Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i en industribyggnad med kraftig rökutveckling som följd och spridningsrisk till närliggande fastigheter. Räddningsledaren uppmanar alla i området att gå inomhus och stänga dörrar, fönster och ventilation. För mer information lyssna på din lokala P4 kanal.
(Publicerat idag kl 12.35)

دەنگدەران دژ بە بنەمای قازانجن لە فێرگادا

بڵاو کرایه‌وه‌ fredag 4 november 2016 kl 09.49
قازانج ئاستی خوێندن دوا دەخات
(2:57 min)
skolan
وێنە: JANERIK HENRIKSSON / TT

ژمارەیەکی زۆر لە هاوڵاتییان پێیان وایە پارەپەیداکردن لەڕێی فێرگاکانەوە کاریگەریی خراپی لەسەر فێرکاری هەیە.

 لە ڕاپرسییەکی نووسینگەی ئاماری (Ipsos) کە لە سەر ئەرکی ڕۆژنامەی (DagensNyheter) ئەنجام دراوە، هاتووە کە لەسەدا 46 ی ئەو کەسانەی پرسیاریان لێ کراوە دەڵێن کۆمپانیا پریڤاتەکان دەرئەنجامی خراپیان لەسەر خوێند هەیە و لەسەدا 64 یشیان دژ بە بنەمای قازانج کۆکردنەوەن لە بواری فێرگاکاندا.

بەڵام بۆ بواری تەندروستی لە سەدا 37 ی پرسیارلێکراوان پرنسیپی قازانج بە باش دەزانرێت، بەراورد لە سەدا 30 کە دژ بەو جۆرە قازانجەن بۆ نموونە لە بواری پزیشکیی دددان و بنکە تەندروستییەکان. هەروەها زۆرینەش دژ بە دابەشکردنەوەی قازانجن بەسەر خاوەنی کۆمپانیاکاندا، لەبەرئەوەی کەرتی خزمەتگوزاریی گشتیی بەڕای دەنگدەران بە پارەی باجی هاوڵاتییان دەڕاوت بەڕێوە و نابێت قازانجی ئەو بوارە بدرێتە خاوەنی کۆمپانیا تایبەتەکانی ئەو کەرتە.

ئەو کەسانەی لە ڕاپرسییە بەرفراوانەکەی ئیپسۆسدا بەشدار بوون جیاوازی لە نێوان کەرتە جیاوازەکانی خزمەتگوزارییە گشتییەکاندا دەکەن، خەڵکی زیاتر نیگەرانی ئەوەن کە گەر کۆمپانیا تایبەتەکان فێرگاکان ببەن بەڕێوە لەبەر کۆکردنەوەی قازانج گەشەپیدانی خوێندن دوا دەکەوێت، ئەمەش لە لێکۆڵینەوەی جیهانی (Pisa) تایبەت بە ئاستی خوێندنی فێرگاکان دەرکەوت کە ئاستی زانیاریی فێرخوازە سویدییەکان لە فێرگا سەرەتاییەکاندا دابەزیوە.

جێی باسە پرسی ئەو کۆمپانیا پریڤاتانەی کە لە کەرتی گشتییدا واتا کەرتی خزمەتگوزاریی و خۆشگوزەرانی گشتییدا سەرمایەگوزاری دەکەن بۆ نموونە فێرگا و نەخۆشخانەکان یەکێکە لە پرسە سیاسییە گەرمەکانی ئەم پاییزە و هەشتی ئەم مانگەش کە ڕۆژی سێشەممەی داهاتوو دەکات  ئیلمار ریپالو لێکۆڵینەوەکەی سەبارەت بە دیاریکردنی سنوورێک بۆ قازانجی کۆمپانیا پریڤاتەکانی کەرتی خۆشگوزەرانیی گشتی پێشکەش بە حوکوومەت دەکات.

لەو لێکۆڵینەوەیەدا لەو پێشنیازانە کۆڵراوەتەوە کە پارتە سیاسییەکان لەسەر پرسی قازانجی کۆمپانیا پریڤاتەکان پێشکەشیان کردووە. بەپێی ئەو زانیارییانەی دەست بەشی هەواڵەکانی ڕادیۆی سوید، ئێکۆت کەوتووە لێکۆڵینەوەکە پێشنیازی ئەوە دەکات کە قازانجی کۆمپانیاکان بە لە سەدا 7 سنووردار بکرێت، بەڵام ئەم پێشنیازە پێناچێت کاری پێ بکرێت. لەبەرئەوەی زۆرینەی پەرلەمانی لەگەڵ نییە لە کاتێکدا هاوپەیمانی ڕاست و پارتی دیموکراتەکانی سوید دژ بە دیاریکردنی سنوورن بۆ قازانجی کۆمپانیا تایبەتەکانی کەرتی خزمەتگوزاریی گشتی.

جێی باسە پارتەکانی بەرەی سوورسەوز لە سۆسیالدیموکرات و ژینگە  هەروەها لە بەرەی ئۆپۆزسیۆن پارتی چەپ چەندین ساڵە هەوڵ بۆ سنووردارکردنی قازانجی کۆمپانیا تایبەتەکان لە بواری خزمەتگوزاریی گشتییدا وەک فێرگا و بواری تەندروستی دەدەن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".