Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Zêdebûna niştecihên Swêdê ecêb mezin e

Hat weşandin onsdag 13 april 2016 kl 16.19
Penaberî, zarokên nû û temenên dirêjtir sedem in
(1:37 min)
Cadeya Drottninggatan li navenda Stockholma paytexta Swêdê.
Cadeya Drottninggatan li navenda Stockholma paytexta Swêdê. Wêne: Jonas Ekströmer/TT

Di 2017an de dê hejmara niştecihênSwêdê 10 milyonan derbas bike, û di 2060î de ew hejmar dikare bigihîje 12.9milyon.

Ev hejmar di pêşbîniyekê ji aliyê Buroya Navendî ya Statîstîkê ve tê xuyakirin. Lena Lundkvist weke demograf li buroyê kar dike:

- Ev zêdebûna di salên pêşiya me de, tenê çend salên 1800î zêdebûneke mezintir ji ya niha çê bû.

Bêhtir zarok çê dibin, temenê xelkê dirêjtir dibe û hejmara penaberan gelektir e, ev sedemên herî mezin in ku hejmara niştecihên Swêdê di salê de dê bi qasî 150 000 kesî zêdetir bibe, û heta 2060î dikare 13 milyon kesî derbas bike.

Li gor pêşbîniyên berê yên buroyê, gerek sînorê 10 milyonan îsal bihata derbaskirin, lê xuya dike ku ev hejmar dê di 2017an de were temamkirin. Li gor texmînan, dora li Daîreya Koçê, Migrationsverket, heta ku li daxwaznameyên penaberiyê dinerin û biryarê didin, ew dor pir dirêj e, û gelek li hêviya îqametê dimînin.

Wekî din, sala çû, ji bo cara yekem, hejmara zilaman li Swêdê ji jinan bêhtir bû, û xuya dike ku ew meyl, ji ber hatina penaberan, dê berdewam bike, li gor Lena Lundkvist:

- Ev çend salên dawiyê piraniya penaberên ku hatine Swêdê zilam bûne, û di çend salên pêşiya me de dê dîsan wisa be, lê di perspektîveke demdirêj de, dê bandora penaberiyê li ser rêjeya zilam û jinan li Swêdê tune be.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".