Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

توندئاژووە ڕاستڕەوەکان کێشە بۆ پۆلیس دەنێنەوە

بڵاو کرایه‌وه‌ fredag 8 april 2016 kl 11.46
"دڵە ڕاوکێ و نائارامی دەنێنەوە"
(2:11 min)
Foto: Carina Holmberg/Sveriges Radio
Foto: Carina Holmberg/Sveriges Radio وێنە: Foto: Carina Holmberg/Sveriges Radio

ڕۆژ لەدوای ڕۆژ گرووپە توندئاژووە ڕاستڕەوەکان لە سویددا گەشە دەسێنن و زیاتر بەکردار دەردەکەون و پۆلیس چالاکیی ئەم گرووپانە وەک کێشە لە قەڵەم دەدات.

یەکێک لەو گرووپ یان بزووتنەوە توندئاژووە ڕاستڕەوانە تۆڕی سۆڵدێرش ئۆف ئۆودینە  (Soldiers of Odin) یان بە سویدی پێیان دەوترێت ئودینس سوڵداتەر کە هاوشێوەی پاسەوانانی گەل بە شەقامەکاندا بە گرووپ پیادەڕۆیی دەکەن وەک خۆیان دەڵێت بۆ ئەوەی ئاسایش و ئارامی لە کۆمەڵگەدا بێهێننە ئاراوە.

بەڵام پۆلیسی سوید ڕایگەیاندووە کە ئەوان ڕەوتی دیموکرات دەشێوێنن. ئێریک سیڤەربوو بەڕێوەبەر لە بەشی هەواڵگریی پۆلیسی یۆتێبۆری ئاماژە بەوە دەکات کەئەو کارەی ئەم گرووپە سەرقاڵین کێشەیەکی گەورەیە.

   - سەرەتا من پێموایە ئەرکی ئەوان نییە ئاسایش و سەلامەتی بۆ هاوڵاتییان دابین بکەن سیڤەربوو دەڵێت، بەڵکو پۆلیس ئەو ئەرکەی لە ئەستۆدایە و ئەوەی کە (Soldiers of Odin ) سەرقاڵین بە پێچەوانەوە دڵەڕاوکێ لە نێو هاوڵاتییان و کۆمەڵگەدا دروست دەکات.  هاوکات ئامانجی ئەم گرووپە هێنانە ئارای ئارامی نییە چونکە ئەوان لەبنەڕەتدا بیروبۆچوونی دژە بیانیان هەڵگرتووە.

سۆلدێرش ئۆف ئۆودین لەلایەن کەسێکی ناسراوی نازیستەوە لە وڵاتی فینلەندا دامەزراوە و لە پاش دامەزراندنییەوە ئەو بزوتنەوە توندئاژووە ڕاستڕەوە لە هەموو ئەسکەندەناڤیادا بڵاو بووەتەوە. لە تۆڕی کۆمەڵایەتی فەیسبووک لەسویددا زیاتر لە ٧٠٠٠ کەس لایکی گرووپەکەیانی کردووە. هاوکات هەر لەو پەڕە تایبەتەیاندا زیاتر لە ٢٠ جێگە لەسویددا بوونیان هەیەو ئەندامیان هەیە و لە زۆر ناوچە دەسوڕێنەوە.

 بەووتەی پۆلیسی سوید بەشێکی زۆر لەو کەسانەی پەیوەندیان بە سۆلدێرش ئۆف ئۆودینە هەیە لەسەر ئەنجامدانی تاوانی گەورە حوکم دراون.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".