Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مۆدێراتەکان کۆمەکی پەنابەران و بیمەی بێکاری کەم دەکەنەوە

بڵاو کرایه‌وه‌ torsdag 14 april 2016 kl 14.10
کۆمەکی پەنابەران و بیمەی بێکاری کەم دەکرێتەوە
(1:56 min)
ئەلف کریستەرسۆن، وتەبێژی پرسی سیاسەتی ئابووریی مۆدێراتەکان
ئەلف کریستەرسۆن، وتەبێژی پرسی سیاسەتی ئابووریی مۆدێراتەکان

ئەمڕۆ مۆدێراتەکان بوودجەی سێبەریان پێشکەش کرد و تێیدا کۆمەکی تایبەت بە پەنابەران کەم کراوەتەوە.

 لەو پێشنیازانەی کە مۆدێراتەکان پێشکەشیان کردووە و تایبەتە بە پرسی پەنابەریی، بۆ نموونە ئەو منداڵە بەتەنهاهاتووانەی تەمەنیان دەبێتە 20 ساڵ نابێت چیتر لە خانەی سەرپەرشتیی منداڵاندا (HVB) بمێننەوە، چونکە هەر ڕۆژێک مانەوە لەو خانەیەدا نرخەکەی 2000 کرۆنە و دەوڵەت دەیدات. لەبری ئەوە کۆمۆنەکان دەبێت خانووی دیکەیان بۆ بدۆزنەوە.

بیمەی دایکوباوکایەتی (föräldrarpenning) تەنها بەو پەنابەرانە بە تەواوەتی دەدرێت کە کاریان هەیە و ئیقامەی هەمیشەییان وەرگرتووە. هەروەها بڕە پارەی قەرەبوو بۆ ئەو منداڵانەی بێسەرپەرشتن (Efterlevndestöd) ئەو منداڵ و مێردمنداڵە پەنابەرانە ناگرێتەوە کە لە خانەی سەرپەرشتیی منداڵاندا دەژین.

هەر لە بوودجەی سێبەردا هاتووە بە پێچەوانەی حووکومەتی سەوزوسوورەوە، کە مۆدێراتەکان دەیانەوێت (a-kassa) بیمەی بێکاری و بیمەی نەخۆشی کەم بکەنەوە. ئەوەشی کە پێی دەڵێن (karensdag) واتا یەکەم ڕۆژی نەخۆشی کە نەخۆش بۆی نییە بیمەی لەسەر وەربگرێت بکریتە دوو ڕۆژ، ڕۆژی یەکەمین و ڕۆژی 15 هەمینی نەخۆشنووسی.

مۆدێراتەکان بەنیازن بە پێی ئەو بوودجەیەی پێشکەشیان کردووە تا ساڵی 2020  خەرجییەکانی دەوڵەت هێندە کەم بکەنەوە کە 28.6 ملیارد کرۆن بۆ کاسەی دەوڵەت پاشەکەوت بکەن.   

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".