Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Siyasetmedarên swêdî wekîliya siyasetmedarên HDP dikin

Hat weşandin fredag 4 november 2016 kl 13.05
"Em dibin dengê wan"
(3:58 min)
Yekbun
Siyasetmedara Kurd Yekbûn Alp girtina hevserok û parlementerên HDP'ê dinirxîne. Wêne:TT û Bezav Mohmod.

Ji bo parastina siysetmedarên HDP, Partiya demokrat a gelan, dora 30 siyasetmedarên swêdî ji Partiya Çep, Sosyaldemokratan û Lîberalan bernameyeke taybet ya wekîliyê saz kirine.

Yekbûn Alp, berpirsa pirsên karûbarê derve ya Partiya Çep li şaredariya Uppsala vê bernameyê û armancên siyasetmedaran zelal dike û dibêje ku ev wekîl dibine dengê van siyasetmedaran. 

Di halê hazir de dora 30 siyasetmedarên Swêdî xwestine bibin wekîl (Fadder) ji bo siyasetmedarên HDP û maf û rewşan wan bişopînin û bi parêzin. Lê li gor Yekbûn Alp, 30 kes ne têr in ji bo parastina hemû siyasetmedarên ku îro ji aliyê hikûmeta Turkiyê ve hatin girtin. Îca gelo bi awayekî berçav wê ev 30 wekîl karibin îro çi bikin ji bo siyasetmedarên girtî?

Yekbûn Alp nimûneyekê dide û dibêje ku serokê Partiya Çep , Jonas Sjöstedt, yê wekîlê hevserokê HDP, Selahattin Demirtasş e, ji wezîra karûbarê derve ya Swêdê xwestiye ku bang li balyozê tirkî yê li Swêdê bike û vê bûyerê şermezar bike.

Sjöstedt herweha daxwaz dike ku Swêd nuha hemû têkiliyên xwe bi Tirkiyê re rawestîne ta ev siyasetmedar bêne serbest berdan.

Hîmê rojnamegeriya me duristî û bêterefî ye. Radyoya Swêdê ji aliyê berjewendiyên siyasî, dînî, aborî, resmî û şexsî ve serbixwe ye.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".