی.

ئەو هەروەها دەڵێت بەڵگە لەسەر ئەو لاوە جگە لەو کەرەستانەی دەستیان بەسەردا گیراوە، ئەو زانیارییانەیە کە کەسوکاری ئەو لاوە بە پۆلیسیان گەیاندووە و هەروەها لە موبیلتەلەفۆنەکەیدا دۆزراوەتەوە.

لە تەلەفۆنەکەیدا چەند دۆکومێنتێک دۆزراوەتەوە تایبەت بە چۆنییەتیی دروستکردنی بۆمب هەروەها گۆڤاری سەر بە داعش و ئەلقاعیدە.

بەپێی شایەتیی کەسوکاری ئەو لاوە گوایا وتوویەتی کە بەنیازە خۆی بەو کەسانەدا بتەقێنێتەوە کە دژایەتیی داعش دەکەن.

بەپێی زانیاریی دادگا ئەو لاوە لەماوەی هاوینی رابوردوودا دووجار بە مەبەستی چوون بۆ سوریا و پەیوەندیکردن بە داعشەوە لە تورکیا دەستگیر کراوە و نێردراوەتەوە بۆ سوید.                           

 

 

 

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".