Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Mikail Aslan

”Kurdên Swêdê ji bo çanda kurdî girîng in”

Hat weşandin torsdag 3 november 2016 kl 14.13
"Deng û ziman û klamên ku ji dilê min dertên bi zazakî ne."
(3:31 min)
Mikaîl Aslan
Mikaîl Aslan / Wêne: Prîvat

Stranbêjê klamên çiyayên Dêrsimê Mikaîl Aslan ji bo konsera xwe ya pêşîn a li Swêdê tê Stockholmê.

Berî konsera wî ku êvara şemiyê li Tumbayê tê li darxistin me hevpeyvînek bi rêya telefonê bi Mikaîl Aslan re pêk anî. Ji ber ku ez zazakî nizanim û kurmanciya Mikaîl têrê nake me hevpeyvîn bi tirkî pêk anî.

Ji salên 90î ve ye ku Mikaîl Aslan muzîkeke bêhempa ya zazakî diafirîne. Îlhama stran û newayên wî Dêrsim e. Klamên ayînên elewiyan an jî newayên jibîrkirî yên ermeniyên koçkirî bi saza wî careke din têne jiyanê. Ew bi tirkî jî distre carinan bi kurmancî jî. Lê wî di eslê xwe de dil daye zimanê zazakî.

Ew dibêje ku min bi ya kesên derdora xwe bikira divê dema min dest bi muzîkê kir min li şûna zazakî bi tirkî muzîk çê bikira. Vê paşiyê jî ji min re gotin bi kurmancî muzîkê çê bike da ku guhdarên te zêdetir bibin. Rast e baş e eger guhdarên mirov gelek bin, lê divê mirov li dengê dilê xwe guhdarî bike

  • Deng û ziman û klamên ku ji dilê min dertên bi zazakî ne.

Bi xêra muzîkjenên weke Mikaîl Aslan îro li bakûrê Kurdistanê, kurmanc, zaza bêyî ku ferq bike, bi kêfxweşî û heyranmayî li muzîka zazakî tê guhdarî kirin.

Nasname weke piraniya hunermendên kurd motîvasyona sereke ya Mikaîl Aslan e. Ew dibêje min li dijî asîmîlasyon û zordariyê dest bi muzîka zazakî kir û hêjî motîvasyona min a herî mezin zindîhiştina ziman, çand û dîroka me ye. Bi taybetî ji bo zimanekî weke zazakî ku di lîsteya zimanên di bin tehlûkeyê de ye.

Mikaîl Aslan kêfxweş e ku ew ê dawiya dawîn îmkana dîtina kurdên Swêdê bi dest bixe. Ew dîasporaya kurd a li Swêdê ji ber xebatên wan ên li ser çanda kurdî girîng dibîne û diyar dike ku wî dixwest berî niha were Swêdê û rast e ku serdana wî bi derengî ketiye. Di halekî normal de diviyabû ez ji du salan carekê bihatame Swêdê, lê rewş û şertên ku kurd tê de tesîreke negatîv li hunera kurdî jî dike û carinan weke hunermend li hemberî vê ti ji destê wan nayê.

Par Mikaîl Aslan bi gotinên Kadir Buyukkaya albûma xwe Vengê Royi (Dengê çem) ya bi devoka zazakî ya Siwêregê derandibû. Di konsera wî ya roja şemiyê de jî granî dê li ser vê albûmê be û şev dê bi stran û helbestên zazakî were dagirtin.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".