Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Karkerên avakirinê dikevin girevê de

Hat weşandin tisdag 12 april 2016 kl 09.58
Heger li hev ne kirin, 1000 kesên din dikevin girevê de
(1:14 min)
Lihevnekirin derbarê zêdekirina meaşan.
Lihevnekirin derbarê zêdekirina meaşan. Wêne: Lynne Sladky

Bandorê li endustrî, avakirina xaniyên nû û trafîkê dike.

Sendîkaya karkerên avakirinê, Byggnads, îro sibehê ragehand ku gava yekem ji gireva ku wan berê pêşagahdar kiribû, hate avêtin, û 1650 karkerên avakirinê, bi taybetî li cihên endustrî, avakirina xaniyên nû û karkerên tamîrkirina rêyên trafîkê, îro ketin girevê deû ne çûn karên xwe.

Sendîka û terefê xwediyên kar li ser gelek xalan di tevgerîna peymanên karî de li hev ne kirine. Yek ji wan xalan rêjeya zêdekirina meaşan e. Saziya hikûmî ya ku navberiya herdu terefan dike, pêşniyaz kiriye ku ew 2,2 % be, eynî rêjeya ku xwediyên kar jî qebûl kiriye. Lê sendîkayê daxwaza 3,2 % kiriye.

Wekî din, hin xalên ku li ser ne hatiye lihevkirin şertên kesên nû hatine Swêdê û kesên ji derveyî Swêdê tên vir ji bo ku kar bikin. Meaşên wan gelekî nizim e, li gor sendîkayan, û xwediyên kar dibêjin ku mesrefên kar jî zêde dibin û îmkanî tune ku meaşan ewqase zêde bikin.

Heger di berdewamiya danûstandinan de terefan li hev ne kir, hejmara kesên bikevin girevê de dikare bigihîje 2600 karkerên avakirinê.


Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".